Madiu 14:8 - Loina Tabu Auwauna NT

⁸ 'Enega sinana 'iona gomagweine 'enaya ga 'enega gomagweine nina Elodi 'ieonena, 'igwae, “Nuwanuwagu Yoni togiebapitaiso bulubuluna gaeba 'enaya 'usa'u be 'u'ebwa'egu.”

Madiu 14:8 Cross References

Madiu 14:11

ta bulubuluna gaebaya siusena ga sime'ena, ga gomagweine si'ebwa'ena. Ta gomagweine nina 'i'ewena ga 'itauyena sinana 'enaya.

Madiu 14:7

'Enega Elodi gomagweine nina 'ena 'iona oboboma be 'aene 'abo to'ase nuwanuwana 'ida 'ebwa'e tuga, ta wate 'isawa tamatamana.

Madiu 14:9

'Enega Elodi 'inuwamwau sinabwana, ta tuwa tuga 'ina sawatamatamana 'inuwa'i'isina, ta boda ni'atu 'ina ona sinonona, 'enega 'itagwala,

Maki 6:24

'Enega gomagweine nina 'iapwesa ga 'itauya sinana 'ena 'ienaida, 'igwae, “Sinagu, to'ase 'imu nuwanuwa be kini 'enaya yada side?” Ta sinana 'igwae, “Kini 'ueona 'ugwae, ‘Nuwanuwagu Yoni togiebapitaiso bulubuluna.’ ”

Maki 6:25

'Enega gomagweine 'ilomanini ga 'iila kini 'ena ga 'igwae, “Nuwanuwagu gete tuga Yoni togiebapitaiso bulubuluna gaeba 'ena 'usa'u be 'u'ebwa'egu.”

Maki 6:28

ga bulubuluna gaebaya 'iusena ga 'ime'ena, ga gomagweine nina 'i'ebwa'ena, ta tauna 'i'ewena ga 'itauyena sinana 'enaya.