Filipɛ̀n anmàn-bɔ̀ 1:17 - Ɛmɛẅi ankà ankrànkràn 2003

¹⁷ Anwrɔn janbɔ̀ kɛ dɔ́ Krisì ankà annan-kran mɛ̀n, y'ankà-tro ci-hán dú ɛfrɛ́n mɛ̀n; yɔ tro le yɔ lɛ hán, m'anwɔn-mɛ̀n-wá gbànkàn lɔ kɛ̀ sàn sevri.

Filipɛ̀n anmàn-bɔ̀ 1:17 Cross References

Lükɛ̀n 21:14

Ɛnjansù ke bɩ́ ẅɛn nyɛ̀n, ɔmu le nyɛ lɛ hán ô nyɛ̀n dɔ́ ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:1

“Anwrɔn-nɛ́n-muan-ẅì hɔ̀n mán Dade hɔ̀n, nyɛ́n die nukù ankà léyi mɛ̀n ẅɛn zɛtɛ̀ lɔ, hɩ me ji mɛ̀n dɔ̀ tán m'edomɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 26:1

Agripa kɛ dɔ́ Pɔlɛ̀n le: “Ɛkɔrɛ̀-levri dú tán mɛ́n ɛ lɛ dɔ́ ankà ɛ̀ tán v'edomɛ̀n.” Zɛtɛn Pɔlɛ̀n sɩ́ ɛkɔrɛ̀ ezì, kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 26:24

Zɛtɛn Pɔlɛ̀n ndù kɛ dɔ́ ankà tán n'edomɛ̀n, kɩ Fɛtüsɛ̀n sɩ́ ɔmùan ɛwú kɛ dɔ̀ le: “Nmù kɛ hán mɛ́n hán, Pɔlɛ̀n! Ɛ̀ kán owrú hàn mán kɛ hán mɛ́n nmù!”

Rɔmɛ̀n-anmàn-bɔ̀ 2:8

Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.

Filipɛ̀n anmàn-bɔ̀ 1:18

Ke sɩ́ hán eci-zriɛmɛ́n! Y'ankà-tro dú angbàngbàn hô, dú ankrankran hô, Krisì mɛẅi ankà lɔ yɛ dɔ́a, kɩ hɩ pɔpüɛ̀ kɛ brá mɛ̀n. Me le dú pɔpüɛ̀-brà lɔ mɛ̀n,

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!

Anhyrɛmɛ̀n timote 4:16

Ɔwrɔn zriɛmɛ́n kè sɩ̀ dú mɛ̀n ɛmɛẅi kpàkpà bì léyi mɛ dɔ́ ankà tán m'edomɛ̀n nɔn; yɔ lɛ fɛn, yɔ teze mɛ̀n. Ɔwɔ ke bɩ́ hán yɔ ɛgbàn hɩ wú lɔ!