Filipɛ̀n anmàn-bɔ̀ 1:11 - Ɛmɛẅi ankà ankrànkràn 2003

¹¹ Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 1:11 Cross References

Matie 5:16

Ɔmu lɔ de ke ji le ny'ɛyri-kàn lɔ kɛ̀ gbrɛ́n anwrɔnẅì zìwú, ô yɔ kán anvrɛn léyi nyɛ hán, ô yɔ mrɛ́n nyɛ́n Zi léyi dú anhobɩ́ nɔn.”

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 15:2

Nɛ ẅiɛ antɛ̀da hɔ̀n léyi dú mɛ̀n ɛmɛ̀n hɩ ke sɩ́ shi ɛẅì, kɩ nɛ hán anda hɔ̀n léyi ɛẅì dú ɛwú nɔn ɛci, ô yɔ sàn shi ɛẅì kè vru kɛ̀ cüɛn.

Zhan 15:8

Nyàn ɔmu le Dade ci-zrɔ lɔ ke yé n'edòmɛ̀n nɔn: ɛnvra léyi nye shi ɛẅì bobrebe kɩ nye yé le nyɛ́n dú m'ɛsɛnkɛn-bɔ̀ nɔn.

Rɔmɛ̀n-anmàn-bɔ̀ 15:28

Ɛnvra léyi mɛ lɛ trɔ ɔkɔ̀hɔ̀n ndɔ lɔ n'ɛhán, hɩ me le bɩ́ ɛkɔrɛ̀-wá ci lɔ mɛ̀n tán yɔ nɔn, me le bɩ́ Ɛspanyɛ̀n levri kɩ me le ci ny'anmàn.

Rɔmɛ̀n-anmàn-bɔ̀ 6:22

Tɛ́n zɛtɛ̀ lɔ nyɛ́n dú ɛgbàn mɛ̀n nyɛ́n kàkɛ kɩ nyɛ́n dú Ɔwɔ ci-bɩtan-kɔ̀hɔ̀n-hán mɛ̀n; nyɛ́n vɔ̀nshɛ́ dú ɛnyrɔn léyi ke sɩ́ nyɛ̀n ɛwúvà prɔnprɔn mɛ̀n, kɩ ɔtrɔmɛ̀n lɔ, nyɛ cɔ́ ɛwúvà léyi ke sɩ́ trɔa nɔn.

1 Korɛntɛ̀n anmàn-bɔ̀ 10:31

Ɔmu lɔ, ɛci nye zî hô, ɛnshi nye mi hô, eci totɔtɔ̀n léyi nyɛ hán nɔn, nyɛ́n hán fɛn kè dú Ɔwɔ ci-zrɔ tɛn.

2 Korɛntɛ̀n anmàn-bɔ̀ 9:10

Ɔwɔ léyi kɛ tán ɛcitɛ́-wrɔn ɛtɛ̀-ẅì mán n'ɛci-zî nɔn, kɛ lɛ tán nyɛ̀n ɛtɛ̀-ẅì lɔ fɛn léyi nye ji nɔn, kɩ nɛ lɛ hán yi kɛ̀ sɔ́, ô ny'ɛkɔrɛ̀-wá ci-hán lɔ kè shi ɛẅì bobrebe.

Efɛzɛ̀n anmàn-bɔ̀ 1:12

Bɔ̀ mrɛ́n Ɔwɔ vrisì lɔ, bɔ́ léyi bɔ̀ dú ɛnvrakpà-bɔ̀, bɔ̀ bɩ́ bɔ́ esɛ́ bɔ̀ wá Krisì mɛ̀n nɔn!

Efɛzɛ̀n anmàn-bɔ̀ 1:14

Ɛnhɛ́n Prɔnprɔn ke di anvrɛn hɔ̀n léyi Ɔwɔ hɛ́n nɛ́n fɛcüè nɔn dalɛfuɛ; nɛ tán bɔ̀ esɛ́ le bɔ́ lɛ cɔ́ anvrɛn hɔ̀n lɔ ɛnvra léyi bɔ́ ebɩ̀die lɔ kɛ lɛ sɛ́n nmù nɔn. Zɛtɛn bɔ̀ mrɛ́n Ɔwɔ vrisì lɔ!

Efɛzɛ̀n anmàn-bɔ̀ 2:10

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Efɛzɛ̀n anmàn-bɔ̀ 5:9

ɔmuhi, ɛyri-kàn kɛ shi ɛzrɔ mɛ̀ntɛ mɛ̀ntɛ, esùnan anvrɛnvrɛn mán annanwɔrɛ nɔn.

Filipɛ̀n anmàn-bɔ̀ 4:17

Kè sɩ̀ dù hɩ le me ji mɛ̀n cɔ́ ɛkɔrɛ̀-wá; tɛ́n mɛ cüɛn ɔmu le, vɔ̀nshɛ́ kè dú ny'eci-hán lɔ mɛ̀n.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

2 Tesalonikɛ̀n anmàn-bɔ̀ 1:12

Ɔmu lɔ de, bɔ́ Ɛẅɛnwrɔn Zhezü bi lɔ ke le dú ny'ɛmrɛ́n ci, kɩ nɛ́n mán nɛ lɛ mrɛ́n nyɛ̀n. Ndɔ lɔ de ke le dú b'Ɔwɔ mán Ɛẅɛnwrɔn Zhezü Krisì boafɔ̀n-ci-hán nɔn.

Titɛ̀n 3:14

Ke ji le bɔ́ fɛcüè lɔ mán kè nyrì wá y'edomɛ̀n kokroho eci ankrànkràn hán mɛ̀n ô kè dú ɛkɔrɛ̀-wá anvrɛnvrɛn; kɩ ke sɩ́ ji le yɔ ẅɛn ɛwúvà woro.

Ebre-bɔ̀ 12:11

Ɛnvra léyi yɛ ẅɛn bɔ̀ nukù nɔn, bo tro ɛnvra zri lɔ mɛ̀n le, ndɔ lɔ dú obòtò-ci-hán, kɩ kè sɩ̀ dù pɔ̀püɛ̀-brá-ci. Tɛ́n ɛnvra sheshe kɛ lɛ vacì, anwrɔn hɔ̀n léyi kɛ cɔ́ ankà-yé ɔmu lɔ nɔn, kɛ cɔ́ vɔ̀nshɛ́ léyi dú anka-yé lɔ mɛ̀n nɔn: anwɔwɔ léyi yɛ cɔ́ ɛnyrɔnnan wúvà tɔ̀n mɛ̀n nɔn.

1 Piɛrɛ̀n 2:12

Nyɛ́n ẅɛn esunàn ankrankran anwrɔn hɔ̀n léyi kè sɩ̀ nyrì Ɔwɔ nɔn y'ɛtɛ̀sɛ̀n; ɔmu lɔ de, ke dú kɛ yɔ ẅɛn ɛyɔ̀n yɔ ku nyɛ̀n ɛwú, yɔ dɔ̀ le nyɛ́n dú eci-gbàngbàn hán-bɔ̀, ô ɔtrɔ mɛ̀n lɔ, yɔ le nyri ɛci ankrankran hɔ̀n léyi nyɛ́n hán nɔn, kɩ yɔ lɛ mrɛ́n Ɔwɔ, ɛnbì léyi dú n'ɛvá bì nɔn.

1 Piɛrɛ̀n 2:5

Nyɛ́n mán nyɛ́n bɩ́ ɛyri kè dù kɛ̀ hán ɛbù kɔrɛkɔrɛ hɔ̀n léyi srɔ ɛnhɛ́n cice wɔn bù nɔn. Nyɛ lɛ wá Ɔwɔ cice-bɔ̀ kpɔsɔ krumù, yɛ lɛ wá ɛnzhì ɛnkru yɛ tán Ɔwɔ, nye le ce nɛ̀n ɛnhɛ́n mɛ̀n ci léyi kɛ lɛ cüɛn nɛ̀n ɛvɛ̀, Zhezü Krisì bɩmɛ̀n nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

1 Piɛrɛ̀n 4:14

Ke dú kɛ yɛ wora nyɛ̀n ɔmuhi nyɛ́n dú Krisì sɛ̀nkɛn-bɔ̀ nɔn, nyɛ́n dú ɛnbɔrɛbruemɛ̀n, ɔmuhi Ɔwɔ ci-zrɔ Hɛ́n dú nyɛ̀n ɛwú nɔn.