Filipɛ̀n anmàn-bɔ̀ 1:15 - Ɛmɛẅi ankà ankrànkràn 2003

¹⁵ Annanwɔrɛ mɛ̀n y'ɛmɛ̀n lɔ, ndɔ hɔ̀n kɛ dɔ́ Krisì ankà ecüì-hi-kɔ́n mɛ̀n, kɩ yɔ ẅɛn ankà-tro drɛ̀-hán m'ɛwú; tɛ́n ɛnjanbɔ̀ kɛ dɔ́ Krisì ankà ankà-tro ankrankran ẅɛn mɛ̀n.

Filipɛ̀n anmàn-bɔ̀ 1:15 Cross References

Matie 23:5

Yɔ hán y'ɛci hɔ̀n lɔ fɛn kɛ dɛ́ ɛwú, ô anwrɔn kɛ̀ kán yɔ. Ɔmu lɔ de ankà-dɔ̀ prɔnprɔn hɔ̀n léyi ye merɛ́n, hɩ yɔ mú ezìwú, ɛnvra tɔ̀n ɛkɔrɛ̀bɔ̀n mɛ̀n nɔn, yɔ ẅɛn kotoku vri; y'ɛwú ceci-kɔrɛ̀ mùan mán ntrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 10:36

Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:20

Ɔmu tɛ̀kɩ, ankaẅì-bùtan-ẅɛn-bɔ̀ jan léyi dú Shiprɛ̀n mán Sirɛnɛ̀n anmàn nɔn, hɔ́n Antiɔshɛ̀n anmàn kɩ kɛ dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Zhezü mɛẅi Ankà Ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 5:42

Kɩ ɛnbɩ lɔ fɛn yɔ dú Ɔwɔ-cice-wɔn lɔ mɛ̀n mán anwrɔn bemɛ̀n, yɔ dú anwrɔn ankà-yé mɛ̀n ɛnvra lɔ fɛn, kɩ yɔ dɔ́ Zhezü, Ebɩ̀die-wrɔn, mɛẅì ankà ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 8:35

Zɛtɛn Filipɛ̀n bɩ́ ankà-dɔ̀ kɩ bukru owrú ankà-dɔ̀ ndɔ lɔ wú kɛ dɔ́ nɛ̀n Zhezü Mɛẅi ankà Ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 8:5

Filipɛ̀n hɔ́n Samari anmàn cüìcüì lɔ kɩ bukru kɛ dɔ́ nanvrɛn anmàn-bɔ̀ lɔ, Ebɩ̀die-wrɔn lɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 9:20

Nɛ̀n bukru kpatakpata lɔ nɛ dɔ́ Ɔwɔ ankà Ɔwɔ-sɛ́n-wɔn hɔ̀n lɔ mɛ̀n kɩ nɛ dɔ̀ le Zhezü dú Ɔwɔ Ẅì.

Rɔmɛ̀n-anmàn-bɔ̀ 2:8

Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.

1 Korɛntɛ̀n anmàn-bɔ̀ 1:23

Bɔ́ tɛn, bɔ́ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà: ndɔ lɔ dú anvɛvrà-ankà tán Zhüifɛ̀n-bɔ̀ kɩ vru dú nmù ankà tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn;

1 Korɛntɛ̀n anmàn-bɔ̀ 13:3

Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

2 Korɛntɛ̀n anmàn-bɔ̀ 12:20

Mɛ ẅɛn anjansù le, ɛnvra léyi me le bru ny'edúyri nɔn, mɛ́n sɩ̀ cɔ́ nyɛ̀n kɛ hán ɔmu le me ji nɔn, kɩ nyɛ́n mán nyɛ́n sɩ̀ cɔ́ mɛ̀n kɛ hán ɔmu le nye ji nɔn. Mɛ ẅɛn ɛnjansù le ɛdrɛ̀ hɔ̀n mán ecüì-hi-kɔ̀n, ɛmɛ̀nhyì mán annankran hɔ̀n, ɔwora hɔ̀n mán ɛyɔ̀n ankà-dɔ̀ hɔ̀n, tùtre mán ɛgbàzhrà ke le dú nyɛ̀n ɛmɛ̀n.

2 Korɛntɛ̀n anmàn-bɔ̀ 4:5

Annànwɔrɛ mɛ̀n, b'ankà-dɔ́ mɛ̀n lɔ, kè sɩ̀ dù bɔ́ dùku de bɔ́ dɔ́ bɔ́ edomɛ̀n ankà, tɛ́n Zhezü Krisì léyi dú Ɛẅɛnwrɔn, n'ankà de bɔ́ dɔ̀ nɔn; bɔ́ tɛn tɛ́n, bɔ́ dɔ̀ le, bɔ̀ dú ny'eci-bɩ̀tan-bɔ̀ Zhezü kruhú.

Galasi anmàn-bɔ̀ 2:4

anwrɔn-nɛ́n-muan-ẅì hɔ̀n, ɛyɔ̀n-bɔ̀ léyi dú bɔ̀ ɛmɛ̀n nɔn, ke ji kɛ̀ hán ye wi nɛ̀n wúcɔ̀-dòmɛ̀n, kɩ yɔ sɩ̀ cɔ̀ n'ɛhán yri rɔ̀a. Anwrɔn ndɔ hɔ̀n lɔ bru bɔ́ fɛcüè lɔ mɛ̀n, ô kɛ̀ kprá bɔ́ ɛkɔrɛ̀-levri léyi dú Zhezü Krisì yri và, ô kè vru kè sɩ́ bɔ̀ ɛnyànmàn wɔ̀nẅìemɛ̀n.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.