Madiu 12:12 - Loina Tabu Auwauna NT

¹² Ona'ai'aila sipi yage gidalina, ta tomota esiya yage sinabwana. 'Enega kapekapeyana be guinuwa bobo'adi Sabateya taguinuwedi.”

Madiu 12:12 Cross References

Madiu 10:31

'Enega geya'abo wa'ate'ate sa'ala, manuna 'omi Yaubada 'ina yage sinabwana, ta bedinegwa nigeya yage sinabwana.

Madiu 6:26

Gete 'ebweu 'ebe'ita ya'ebwa'emi manuwao 'ediya, tuta yauna nigeya sida dauna, nai sida sesoi, ta wate nigeya 'idi anuwa masulamo. Manuwao nidi yage gidalidi ta tuwa tuga Tamadai galewaya tuta yauna 'adi masula 'i'ebwa'ebwa'edi. Ta esi wada nuwa'i'isi 'aene 'omi sinabwami Yaubada 'enaya, 'enega sawesawenaya be 'ie'enimi.

Maki 3:4

Ga Yesu 'inapwanao 'ieonedi, 'igwae, “Gete 'igu enaida 'emiya: To guinuwa bobo'ana 'edaya? Sabate 'ena talelema nai tagie'elouya? Ta'etoseyana nai taloemwawasa?” Ga 'ina ona nigeya sie'ie'isa.

Luke 12:24

“Gete 'ebweu 'ebe'ita ya'ebwa'emi kaokao manuna, tuta yauna nigeya sida dauna, nai sida sesoi, ta wate nigeya 'idi anuwa masulamo. Kaokao nidi yage gidalidi ta tuwa tuga Yaubada tuta yauna 'adi masula 'i'ebwa'ebwa'edi; ta esi wada nuwa'i'isi 'aene 'omi sinabwami Yaubada 'enaya, 'enega sawesawenaya be 'ie'enimi.

Luke 14:1

Sabate 'ebweuna 'enaya Yesu 'itauya sabi 'e'ai Palisiyao 'idi 'inapwana 'ebweu 'ina anuwaya. Anuwa nina 'ena 'ilugulugu ta boda siduneduneye,

Luke 6:9

'Enega Yesu Palisiyao magosediyao 'ieonedi, 'igwae, “Gete 'igu enaida 'emiya: To guinuwa bobo'ana 'edaya? Sabate 'ena talelema, nai tagie 'elouya? Ta'etoseyana nai taloemwawasa?”