Filipɛ̀n anmàn-bɔ̀ 1:19 - Ɛmɛẅi ankà ankrànkràn 2003

¹⁹ ɔmuhi mɛ̀n nyri ɔmu le ndɔ lɔ fɛn ke le dú m'ɛnkrukɔrɛ̀, ny'Ɔwɔ-sɛ̀n mán Zhezü Krisì Hɛ́n kɔrɛ̀-wá léyi kɛ vá sɩ́ mɛ̀n nɔn, n'ɛkɔrɛ̀levri mɛ̀n.

Filipɛ̀n anmàn-bɔ̀ 1:19 Cross References

Ɔkɔ̀hɔ̀n-wá-bɔ̀ kɔ̀hɔ̀n hán 16:7

Ɛnvra léyi yɔ cɔ́ Mizi kpɔsɔ wú tɛ̀sɛ̀n nɔn, yɔ wá yɔ hɔ́n Bitini kpɔsɔ wú, tɛ́n Zhezü Hɛ́n lɔ kè sɩ̀ tán yɔ ɛkɔrɛ̀-levri.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 8:9

Tɛ́n nyɛ́n, nyɛ́n sɩ́ hán nyɛ́n dùku ny'ɛwúvà ci; ny'ɛwúvà lɔ dú Ɛnhɛ́n Prɔnprɔn mɛ̀n, ɔmuhi Ɔwɔ Hɛ́n Prɔnprɔn dú nyɛ̀n ɛmɛ̀n nɔn. Ɔwrɔn léyi kè sɩ̀ ẅɛ̀n Krisì Hɛ́n lɔ nɔn, nɛ̀n sɩ̀ dù Krisì tɛn.

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

2 Korɛntɛ̀n anmàn-bɔ̀ 1:11

kɩ nyɛ́n dùku ny'Ɔwɔ-sɛ́n mɛ̀n lɔ, nyɛ lɛ wá bɔ̀ ɛkɔrɛ̀. Ɔmu lɔ de Ɔwɔ kɛ lɛ yá Ɔwɔ-sɛ̀n léyi bobrebe kɛ hán tán bɔ̀, nɛ lɛ hán bɔ̀ anvrɛn ndɔ lɔ kɩ bobrebe kɛ lɛ tán nɛ̀n ɔkùɛn bɔ́ kruhú.

Galasi anmàn-bɔ̀ 3:5

Ɛnvra léyi Ɔwɔ kɛ tán nyɛ̀n n'Ɛnhɛ́n kɩ kɛ hán anvɛmɛ̀n-frɛ́n-ci ny'anwanzi, nɛ hán eci lɔ ɔmuhi nyɛ́n ẅɛn ɛnyànmàn wá kale ɔmuhi nyɛ yá kɩ nye bú Ɛmɛẅi ankà Ankrankran lɔ nyɛ tán ankaẅì nɛ́n?

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Filipɛ̀n anmàn-bɔ̀ 1:18

Ke sɩ́ hán eci-zriɛmɛ́n! Y'ankà-tro dú angbàngbàn hô, dú ankrankran hô, Krisì mɛẅi ankà lɔ yɛ dɔ́a, kɩ hɩ pɔpüɛ̀ kɛ brá mɛ̀n. Me le dú pɔpüɛ̀-brà lɔ mɛ̀n,

1 Piɛrɛ̀n 1:11

Yɔ ji kèkrèmɛ̀n, ô yɔ cɔ́ ɛnvra lɔ mɛ̀n mán eci-hán-ci hɔ̀n léyi Krisì Hɛ́n kɛ tán; ɔmuhi Ɛnhɛ́n ndɔ léyi dú y'ɛmɛ̀n nɔn, gɔ́ dɔ́ yɔ ɛgbànkàn léyi Krisì kɛ lɛ srɔ́n ɛsù mán ecizrɔ léyi zɛtɛn ke le dú nɛ tɛn nɔn hɩ ankà.