Filipɛ̀n anmàn-bɔ̀ 1:20 - Ɛmɛẅi ankà ankrànkràn 2003

²⁰ Annanwɔrɛ mɛ̀n lɔ, eci léyi mɛ vrá hɩ mɛ ẅɛn esɛ́ n'ɛwú nɔn, ke sɩ̀ tán mɛ̀n anvɛvrà zriɛmɛ́n. Tɛ́n, zɛtɛ̀ lɔ mán ɛnvra lɔ fɛn, esɛ́ vri mɛ̀n, me le yé Krisì vrisɩ̀ lɔ, m'antà-duwrú mumù lɔ fɛn mɛ̀n, ke dú ɔkɔrɛ mɛ̀n mán, ke dú owúemɛ̀n mán.

Filipɛ̀n anmàn-bɔ̀ 1:20 Cross References

Zhan 21:19

(Ankà ndɔ lɔ wú lɔ, Zhezü ke yé ɔmu le Piɛrɛ̀n kɛ lɛ hán kè wù, ô kɛ̀ zrɔ Ɔwɔ eci nɔn.) Zɛtɛn Zhezü kɛ dɔ́ nɛ̀n le: “Kɛ́n mɛ̀n ɛsɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:13

Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.”

Ɔkɔ̀hɔ̀n-wá-bɔ̀ kɔ̀hɔ̀n hán 4:31

Ɛnvra léyi yɔ sɛ́n Ɔwɔ trɔ nɔn, ɛyri léyi yɔ bɔrɛkru yɔ nyɔn nɔn jɔkɔ̀. Yɔ lɛ fɛn, yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ Ɔwɔ ankà esɛ́ mɛ̀n.

Rɔmɛ̀n-anmàn-bɔ̀ 12:1

Anwrɔn-nɛ́n-muan-ẅì hɔ̀n, ɔmuhi Ɔwɔ yé bɔ̀ n'ɛcüɛ̀n lɔ nɔn, me yɩ́ nyɛ̀n edù nyɛ́n bɩ́ nyɛ́n mumù lɔ ankɔrɛ-kɔrɛ mɛ̀n nyɛ́n ce nɛ̀n, ndɔ lɔ de dú n'ɛvɛ̀-cüɛn-ci nɔn. Hɩ lɔ de dú ecice-kɔ̀hɔ̀n-hán annanwɔrɛ léyi dú ɔwɔ̀ɛn nyɛ́n ẅɛn nɛ̀n nɔn.

Rɔmɛ̀n-anmàn-bɔ̀ 5:5

Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.

Rɔmɛ̀n-anmàn-bɔ̀ 6:13

Nyɛ́n bɩ́ vru bɩ́ ny'edùwrú yri hɔ̀n lɔ fɛn nyɛ́n wá ɛgbàn kɔ̀hɔ̀n-hán mɛ̀n. Tɛ́n nyɛ́n bɩ́ ny'edomɛ̀n nyɛ́n ce Ɔwɔ, kè dù kɛ̀ hán anwrɔn hɔ̀n léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô nyɛ́n bɩ́ ny'edùwrú mumù lɔ fɛn nyɛ́n wá ɔkɔ̀hɔ̀n léyi dú ɛnyrɔnnan-ci nɔn mɛ̀n.

Rɔmɛ̀n-anmàn-bɔ̀ 6:19

Mɛ dɔ́ anwrɔnẅìemɛ̀n ankà ɔmu lɔ, ɔmuhi ɛjɛ̀ dú ny'edùci nɔn. Ɛnkrubɔmɛ̀n lɔ, nyɛ́n dú nyɛ́n mumù lɔ fɛn anwɔ̀n-bɔ̀, kɩ nyɛ́n dú ɛnbrá mán eci-gbàngbàn hɔ̀n léyi kɛ tán nyɛ̀n ezì kɛ̀n Ɔwɔ tɛ̀sɛ̀n nɔn y'eci-bɩtan-kɔ̀hɔ́n mɛ̀n; ɔmu zri lɔ, zɛtɛ̀ lɔ, ke ji le nyɛ́n mumù lɔ fɛn nyɛ́n srɔ anwɔ̀n-bɔ̀, ô nyɛ́n dú ɛnyrɔnnan ci-bɩtan-kɔ̀hɔ́n mɛ̀n, ô nyɛ́n ẅɛn ɛwúvà prɔnprɔn.

Rɔmɛ̀n-anmàn-bɔ̀ 8:19

Ɔwɔ kɔrɛ̀-ci mumù lɔ fɛn kɛ vrá edù cüìcüìemɛ̀n nbì léyi Ɔwɔ kɛ lɛ hán n'ɛẅì hɔ̀n kɛ kán n'eci-zrɔ lɔ nɔn.

Rɔmɛ̀n-anmàn-bɔ̀ 9:33

hán ɔmu le Owrú kɛ dɔ̀ nɔn: “Nyɛ́n nyán, mɛ̀n hɛ́n Ɔwɔ zìwú obù léyi kɛ hán yɛ trɛnshɛn nɔn, obù léyi kɛ hán ye bore nɔn. Tɛ́n Ɔwrɔn léyi ke bú n'ankà kɛ tán ankaẅì nɔn, ɛnbɔrɛ ke sɩ̀ wú nɛ̀n.”

1 Korɛntɛ̀n anmàn-bɔ̀ 15:31

Anwrɔn-nɛ́n-muan-ẅì hɔ̀n, ɛnbì lɔ fɛn, mɛ nyɔ́n owù zìwú: dú annanwɔrɛ, annanwɔrɛ zri léyi kɛ tán mɛ̀n ɔmùan-gbù ny'ɛwú, bɔ́ Ɛẅɛnwrɔn Zhezü Krisì mɛhi b'ɔbɔ̀sɔ̀ lɔ mɛ̀n nɔn.

1 Korɛntɛ̀n anmàn-bɔ̀ 6:20

nyɛ́n srɔ Ɔwɔ tɛn, nɛ̀n di yi wɔ̀ɛn. Nyɛ́n bɩ́ ny'edùwrú dùku lɔ, nyɛ́n wá Ɔwɔ ci-zrɔ ci-bɩ̀tan kɔ̀hɔn mɛ̀n.

1 Korɛntɛ̀n anmàn-bɔ̀ 7:34

kɩ ɔmu lɔ, nɛ̀n dú eci anhyrɛ̀ granmɛ̀n. Ɔmu zri lɔ, ɛnnyɔnwrɔn tɔ̀n, ɛnvra tɔ̀n hô, sùgban-nyɔnwrɔn-ẅì léyi kè sɩ̀ nyrì ɛncɔnwrɔn nɔn, kɛ crɛ-nyan Ɛẅɛnwrɔn domɛ̀n ankà, ɔmuhi ne ji nɛ̀n dú Ɛẅɛnwrɔn tɛn n'eci lɔ fɛn hán mɛ̀n mán n'ankà-tro mɛ̀n; tɛ́n ɛnnyɔnwrɔn léyi yiri ɛncɔnwrɔn nɔn, kɛ crɛnyan ɛnhibù wú domɛ̀n ci lɔ fɛn, ne ji ɛyri nɛ̀n cüɛn nɛ́n cüì ɛvɛ̀.

2 Korɛntɛ̀n anmàn-bɔ̀ 10:8

Ɔmuhi mɛ́n sɩ́ hán anvɛvrà ci, ke dú kɛ mɛ̀n hán ɔmùan-gbú ci ẅiɛ jan Ɛẅɛnwrɔn kɔrɛ̀-levri léyi tán bɔ̀ nɔn hɩ wú, ɛkɔrɛ̀-levri léyi n'eci-hán kɛ lɛ hán nyɛ́n fɛcüè krubɔrɛ kɔ̀hɔ̀n lɔ kɛ nán esù kɛ̀ hɔ́n ezì, kɩ kè sɩ̀ dù hɩ le y'á jrɛ́ nɛ̀n nɔn.

2 Korɛntɛ̀n anmàn-bɔ̀ 3:12

Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn.

2 Korɛntɛ̀n anmàn-bɔ̀ 4:10

Ɛnvra lɔ fɛn Zhezü wù lɔ dú bɔ̀ edomɛ̀n, ô n'ɛwúvà lɔ mán kè dú bɔ́ edùwrú lɔ mɛ̀n.

2 Korɛntɛ̀n anmàn-bɔ̀ 5:15

Nɛ̀n wú yɔ lɔ fɛn y'ɛkruhú, ô yɔ léyi yɔ dú ɛwúvà mɛ̀n nɔn, yɔ bɩ́ vru dú ɛwúvà mɛ̀n yɔ tán yɔ mumù, tɛ́n yɔ tán ɔwrɔn léyi wù, kɩ vru vá ɛwúvà-kɔrɛ̀ mɛ̀n y'ɛkruhú nɔn.

2 Korɛntɛ̀n anmàn-bɔ̀ 7:14

Ke dú kɛ mɛ̀n gbú ɔmùan ẅiɛ jan ny'ɛwú, n'ɛtɛ̀sɛ̀n hô, nyɛ́n sɩ̀ tán mɛ̀n anvɛvrà. Tɛ́n, ɔmu zri léyi bɔ́ dɔ́ nyɛ̀n ankà annanwɔrɛ nɔn, ɔmu zri lɔ ɛmrɛ́n léyi bɔ̀ tán nyɛ̀n Titɛ̀n tɛsɛ̀n nɔn, ɛmrɛ́n lɔ dú ɛnyrɔnnan mɛ̀n.

2 Korɛntɛ̀n anmàn-bɔ̀ 7:4

Mɛ̀n ẅɛn ny'esɛ́ vri, me gbú ɔmùan ny'ɛwú. B'obòtò hɔ̀n lɔ fɛn mɛ̀n, mɛ̀n dú edúyiemɛ̀n kɩ pɔ̀püɛ̀-brà yɩ́ m'ɛnbɔrɛ lɔ.

Filipɛ̀n anmàn-bɔ̀ 1:14

Hɩ le yɛ kán mɛ̀n anwɔn-mɛ̀n-wá-wɔn mɛ̀n nɔn, anwrɔn-nɛ́n-muan-ẅì hɔ̀n janbɔ̀ cɔ́ esɛ́ Ɛẅɛnwrɔn mɛ̀n, hán tán kɩ yɔ bobrebe, ɛnjansù ke sɩ́ ẅɛn hán Ɔwɔ ankà-dɔ́ mɛ̀n.

Filipɛ̀n anmàn-bɔ̀ 2:17

Me bú tán le m'ɛnkrɛ̀ lɔ ke le cüe, ke le dù kɛ lɛ hán ecice-ci léyi ny'ankàẅì-bùtan kɛ tán Ɔwɔ nɔn. Ke dú kɛ ndɔ lɔ dú eci-hán-ci, mɛ̀n dú ɛnbɔrɛ-bruemɛ̀n, kɩ nyɛ lɛ fɛn lɔ mɛ wá nyɛ̀n mɛ́n pɔpüɛ̀-brà lɔ mɛ̀n.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

1 Piɛrɛ̀n 4:16

Tɛ́n ke dú kɛ ɔwrɔn tɔ̀n kɛ kán ɛgbàn ɔmuhi nɛ̀n dú Krisì sɛ̀nkɛn-wrɔn nɔn, anvɛvrà ke bɩ́ ẅɛn nɛ̀n; nɛ̀n gɔ̀ tán Ɔwɔ ɔkùɛn ɔmuhi nɛ̀n cɔ́ ɛkɔrɛ̀levri nɛ̀n bɩ́ ebi ndɔ lɔ nɔn.

1 Zhan 2:28

Hɛ̀ɛ̀, m'ɛẅì hɔ̀n, nyɛ́n yɛ́ Krisì bɔ̀sɔ̀ lɔ mɛ̀n, ô bɔ̀ ẅɛn esɛ́ vri kè dú bɔ́ ɛmɛ̀n ɛnvra léyi nɛ lɛ srɔ, ô anvɛvrà ke bɩ́ cɔ́ bɔ̀ n'ezìwú, n'ɛvá bì lɔ.