Filipɛ̀n anmàn-bɔ̀ 1:10 - Ɛmɛẅi ankà ankrànkràn 2003

¹⁰ ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 1:10 Cross References

Matie 16:23

Tɛ́n Zhezü crɛ̀ kɩ kɛ dɔ́ Piɛrɛ̀n le: “Sɔ́n hɔ̀n ɛmɛẅi esù she m'ɛtɛ̀sɛ̀n, Anwa-wrɔn! È dú eci léyi dabra dɛ́ mɛ̀n ɛnlevri wanziɛ nɔn, ɔmuhi è sɩ̀ ẅɛ̀n Ɔwɔ ankà-tro nɔn, tɛ́n anwrɔnẅì ankà-tro de ɛ ẅɛ̀n nɔn.”

Matie 26:33

Piɛrɛ̀n mrɛ́n ɔmùan, kɩ ke dɔ́ nɛ̀n le: “Ke dú kɛ anwrɔn lɔ fɛn ke teze mɛ́n, mɛ tɛn, mɛ́n sɩ̀ teze mɛ́n mrìmrì.”

Zhan 1:47

Ɛnvra léyi Zhezü kán Natanaɛlɛ̀n kɛ vá nɛ̀n ɛtɛsɛ̀n nɔn, nɛ dɔ̀ le: “Nyàn Izraɛlɛ̀n annanwɔrɛ wrɔn tɔ̀n; ɛyɔ̀n ankà zriɛmɛ́n bàdá nɛ̀n edomɛ̀n.”

Zhan 3:20

Ɔwrɔn totɔtɔ̀n léyi kɛ hán eci gbangbàn nɔn, nɛ́n sɩ́ cüɛ́n ɛyri-kàn, kɩ nɛ́n sɩ́ vá ɛyri-kán mɛ̀n, ɔmuhi ɛnjansù kɛ ẅɛn nɛ̀n kɩ nɛ́n sɩ́ ji le ɛci gbangbàn hɔ̀n léyi nɛ hán nɔn, kɛ̀ srɔ ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 24:16

Hɩ le kruhú de mɛ hán kekremɛ̀n, ô mɛ̀n ẅɛn wàwúyɛ fifi Ɔwɔ zìwú mán anwrɔnẅì zìwú nɔn.

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

Rɔmɛ̀n-anmàn-bɔ̀ 12:9

Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

Rɔmɛ̀n-anmàn-bɔ̀ 2:18

e nyri n'ɛkɔrɛ̀-zì-ci kɩ ɛnyànmàn yé mɛ́n eci anvrɛnvrɛn ɛ̀ mrɛ́n e bɩ,

Rɔmɛ̀n-anmàn-bɔ̀ 7:16

Annanwɔrɛ mɛ̀n lɔ, ke dú kɛ mɛ hán eci léyi mɛ́n sɩ́ cüɛn hán nɔn, hɩ wú lɔ, me nyri ɔmu le ɛnyànmàn zrɔ.

Rɔmɛ̀n-anmàn-bɔ̀ 7:22

M'ɛnbɔrɛ mɛ̀n lɔ mɛ ẅɛn Ɔwɔ nyànmàn cüɛ̀n.

Rɔmɛ̀n-anmàn-bɔ̀ 8:7

Anwrɔn hɔ̀n léyi y'ɛnbɔrɛmɛ̀n ci hɔ̀n lɔ ẅɛn yɔ sɔhɔ́ Ɔwɔ kɔhɔ̀n-hán mɛ̀n nɔn, yɔ dú Ɔwɔ gbri-bɔ̀; yɔ sɩ́ sɩ́ y'edomɛ̀n ɛnhi Ɔwɔ nyànmàn tɛ̀sɛ̀n, kɩ yɔ sɩ̀ hán rɔ́ mán.

1 Korɛntɛ̀n anmàn-bɔ̀ 1:8

Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra.

1 Korɛntɛ̀n anmàn-bɔ̀ 10:32

Ny'ɛwúvà-ẅɛ̀n ke bɩ́ jrɛ́ anwrɔn hɔ̀n léyi dú Zhüifɛ̀n-bɔ̀, anwrɔn hɔ̀n léyi kè sɩ̀ dù Zhüifɛ̀n-bɔ̀ mán Ɔwɔ-fɛcüè-bɔ̀ nɔn ɛnkruemɛ̀n.

1 Korɛntɛ̀n anmàn-bɔ̀ 8:13

Hɩ le kruhú de, ke dú kɛ ɛci-zî tɔ̀n ke sɩ́ nmàn-ẅì ɛzrɛ́n mɛ̀n, mɛ́n sɩ̀ vru rá ɔnɔ̀n-ẅia mrìmrì, ô nmàn-ẅì ke bɩ́ dú ɛzrɛ́n mɛ̀n.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 6:3

Ke sɩ́ ji le yɛ hán b'ɔkɔ̀hɔ̀n lɔ ɛnhyürɛ̀, hɩ le kruhú de bɔ́ sɩ́ ji bɔ̀ jrɛ́ ɔwrɔn zriɛmɛ́n ɛnkruemɛ̀n eci totɔtɔ̀n hán mɛ̀n nɔn.

2 Korɛntɛ̀n anmàn-bɔ̀ 8:8

Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ.

Galasi anmàn-bɔ̀ 5:11

Mɛ tɛn tɛ́n, anwrɔn-nɛ́n-muan-ẅì hɔ̀n, ke dú kɛ, ke dú annanwɔrɛ le mɛ̀n vru mɛ dɔ́ wúcɔ̀-dɔmɛ̀n-wi ankà, cɛci kruhú kɛ ye vru yɛ kɔ́n mɛ̀n anhàa? Ndɔ lɔ wú, ke dú kɛ yɛ dɔ́ Krisì gbàn-hán-tɛ̀ domɛ̀n gɔ̀n brɛ́ ankà hô, ke sɩ̀ vru dù ɛnkruemɛ̀n-jrɛ́ ankà kɛ̀ tán ɔwrɔn zriɛmɛ́n.

Efɛzɛ̀n anmàn-bɔ̀ 4:15

Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n.

Efɛzɛ̀n anmàn-bɔ̀ 5:10

Nyɛ́n hán kèkrèmɛ̀n nyɛ́n nyri eci léyi kɛ zrɔ Ɛẅɛnwrɔn nɔn.

Efɛzɛ̀n anmàn-bɔ̀ 5:27

nɛ̀n ji nɛ̀n bɩ́, nɛ́n dúku n'edòmɛ̀n fì lɔ nɛ̀n yé Ɔwɔ-fɛcüè, efi léyi ɛnbrá-ci mán eci-fɔ́n-ci zriɛmɛ́n bàda nɛ́n nmù sá lɔ mɛ̀n.

Efɛzɛ̀n anmàn-bɔ̀ 6:24

Ɔwɔ boafɔn kè dú anwrɔn lɔ fɛn léyi kɛ cüɛn annanwɔrɛ mɛ̀n bɔ́ Ɛẅɛnwrɔn Zhezü Krisì nɔn mɛ̀n.

Filipɛ̀n anmàn-bɔ̀ 1:16

Anwrɔn ndɔ hɔ̀n lɔ kɛ hán eci ɛcüɛn mɛ̀n, ɔmuhi yɔ nyri ɔmu le m'ɔkɔhɔ̀n-hán ɛnu lɔ, dú Ɛmɛẅi ankà Ankrankran lɔ, n'ɛnan mán n'esùva-wá.

Filipɛ̀n anmàn-bɔ̀ 1:6

Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 5:21

Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn,

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.