ཕི་ལི་པི་ལེའུ་ 1:9 - རྫོང་ཁ་

⁹ ཁྱེད་ཀྱི་དོན་ལུ་ང་གིས་སྨོན་ལམ་དེ་སྦེ་ཞུཝ་ཨིན་ ཁྱེད་ཀྱི་བྱམས་པ་དེ་ཡར་ཡར་རང་སྦོམ་འགྱོ་བའི་ཐོག་ལས་ ཤེས་རབ་ཅན་ལུ་འགྱུར་ཏེ་བཟང་ངན་ཀྲིག་ཀྲི་སྦེ་དབྱེ་བ་ཕྱེ་བཅུག

ཕི་ལི་པི་ལེའུ་ 1:9 Cross References

ཀོ་རཱིན་ཐི་དང་པ་ལེའུ་ 14:20

སྤུན་ཆ་ཚུ་ ཨ་ལོ་བཟུམ་སྦེ་མནོ་བསམ་གཏང་ནི་དེ་བཞག་ ངན་པ་གི་སྐོར་ལས་འབད་བ་ཅིན་ ཨ་ལོ་ཆུང་ཀུ་ ངན་པ་རྩ་ལས་མ་ཤེསཔ་བཟུམ་སྦེ་སྡོད་ དེ་འབདཝ་ད་ མནོ་བསམ་གཏང་ཐངས་དེ་འབད་བ་ཅིན་ མི་ལོ་ན་ཁུག་ཁུགཔ་བཟུམ་སྦེ་སྡོད་དགོ།

ཀོ་རཱིན་ཐི་གཉིས་པ་ལེའུ་ 8:7

ད་ཁྱེད་ཀྱི་དད་པ་ ཁ་ལས་སླབ་མི་བློ་ ཁྱེད་ཀྱི་ཡོན་ཏན་དང་ བརྩོན་འགྲུས་ དེ་ལས་ང་བཅས་ལས་ཐོབ་མིའི་བྱམས་པ་ཚུ་ ཧེ་མ་ལས་ཡང་ལྷགཔ་སྦེ་ ཡར་རྒྱས་འགྱོ་དོཝ་བཟུམ་སྦེ་ དགའ་སྤྲོ་གི་ཐོག་ལས་གྲོགས་རམ་འབད་ནི་ལུ་ཡང་ ཁྱེད་ག་ར་ཡར་རྒྱས་འགྱོ་བཅུག

ཨི་ཕི་སིཔ་ལེའུ་ 5:17

དེ་གིས་འབད་ ག་ནི་ཡང་མ་ཤེསཔ་བཟུམ་སྦེ་སྡོད་ནི་མེན་པར་ གཙོ་བོ་གི་ཐུགས་དགོངས་འདི་ག་ཅི་ཨིན་ན་ འདི་ཚུ་ཧ་གོ་སྟེ་སྡོད་དགོ།

ཀོ་ལོ་སི་ལེའུ་ 1:9

དེ་འབདཝ་ལས་བརྟེན་ཏེ་ ང་བཅས་ཀྱིས་དེ་གོ་བའི་ཉིནམ་ལས་རང་འགོ་བཟུང་སྟེ་ དཀོན་མཆོག་གི་ཐུགས་འདོད་བསྒྲུབ་པའི་དོན་ལུ་ ཁོ་རའི་ཆོས་དང་འབྲེལ་བའི་བློ་གྲོས་དང་ཤེས་ཡོན་ ཁྱེད་ཆ་ཁྱབ་ཀྱི་མི་ཚེ་ནང་ མ་ལང་ལངམ་སྦེ་ གནང་བཅུག་ཟེར་ སྨོན་ལམ་ཞུ་ནི་མ་བཞག

ཀོ་ལོ་སི་ལེའུ་ 3:10

མི་ཚེ་གསརཔ་ལུ་འགྱུར་ཏེ་འོངས་ཡི་ རང་ལུ་མཛད་གནང་མིའི་དཀོན་མཆོག་གི་རང་བཞིན་བཞིན་དུ་ རང་ཡང་ཁོ་རའི་རང་བཞིན་དང་འདྲཝ་འགྱུར་ཏེ་ ཁོ་གི་སྐོར་ལས་ ཧེ་མ་ལས་ཡང་ལྷགཔ་སྦེ་ཧ་གོ་ནི་ཨིན།

ཐེ་ས་ལོ་ནི་ཀ་དང་པ་ལེའུ་ 3:12

ང་བཅས་ཀྱིས་ཁྱེད་ལུ་ག་དེ་སྦེ་བྱམས་པ་འབད་དོ་ག་ འདི་བཟུམ་སྦེ་ར་ ཁྱེད་རང་གཅིག་གིས་གཅིག་ལུ་དང་ མི་ག་ར་ལུ་ བྱམས་པ་འབད་ནི་གི་དོན་ལུ་ གཙོ་བོ་གིས་ཁྱེད་ཀྱི་སེམས་ཁར་ཡར་རྒྱས་མཛད་བཅུག

ཐེ་ས་ལོ་ནི་ཀ་དང་པ་ལེའུ་ 4:1

དབའེ་སྤུན་ཆ་ཚུ་ མཐའན་མཇུག་ལུ་དོན་དག་མདོར་བསྡུས་ཏེ་ཞུ་བ་ཅིན་ ང་བཅས་ཀྱིས་ཁྱེད་ལུ་སྟོན་དོ་བཟུམ་སྦེ་ ཁྱེད་ཀྱིས་ དཀོན་མཆོག་གི་ཐུགས་དགྱེས་པའི་ལཱ་དང་ སྤྱོད་ལམ་ལེགས་ཤོམ་ཚུ་འབད་དེ་རང་སྡོད་ནུག་ ད་རུང་འདི་ལས་ལྷགཔ་སྦེ་ སྤྱོད་ལམ་ལེགས་ཤོམ་འབད་དེ་སྡོད་ཟེར་ ང་བཅས་ཀྱིས་གཙོ་བོ་ཡེ་ཤུ་གི་མཚན་ནང་ ཁྱེད་ལུ་ཞུ་བ་ཕུལ་དོ།

ཐེ་ས་ལོ་ནི་ཀ་གཉིས་པ་ལེའུ་ 1:3

ང་བཅས་ཀྱི་སྤུན་ཆ་ཚུ་ ཁྱེད་ཀྱི་སྐོར་ལས་ དཀོན་མཆོག་ལུ་དུས་རྟག་བུ་རང་ ང་བཅས་ཀྱིས་བཀའ་དྲིན་ཆེ་ཟེར་ཞུཝ་ཨིན་ དེ་སྦེ་ཞུ་དགོཔ་དེ་ཀྲིག་ཀྲི་ར་ཨིན་ ག་ཅི་སྨོ་ཟེར་བ་ཅིན་ ཁྱེད་ཀྱི་དད་པ་གནམ་མེད་ས་མེད་ ཡར་རྒྱས་འགྱོཝ་ཨིནམ་མ་ཚད་ ཁྱེད་རང་ གཅིག་གིས་གཅིག་ལུ་ བྱམས་པ་འབད་ནི་ཡར་སེང་འགྱོ་དེས།

ཕི་ལེ་མཱོན་ལེའུ་ 1:6

དེ་འབདཝ་ལས་ ཁིརཱིས་ཀྱི་ཞོར་ཁར་ལས་ འདི་ལས་ཡང་ལྷགཔ་སྦེ་ ཁྱོད་ཀྱི་དད་པ་ མི་གཞན་གྱི་སྦུག་ལུ་ ལག་ལེན་འཐབ་སྟེ་ ང་བཅས་ནང་ཡོད་མི་ ལེགས་ཤོམ་འདི་ག་ཅི་ཨིན་ན་ཟེར་ ཧ་གོ་བཅུག་ནི་གི་སྨོན་ལམ་ཞུཝ་ཨིན།

ཧིབ་རུ་ལེའུ་ 5:14

དེ་འབདཝ་ད་ བཞེས་སྒོ་དེ་ མི་ལོ་ན་ཁུག་མི་ཚུ་གི་དོན་ལུ་ཨིན་ ཁོང་ ལེགསཔ་དང་ཟོགཔོ་གི་དབྱེ་བ་ཕྱེ་ནིའི་སྦྱོང་བརྡར་དེ་གི་ཐོག་ལས་སྦེ་ ཨ་རྟག་རང་ རིག་པ་གསལ་ཏོག་ཏོ་སྦེ་ཐོབ་མི་ཚུ་ཨིན།།

པེ་ཏྲོ་དང་པ་ལེའུ་ 1:22

ད་ཁྱེད་ཆ་ཁྱབ་བདེན་པའི་གསུང་ལུ་ཉན་ནི་དེ་གིས་ ཁྱེད་རྣམ་པར་དག་པ་འཐོན་ཏེ་ ཁྱེད་རང་གི་སྤུན་ཆ་ཚུ་ལུ་ དོན་ལས་རང་ ཁྱེད་ཀྱིས་བྱམས་པ་འབདཝ་ཨིན་མས་ ད་འཕྲོ་མཐུད་དེ་རང་ རྫུས་མ་མེན་པར་ སེམས་ཀྱི་གཏིང་ལས་རང་ གཅིག་གིས་གཅིག་ལུ་ བྱམས་པ་འབད།

པེ་ཏྲོ་གཉིས་པ་ལེའུ་ 3:18

དེ་འབདཝ་ལས་ ང་བཅས་རང་གི་ གཙོ་བོ་དང་སྐྱབས་མགོན་ཡེ་ཤུ་ཁིརཱིས་ཀྱི་ ཐུགས་རྗེ་དང་ཤེས་རབ་ནང་ཡར་འཕེལ་འགྱོ་དགོ་ ཁོ་ལུ་གཟི་བརྗིད་དང་གུས་ཞབས་ ད་ལྟོ་དང་ཨ་རྟག་རང་ཁོ་གི་ཨིན་ནོ་ ཨ་མཱེན།། །།