Filipɛ̀n anmàn-bɔ̀ 1:13 - Ɛmɛẅi ankà ankrànkràn 2003

¹³ Ɔmu lɔ de yɔ lɛ fɛn, govràn bɩ́ lɔ mɛ̀n mán ɛyri nyàntɛn, yɔ nyri ɔmu le mɛ̀n dú anwɔn-mɛ̀n-wá-wɔn mɛ̀n Krisì ci-bɩ̀tan-kɔhɔ̀n kruhú.

Filipɛ̀n anmàn-bɔ̀ 1:13 Cross References

Ɔkɔ̀hɔ̀n-wá-bɔ̀ kɔ̀hɔ̀n hán 26:29

Pɔlɛ̀n mrɛ́n ɔmùan le: “Ɛnvra bruemɛ̀n hô, ɛnvra sheshe mɛ̀n hô, mɛ sɛ́n Ɔwɔ le ke bɩ́ dú vɛ́n zri, tɛ́n nyɛ́n lɔ fɛn léyi nye die mɛ̀n nukù ɛnyɔncì lɔ nɔn, nyɛ́n dù kɛ̀ hán mɛ̀n hɔ́, gbràka ndɔ léyi dú mɛ̀n ankɔrɛ̀ nɔn, kɩ bàdà ɛmɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 26:31

y'ɛhɔ́n mɛ̀n lɔ, yɔ dɔ́ y'edomɛ̀n le: “Ɔwrɔn ndɔ lɔ kè sɩ̀ hàn eci zriɛmɛ́n hɩ ká hán nɛ̀n, nɛ̀n bru owúemɛ̀n mán anwɔn-mɛ̀n-wá-wɔn mɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 28:17

Ɛbi anhɔ̀n vacì, Pɔlɛ̀n bi Zhüifɛ̀n-bɔ̀ cüìcüì hɔ̀n léyi dú Rɔmɛ̀n anmàn nɔn. Ɛnvra léyi yɔ borɛkru trɔ nɔn, nɛ dɔ́ yɔ le: “Anwrɔn-nɛ́n-muan-ẅì hɔ̀n, mɛ̀n sɩ̀ hàn bɔ́ fɛcüè lɔ eci gbàngbàn zriɛmɛ́n, kɩ bɔ́ nancüì hɔ̀n nyànmàn lɔ mán mɛ̀n sɩ̀ fɔndɔ̀n hàn, tɛ́n yɛ ẅɛn mɛ̀n Zherüzalɛmɛ̀n anmàn kɩ ye bɩ́ mɛ̀n yɛ tán Romɛ́n ɛnhi wú bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 28:20

Nyàn eci le kruhú me ji mɛ̀n kán nyɛ̀n, ô mɛ̀n dɔ́ nyɛ̀n ankà nɔn. Annanwɔrɛ mɛ̀n lɔ gbràka dú mɛ̀n ankɔrɛ̀, nɛ́n léyi Izraɛlɛ̀n fɛcüè ẅɛn esɛ́ n'ɛwú nɔn n'ɛkruhú.”

Ɔkɔ̀hɔ̀n-wá-bɔ̀ kɔ̀hɔ̀n hán 28:30

Pɔlɛ̀n yɛ́ ɛnnànwàn kru anhyrɛ ɔwɔn léyi nɛ́n bɩ nɔn mɛ̀n. Nanvrɛn lɔ de anwrɔn hɔ̀n lɔ fɛn léyi kɛ vá nyan nɛ̀n nɔn, yɔ mɛhi yɔ srɔ́n ɛsù.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 6:20

Zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n nɔn, mɛ̀n dú Ɛmɛẅi ankà Ankrankran ndɔ lɔ, n'ankà-nyrì-dɔ́-wrɔn. Zɛtɛn, nyɛ́n sɛ̀n, ô mɛ̀n dɔ́ n'ankà annanwɔrɛ mɛ̀n hán ɔmu le ke ji le mɛ̀n dɔ̀ nɔn hɔ́.

Filipɛ̀n anmàn-bɔ̀ 1:30

Zɛtɛ̀ lɔ, nyɛ kɔ́n anhà zri léyi nyɛ́n kán mɛ̀n ɛnbìɛhɛ́n vra mɛ kɔ̀n, kɩ mɛ̀n vru mɛ kɔ̀n, hán ɔmu le nyɛ́n nyrì nɔn hɔ́.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 4:22

Ankaẅì-bùtan-ẅɛn-bɔ̀ lɔ fɛn dú ɛnu lɔ nɔn, annannan le, yɔ hɔ̀n léyi dú ɛnhi wú nɛ̀ncüì lɔ n'eci-bɩ̀tan-bɔ̀ nɔn, ke bi nyɛ̀n nyan.

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!