फिलिप्पियों 3:19 - डोगरी नवां नियम

¹⁹ उन्दा ऐन्त नाश ओई जाना ऐ, उन्दा ईश्वर टेड्ड ऐ, ओ अपनी बेश्ती दी गल्लें उपर कमंड करदे न, ते तरती दी चीजें उपर मन लाइ रखदे न।

फिलिप्पियों 3:19 Cross References

मत्ती 16:23

ओसने मुड़ीयै पतरस गी आखया, “ए शतान, मेरे अग्गें दा दूर ओई जा! तू मेरे आसतै ठोकर दा कारन ऐ; किके तू परमेसर दियें गल्लें उपर नेई, पर मनुक्खें दियें गल्लें उपर मन लाना ऐ।”

मत्ती 25:41

ओस बेलै ओ खबी बखी आलें गी आखघ, ए लांनती लोको, मेरे सामनें दा ओस मेशा दी अग्गी बेच चली जाओ, जेड़ी शतान ते ओदे दूतें लेई तयार कित्ती गेदी ऐ।

लूका 12:19

ते अपने प्राण गी आख्गा, के प्राण, तेरे कोल मते बरें आसतै बड़ी तन-दौलत रखी ऐ; चैन कर, खा, पी, सूखी रोह।”

लूका 16:19

“एक मानु हा जेड़ा बैंजनी कपड़े ते मलमल पांदा ते अर देन सोख-वलास ते दूम-ताम कन्ने रौंदा हा।

लूका 18:4

ओसने कन्ने चेर तकर तां नेई मनयां लेकन खीरी च मन च वचार करियै आखया, “इयां बी आऊँ नेई परमेसर कोलां डरदा, ते नां मनुक्खें दी केछ परवाह करना ऐं;

रोमियो 16:18

किके ऐसे लोक साड़े प्रभु मसीह दी नेई, लेकन अपने पेट दी सेवा करदे न; ते चिकनी चुपड़ी गल्लें कन्ने सीधे-साधे मन दे लोकें गी बहकाई ओडदे न।

रोमियो 6:21

तां जिनैं गल्लें कन्ने ऊन तोस शरमिंदा ओदे ओ, उन्दे कन्ने ओस बेलै तोस के फल पांदे हे? किके उन्दा नतीजा तां मौत ऐ।

1 कुरिन्थियों 3:3

किके अयें तकर शरीरक ओ। एसकरी, के जेलै थुआड़े च एर्षा ते लड़ाई ऐ, तां के तोस शरीरक नेई? ते के मनुक्ख दी रीति उपर नेई चलदे?

1 कुरिन्थियों 5:2

ते तोस बसोस ते नेई करदे, जेस कन्ने ऐसा कम करने आला थुआड़ी संगति चा कढया जंदा, लेकन कमंड करदे ओ।

1 कुरिन्थियों 5:6

थुआड़ा कमंड करना ठीक नेई; के तोस नेई जांनदे, के थुड़ा जियां खमीर (आंबला) पूरे गुन्नें दे आटे गी खमीर (आंबला) करी दिन्दा ऐ। इसै चाली अगर एक मनुक्ख गी लगातार पाप करने दा मौका दित्ता जा तां आसतै-आसतै सारे लोकें उपर असर पौग ते सारे लोक उवै कम करना शुरू करगन।

2 कुरिन्थियों 11:12

लेकन जे आंऊँ करना ऐ, उवै करदा रौगा; के जेड़े लोग मौका टूंडदे न उनेंगी आंऊँ मौका पाना नेई देगा, तां जे जेस गल्ल च ओ कमंड करदे न, ओस च ओ साड़े आला लेखा गै बनें।

2 कुरिन्थियों 11:15

एस लेई जेकर ओदे सेवक बी तर्म दे सेवकें आला रूप तरदे न, तां कोई बड़ी गल्ल नेई, लेकन उन्दा ऐन्त उन्दे कम्में दे मताबक ओग।

गलातियों 6:13

किके खतना करने आले यहूदी अप्पुं ते कनून उपर नेई चलदे, लेकन थुआड़ा खतना इसै आसतै करना चांदे न के थुआड़ी जिंदु दी आलत उपर घमणड करन।

फिलिप्पियों 2:21

किके सारे अपने मतलब दी तलाश बेच रौंदे न, नां के यीशु मसीह दी।

कुलुस्सियों 3:2

तरती दी नेई लेकन सोर्ग दी चीजें उपर त्यान करो,

2 थिस्सलुनीकियों 1:9

ओ प्रभु दी आजरी कोलां बक्ख ते ओदी शक्ति दी मैमा चा दूर ओईयै मेशा दी सजा पागन।

2 थिस्सलुनीकियों 2:12

तां जे जिन्नें लोक सच्चाई उपर विश्वास नेई करदे, लेकन अतर्म कन्ने खोश ओदे न, ओ सारे सजा पागन।

2 थिस्सलुनीकियों 2:8

ओसलै ओ पाप दा पोर्ष परकट ओग, जिसी प्रभु यीशु अपने मुंह दी फूक कन्ने मारी ओडग, ते अपनी बापस आनेदी शक्ति कन्ने अग्गी आला लेखा पस्म करी देग।

1 तीमुथियुस 6:5

ते उनै मनुक्खें दे बेकार चगड़े कदें मुकदे नेई, ते उन्दी बुद्धि बिगड़ी गेदी ऐ, ते ओ अजां तकर नेई जांनदे के सच्चाई के ऐ, जेड़े समझदे न, के परमेसर दी पक्ति थमां मीर बनी सकनयां न।

2 तीमुथियुस 3:4

तोखा देने आले, बिना सोचे-बचारे लड़ाई लेने आले, दुए कोलां खास, ते परमेसर दी मर्जी नेई लेकन अपना सोख्ख-चैन चांने आले ओगन।

याकूब 4:16

लेकन ऊन तोस अपनीयां फौड़ां मारने लेई अपनी नजर च कमंड करदे ओ; ए जेया सारा कमंड पैड़ा ओंदा ऐ।

2 पतरस 2:1

जिस चली ऊन लोकें च चुठे नबी हे, उसै चली थुआड़े बिचा बी चुठे उपदेशक होगन, जेड़े नाश करने आले पाखण्ड दा उद्घाटन छिपी छीपिये करगन, अते ओस स्वामी दा जिन्ने उनेगी मोल लेता ऐ इन्कार करगन, अते अपने आप गी जल्दी विनाश च डाली देने ए।

2 पतरस 2:13

दुए दा बुरा करने दे बदले उन्दा गे बुरा होग। उनै धयारे-दोपअर भोग-विलास करना पला लगदा ऐ। ए कलंक अते कसुर ऐ; जदू ओह थुआड़े कन्ने खांदे-पींदे हे, अते अपनी ओर तां प्यार रुट्टी करचै भोग-विलास करदे हे।

2 पतरस 2:3

ओह लालच दे लेई गल्ला गढ़ड़िये तुस गी अपने लाभ दा कारन बनान गे, अते जेड़ा दण्ड दी उक्म उन्दे उप्पर पैहले तो ओई चुकी ऐ ओहदे औने च केछ बी देर नेईं, अते उन्दा विनाश सुत्अतेदा नेईं।

यहूदा 1:10

लेकिन ए लोक जिनैं गल्लें गी अप्पुं नेई जांनदे, उनेंगी बुरा-पला आखदे न, लेकन जिनैं गल्लें गी डंगरें दे सवाव आला लेखा ओ अप्पुं जांनदे न, ऐसा करने दे कारन नाश ओई जागन।

यहूदा 1:16

ए अपक्ति लोक मेशा परमेसर दे खलाफ ते दुए च दोष टूढंदे रौंदे न, ऐ लगातार अपने मन दी इच्छ्यां कन्ने बुरे कम जिनैं गी चांदे करदे रौंदे, उन्दे बड्डे मुंह थमां ते अपने फायदे आसतै दुए गी बोलदे रौंदे न।

यहूदा 1:4

केछ लोक जेड़े मसीह विश्वास दा दखावा करदे न, थुआड़ी कलीसिया च आई जुड़ी दे न, ओ परमेसर दा आदर नेई करदे ते सखांदे के पाप करने थमां बी परमेसर असेंगी माफ़ करदा ऐ, अस पाप परी दी जिंदड़ी जी सकनयां न, सेर्फ यीशु मसीह साड़ा मालक ते प्रभु ऐ, एस गल्ल दा ओ एन्कार करदे न, परमेसर ने पराने बेलै च ए पैलैं दा पवित्र शास्त्र च आखे गेदा ऐ, के ऐसे लोक ओस कोलां सजा पागन।

प्रकाशितवाक्य 18:7

जिन्नी उस्स ने अपनी बड़ाई कित्ती ते सुख विलास कित्ता, उन्नी उसी पीड़ ते दुःख देओ; किके ओ अपने मन च आखदी ऐ, आऊँ रानी ओई गेदी ऐं, विधवा नेई; ते शोक च कदें बी नेई पोगी।

प्रकाशितवाक्य 19:20

ओ जानबर, ते ओदे कन्ने ओ चुट्ठा पविखवक्ता पकड़ेया गीया जेस ने ओदे समुक ऐसे चेन्न दसे हे जिंदे रहें उस्स ने उनेंगी गी परमाया जिंदे उपर उस्स जानबर दी मोर हे ते जेड़े उस्स मूरत दी पुजा करदे हे। ए दमै जिंदे जी उस्स अग्ग दी चील च, जेकी गंधक कन्ने जलदी ऐ, सुट्टी दित्ते।

प्रकाशितवाक्य 21:8

लेकन डरपोक, ते अवश्वासीयें, ते घिनोने, ते अत्यारे ते ब्यभिचारयें, ते टूने, ते मूरतपुजके, ते सारें चुठे दा इस्सा उस्स चील च मिलग जेकी अग्ग ते गंधक कन्ने जलदी रौंदी; ए दुई मौत ऐ।”

प्रकाशितवाक्य 22:15

लेकन कुत्तें, ते टोन्हें, ते व्यभिचारी, ते अत्यारे ते मूरतपूजा, ते अर एक चुठ दा कड़ने आला बार रौग।