Filipɛ̀n anmàn-bɔ̀ 1:1 - Ɛmɛẅi ankà ankrànkràn 2003

¹ Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Filipɛ̀n anmàn-bɔ̀ 1:1 Cross References

Markɛ̀n 13:34

Ke le dù kɛ lɛ hán ɔwrɔn léyi kɛ hɔ́n ɛyri: Ne bɩ́ n'ɔwɔn lɔ nɛ wá n'ɛci-bɩtan-bɔ̀ antamɛ̀n, kɩ nɛ tán ɔwrɔn zri zri ɔkɔ̀hɔ̀n kɛ̀ hán, kɩ nɛ dɔ́ ɛyri-nan-wrɔn ke bɩ́ di ndà;

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:20

Tɛ́n, nyàn ankà léyi ye merɛ́n Ɔwɔ-mrɛ́n wrú lɔ mɛ̀n nɔn: ‘Ke ji le ye teze n'ɔwɔn lɔ, ô ɔwrɔn zriɛmɛ́n ke bɩ́ dú nɛ̀n ɛmɛ̀n.’ Kɩ ye vru ye merɛ́n le: ‘Ke ji le ɔwrɔn nyàntɛn ke bɩ́ n'ɔkɔ̀hɔ̀n lɔ.’

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

Galasi anmàn-bɔ̀ 1:10

Kɛ̂ ɔmu lɔ, anwrɔnẅì mrɛ́n de me ji nɛ́n? Hɔ̂, Ɔwɔ tɛn lɔ de me ji nɔn. Ɔmu lɔ anwrɔnẅì cüɛ̀n de me ji nɛ́n? Ke dú kɛ me vru me ji anwrɔnẅì cüɛ̀n hô, mɛ́n sɩ̀ dú Krisì ci-bɩtan-wrɔn.

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

Efɛzɛ̀n anmàn-bɔ̀ 6:24

Ɔwɔ boafɔn kè dú anwrɔn lɔ fɛn léyi kɛ cüɛn annanwɔrɛ mɛ̀n bɔ́ Ɛẅɛnwrɔn Zhezü Krisì nɔn mɛ̀n.

Filipɛ̀n anmàn-bɔ̀ 2:19

Ɛẅɛnwrɔn Zhezü bɩmɛ̀n mɛ̀n ẅɛn esɛ́ anvrɛnvrɛn le, me le yüre nyɛ̀n Timote, ô mɛ́n dùku mɛ̀n cɔ́ ɛnbɔrɛ-bi-wá ɛmɛẅi ankà léyi mɛ lɛ cɔ́ ny'ɛwú nɔn mɛ̀n.

Filipɛ̀n anmàn-bɔ̀ 2:5

Nyɛ́n ẅɛn ny'edomɛ̀n kɛ̀ hán ɔmu le yɛ hán ɛnvra léyi ye nyri Zhezü Krisì nɔn hɔ́:

Filipɛ̀n anmàn-bɔ̀ 3:12

Mɛ́n sɩ́ tro le zɛtɛn mɛ̀n cɔ́ ɛsànnyɔn-yri, kɩ mɛ́n sɩ́ bú tán le mɛ̀n zrɔ kokroho. Tɛ́n mɛ̀n dú ɛnlevri sùnan mɛ̀n, ô mɛ̀n hán kekrèmɛ̀n mɛ̀n cɔ́ n'ɔwɔɛ̀n-dì, ɔmuhi mɛ́n mumù mán Krisì di mɛ̀n ɛkɔrɛ̀ ɛwú nɔn.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

1 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 2:2

Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

2 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Ɔwɔ-fɛcüè-bɔ̀ léyi dú Tɛsalonikɛ̀n anmàn hɩ dú bɔ Zi Ɔwɔ mán Ɛẅɛnwrɔn Zhezü Krisì tɛn nɔn:

2 Tesalonikɛ̀n anmàn-bɔ̀ 1:10

ɛnvra léyi nɛ lɛ vá ɛnbì ndɔ lɔ mɛ̀n, ô anwrɔn hɔ̀n lɔ fɛn léyi dú nɛ tɛn, hɩ ke bú n'ankà tán ankaẅì nɔn, kɛ̀ ẅɛn n'ɛmrɛ́n mán n'ɛcüɛ̀n. Nyɛ́n mán nye le dú yɔ ɛmɛ̀n, ɔmuhi ɛmɛẅi ankà léyi bɔ̀ dɔ́ nyɛ̀n nɔn, nyɛ́n bù tán ankaẅì.

Kpàkpà timote 1:2

Ebinyan ndɔ lɔ dú Timote tɛn, nɛ́n léyi nɛ̀n dú m'ɛnẅì annanwɔrɛ ankaẅìbùtan mɛ̀n nɔn: Ɔwɔ léyi dú bɔ́ Zi mán Zhezü Krisì, bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbán-bɩ-ce mán anwɔwɔ.

Kpàkpà timote 3:8

Ke ji le Ɔwɔ-fɛcüè ci-dɛ́-bɔ̀ mán kɛ̀ ẅɛn ɛwá mán ankà annanwɔrɛ dɔ̀; ke sɩ́ ji le yɔ mi ɛntàn kè fɛ ɛwú, ô yɔ ji ɔkùa ɛfrɛ́n mɛ̀n;

Titɛ̀n 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn. Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú,

Titɛ̀n 1:7

Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn.

Filemɔn 1:1

Ebinyan ndɔ lɔ dú Pɔlɛ̀n yri và, nɛ́n léyi yɛ wá nɛ̀n anwɔn-mɛ̀n, ɔmuhi nɛ̀n srɔ Zhezü Krisì ci-bɩ̀tan-wrɔn nɔn, ebinyan zri lɔ dú bɔ́ muanẅì Timote yri và. Vɛ́n Filemɔn, bɔ́ nyran anvrɛn mán b'ɔkɔ̀hɔ̀n hán kɔrɛ̀-wá-wrɔn,

Ebre-bɔ̀ 13:23

Mɛ tán nyɛ̀n nyɛ́n nyrì le, bɔ́ muan-wì Timote dú anwɔn-mɛ̀n wá-wɔn mɛ̀n srɔ ɛntrɛ. Ke dú kɛ nɛ gɔ́ và hô, mɛ̀n mán nɛ́n mɛhi bɔ́ lɛ và bɔ̀ nyan nyɛ̀n.

Zhakɛ̀n 1:1

Ebinyán ndɔ lɔ dú Zhakɛ̀n yri kɛ và, nɛ́n léyi nɛ̀n dú Ɔwɔ mán ɛẅɛnwrɔn Zhezü Krisì ci-bɩtan-wrɔn nɔn. M'ebinyán lɔ dú Ɔwɔ fɛcüè lɔ fɛn léyi bonyi ɛnhibù mumù lɔ wú nɔn tɛn.

1 Piɛrɛ̀n 2:25

Ɔmuhi nyɛ́n dù nyɛ́n cá kɔ̀kɔ̀sɛ̀ hɔ̀n léyi zrɛ́n, tɛ́n zɛtɛ̀ lɔ ye bɩ́ nyɛ̀n yɛ vá sɩ́ nɛ̀n, nɛ́n léyi nɛ̀n dú ny'ɔkuawrɔn kɩ nɛ nán nyɛ̀n nɔn.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn:

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn:

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 2:12

“È merɛ́n owrú è yüre Ɔwɔ-kùyüre-wrɔn léyi dú Pergamɛ̀n anmàn nɔn: Nyàn ankà léyi ɔwrɔn léyi ẅɛn ezì-anhyrɛ̀-nyan-she piɛnpiɛn kɛ dɔ̀ nɔn:

Ɔwɔ-mɛ̀n-yrikàn 2:8

“È merɛ́n owrú è yüre Ɔwɔ-kùyüre-wrɔn léyi dú Smirnɛ̀n anmàn nɔn: Nyàn ankà léyi kpàkpà-wrɔn mán ɛmɛẅi-trɔ-wrɔn kɛ dɔ̀ nɔn, ɔwrɔn léyi nwù kɩ vru vá ɔkɔrɛ-bɔ̀ mɛ̀n nɔn:

Ɔwɔ-mɛ̀n-yrikàn 22:9

Tɛ́n nɛ dɔ́ mɛ̀n le: “E bɩ́ hán eci ndɔ lɔ! Mɛ̀n dú eci-bɩtan-wrɔn tɔ̀n hán vɛ́n hɔ́, hán ɔmuan-ẅì hɔ̀n Ɔwɔ-mùan-wú-ankà-dɔ̀-bɔ̀, kɩ hán anwrɔn hɔ̀n lɔ fɛn léyi kɛ ẅɛn ɛshishiemɛ̀n owrú ndɔ lɔ n'ankà-dɔ̀ hɔ̀n kɛ hɛ́n nɔn. Ɔwɔ de ke ji le è cüe ankɔrɛ̀ ezìwúɛ nɔn!”