Filipɛ̀n anmàn-bɔ̀ 1:18 - Ɛmɛẅi ankà ankrànkràn 2003

¹⁸ Ke sɩ́ hán eci-zriɛmɛ́n! Y'ankà-tro dú angbàngbàn hô, dú ankrankran hô, Krisì mɛẅi ankà lɔ yɛ dɔ́a, kɩ hɩ pɔpüɛ̀ kɛ brá mɛ̀n. Me le dú pɔpüɛ̀-brà lɔ mɛ̀n,

Filipɛ̀n anmàn-bɔ̀ 1:18 Cross References

Matie 23:13

“Muzhie dú nyɛ tɛn, ɛnyànmàn-gbànvri-ankà-yé-bɔ̀ mán nyɛ́n, Ɔwɔ-nyànmàn-sùva-wá-bɔ̀, anmùan-anhyrɛ̀-bɔ̀! Nyɛ sɛ́n Anhobɩ́ nɛ̀ncüì-dúyri sù-gbàtà anwrɔnẅì zìwú; nyɛ́n mumù nyɛ́n sɩ́ bruɛ, kɩ nyɛ́n sɩ́ teze anwrɔn hɔ̀n léyi ke ji kè bru nɔn, kè bru. [

Markɛ̀n 12:40

Yɔ bɩ́ ɛngrɔn-wúyɔ ɛci lɔ fɛn edomɛ̀n yɔ sɔhɔ́, kɩ ɛnvra zri lɔ yɔ sɛ́n ɛfrɛ́n Wɔ-sɛ̀n sheshe, ô kɛ̀ hán tán le yɔ dú anwrɔn ankrànkràn hɔ̀n. Yɔ lɛ cɔ́ ɛgbàn-wɔɛ̀n-dì ke le sevri kɛ lɛ hán yɔ ɛgbàn hɔ̀n lɔ hɔ́!”

Lükɛ̀n 9:45

Tɛ́n yɔ sɩ́ yá ankà-dɔ̀ ndɔ lɔ n'ɛmɛ̀n: ankà-dɔ̀ lɔ dú ɛbán mɛ̀n tán yɔ, ô ye bɩ́ cɔ́ n'ɛyá-yri, kɩ ɛnjansù kɛ ẅɛn yɔ, yɔ sɩ́ ji yɔ yrɛ Zhezü ankà-bán-ankà ndɔ lɔ n'ɛmɛ̀n.

Lükɛ̀n 9:50

Tɛ́n Zhezü mrɛ́n yɔ ɔmùan le: “Nyɛ́n bɩ́ kɛ́n nɛ̀n nyɛ́n hɛ́n hán, ɔmuhi ɔwrɔn léyi ke sɩ́ gbri nyɛ̀n nɔn, nɛ̀n dú nyɛ tɛn.”

Rɔmɛ̀n-anmàn-bɔ̀ 3:9

Tɛ́n ecitan? Bɔ́ Zhüifɛ̀n-bɔ̀ lɔ, bɔ̀ vrán bɔ́ nyran hɔ̀n hàn? Hɔ̂, kè sɩ̀ dù ɔmu lɔ! Mɛ́n gɔ̀ yé le, bɔ́ lɛ fɛn lɔ, Zhüifɛ̀n-wrɔn dú mɛ́n hô, è sɩ̀ dù Zhüifɛ̀n-wrɔn hô, bɔ̀ dú ɛgbàn kɔrɛ̀levri wú.

Rɔmɛ̀n-anmàn-bɔ̀ 6:15

Tɛ́n ecitan? Bɔ́ lɛ hán ɛgbàn, ɔmuhi bɔ̀ sɩ̀ vrù dù ɛnyànmàn kɔrɛ̀-levri wú, tɛ́n bɔ̀ dú Ɔwɔ-boafɔ̀n mɛ̀n nɛ́n? Annànwɔrɛ mɛ̀n lɔ hɔ̂!

1 Korɛntɛ̀n anmàn-bɔ̀ 10:19

Kɛ, ɔmu lɔ, me ji mɛ̀n dɔ̀ le antɛ̀-buri-Wɔ, kale ɔnɔ̀n-ẅia léyi ye ce nɛ̀n nɔn, yɔ vɔ̀nshɛ́ lɔ kè sɩ̀ ẅɛ̀n ɛnkru hɛ?

1 Korɛntɛ̀n anmàn-bɔ̀ 14:15

Ecitan de mɛ lɛ hán nɛ́n? Mɛ lɛ sɛ́n Ɔwɔ ɛnhɛ́n mɛ̀n, tɛ́n me le vru mɛ̀n sɛ́n Ɔwɔ ɛnkrumɛ̀n-ẅɛn mɛ̀n; mɛ lɛ krɛ́ ɛcɔ̀ ɛnhɛ́n mɛ̀n, tɛ́n me le vru mɛ̀n krɛ́ ɛcɔ̀ ɛnkruemɛ̀n-ẅɛn mɛ̀n.

1 Korɛntɛ̀n anmàn-bɔ̀ 15:11

Ɔmu lɔ, ke dú mɛ̀n hô, ke dú yɔ hô, nyàn ankà léyi bɔ́ dɔ̀, nyàn ankà léyi nyɛ́n bù tán ankaẅì nɔn.

Filipɛ̀n anmàn-bɔ̀ 1:19

ɔmuhi mɛ̀n nyri ɔmu le ndɔ lɔ fɛn ke le dú m'ɛnkrukɔrɛ̀, ny'Ɔwɔ-sɛ̀n mán Zhezü Krisì Hɛ́n kɔrɛ̀-wá léyi kɛ vá sɩ́ mɛ̀n nɔn, n'ɛkɔrɛ̀levri mɛ̀n.