ཕི་ལི་པི་ལེའུ་ 2:4 - རྫོང་ཁ་

⁴ ཁྱེད་ག་གིས་རང་འབད་རུང་ རང་དོན་རྐྱངམ་གཅིག་ལུ་སྤྲོ་བ་བཏོན་ཏེ་མ་འབད་ དེ་འབདཝ་ད་ མི་གཞན་གྱི་སྤྲོ་བ་ལུ་ཡང་ གཙོ་བོ་བསྟེན་ཏེ་འབད་དགོ།།

ཕི་ལི་པི་ལེའུ་ 2:4 Cross References

མེ་ཐིའུ་ལེའུ་ 18:6

དེ་འབདཝ་ད་ ག་ར་འབད་རུང་ ང་ལུ་དད་པ་བསྐྱེད་མི་ ཨ་ནི་ཨ་ལོ་ཆུང་ཀུ་ཚུ་གི་གྲལ་ཁ་ལས་ གཅིག་ལུ་སྡིག་པ་འབད་བཅུག་པ་ཅིན་ ཨ་ནི་མི་དེ་གི་ཨོལ་ལྐོག་གུ་ རང་འཐག་གི་རྡོ་སྦོམ་གཅིག་བཏགས་ཏེ་ རྒྱ་མཚོ་ནང་ཐིམ་གཏང་དཔ་དྲག

རོམ་མི་ལེའུ་ 12:15

དགའ་སྤྲོ་འབད་མི་ཚུ་དང་གཅིག་ཁར་དགའ་སྤྲོ་འགྱུར་ དེ་ལས་སྔུ་མི་ཚུ་དང་གཅིག་ཁར་སྔུ།

རོམ་མི་ལེའུ་ 15:1

དད་པ་སྒྲིང་སྒྲིང་ཡོད་མི་ ག་གིས་རང་འབད་རུང་ རང་རྐྱངམ་གཅིག་གི་དོན་ལུ་མནོ་བསམ་མ་བཏང་ དེ་འབདཝ་ད་ དད་པ་སྒྲིང་སྒྲིང་མེད་མི་དེ་ཚུ་ལུ་ ང་བཅས་ཀྱིས་སུ་ཐག་རིངམོ་སྦེ་སྡོད་དགོ།

ཀོ་རཱིན་ཐི་དང་པ་ལེའུ་ 10:24

མི་ག་ར་འབད་རུང་ རང་གི་དོན་ལུ་མེན་པར་ གཞན་གྱི་དོན་ལུ་ལེགས་སེམས་མནོ་དགོ།

ཀོ་རཱིན་ཐི་གཉིས་པ་ལེའུ་ 11:29

ད་ ཆོས་ཚོགས་ཀྱི་གྲལ་ཁ་ལུ་ མི་ཞན་འཁོགས་ཡོད་པ་ཅིན་ ང་ཡང་ཁོ་བཟུམ་སྦེ་ ཞན་འཁོགས་ཚོར་ནི་ཨིན་ དེ་ལས་མི་གཞན་ལུ་འཛོལ་བ་འབད་བཅུགཔ་ད་ འདི་ལུ་བལྟ་སྟེ་ ང་གིས་ཙིགཔ་མ་ཟ་བར་ག་དེ་སྦེ་ སྡོད་ཚུགས་ནི་སྨོ།

ཀོ་རཱིན་ཐི་གཉིས་པ་ལེའུ་ 6:3

མི་ག་རང་ཨིན་རུང་ ང་བཅས་ཀྱི་ལཱ་ལུ་བལྟ་སྟེ་ སྐྱོན་བཏགས་ནི་གི་གོ་སྐབས་མ་བྱིན་ནི་གི་དོན་ལུ་ རོགས་ཀྱི་སེམས་ཁར་ཕོག་པའི་ལཱ་ཡང་ ང་བཅས་ཀྱིས་མ་འབད།

ཕི་ལི་པི་ལེའུ་ 2:21

གཞན་ཚུ་གིས་ཡེ་ཤུ་ཁིརཱིས་ཀྱི་དོན་ལུ་མ་བལྟ་བར་ རང་གི་དོན་ལུ་རྐྱངམ་གཅིག་འབདཝ་ཨིན།

ཡ་ཀོབ་ལེའུ་ 2:8

གསུང་རབ་ནང་ལས་གསུངས་དོཝ་བཟུམ་སྦེ་ ཁྱེད་ཀྱིས་རང་ལུ་བྱམས་པ་འབད་དོཝ་བཟུམ་སྦེ་ ཁྱེད་རང་གི་ཁྱིམ་ཚང་ལུ་ཡང་བྱམས་པ་འབད་ཟེར་གསུངས་མིའི་བཀའ་ལུ་ ཐད་རི་བ་རི་ཉན་པ་ཅིན་ དཀོན་མཆོག་གི་ཁྲིམས་ཁག་ཆེ་ཤོས་འདི་སྒྲུབས་མ་ཚད་ ཁྱོད་ཀྱིས་འབད་མི་འདི་ཀྲིག་ཀྲི་ཨིན།