Luke 10:2 - Loina Tabu Auwauna NT

² Ta 'ieonedi, 'igwae, “Sesoi bobo'ana ta tosesoi 'omi pu'epu'emimo, 'enega Tonibagula 'enaya wasisida be topaisewao 'ida etunedi 'ina bagulaya sabi sesoi.

Luke 10:2 Cross References

Madiu 20:1

“Yaubada 'ina loina 'atuwa tai 'ebweuna ma ina bagula. Tai nina gonamapumapuya 'itoolo ga 'itauya 'asaya ga 'aina toguinuwao 'ibwauyedima sabi paisewa 'ina bagulaya.

Maki 13:34

'Ebe'ita wate Yesu 'i'ebwa'edi, 'igwae, “'Eguma 'ebweu 'inapwana 'iabe 'ina anuwa 'ida pilisine be 'itatauya mali senaya, 'ina toguinuwao 'ebweuna 'ebweuna 'idi paisewa 'i'ebwa'edi, be 'iloinedi be 'aene 'ina anuwa si'ita'i'isi, ta wate anuwa 'ana 'awa 'ana to'ita'i'ita 'ieonena, 'igwae, ‘Geya'abo 'u'eno'eno ta esi 'ulomata'i'ita 'ai'aila.’

Maki 16:15

Ta emataluwa 'i'ebwa'edi, 'igwae, “Watatauya sena maibo'ana 'ediya be teteligu tomota maibo'adi 'ediya waguguyae.

Maki 16:20

Ta 'enega sitauya sena yauyaudi 'ediya ga Yesu tetelina siloguguyaena, ta sa'i 'Inapwana ma'edi siguiguinuwa ga 'ina waiwaiyega guinuwa 'ebe nuwaowanao siguinuwedi, ga 'enega tomota tetela nina siemisena.

Luke 9:1

Ta Yesu 'ina topaisewao site tuwelo 'ibwau egogonedima ga 'adi loina be waiwai 'i'ebwa'edi be 'enega sawesawediya yaluyaluwa bi'i tomota 'ediyega sida ula apwesedi, ta wate 'adi le'oasao sida giebobo'anedi.

Guinuwa 11:19

Lowa toekalesiyao 'adi talauwalao Sitibeni siloemwawasina, ta wate sitoo be toekalesiyao maibo'adi sida mutudi, 'enega toekalesiyao nidi sidena mali 'asa be mali 'asa 'ediya, ga 'aidi siapwesa Pinisia be Saipilosi be Anitioki 'ediya, ga tetela bobo'ana sisimanena me Yudia dimo 'ediya, ta nigeya 'asa nidi 'adi tomiyanao maibo'adi 'ediya.

Guinuwa 13:2

Taudi sitapwatapwalolo ma idi 'ebotana Yaubada 'ena ga Yaluyaluwa Tabu 'ieonedi, 'igwae, “Nuwanuwagu Banaba be Saulo 'igu guinuwa 'ebweuna manuna, 'enega wada tagwaledi guinuwa nina 'ena.”

Guinuwa 13:4

Yaluyaluwa Tabuna ni'atu 'ietunedi ga simwa'uta Selusia, ga wagega sigelu ga situpa salu Saipilosi manuna,

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Guinuwa 8:4

Ta toekalesiyao si'elelewana, be 'abo to sena 'ena sitautauya, tetela bobo'ana siloguguyaena tomota 'ediya.

1 Kolinita 12:28

manuna 'ida guinuwao ekalesiya solanaya dumadumadi be dumadumadi, Yaubada 'ieguyaiyedi 'edaya, nugana taudi Keliso 'ana tosimanao, be muliyega Yaubada 'ina ona 'ana tologuguyao, muliyega toe'itao, be yage 'ebe nuwaowana 'adi toguinuwao, be togile'oasao, be tolemao, be toanuganao, be taudi mali 'enanao 'adi toonao.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Pilipai 2:21

ta 'agu tolemao yaudi taudimo manudi sinuwanuwa, ta nigeya Yesu Keliso 'ina guinuwa manuna sida nuwanuwa.

Pilipai 2:25

Ta gete tuga 'igu nuwanuwa 'aene 'ilobwenena be Epapilodito yaetune ilenawa 'emiya, tauna tasigu ta ma'iyagu 'apaipaisewa, 'atuwa nadigega 'alosalosaiya Yesu Keliso manuna. Epapilodito nina lowa 'agu lema 'emiyega 'ime'ena,

Pilipai 2:30

Ona'ai'aila, Epapilodito nina Keliso 'ina paisewa 'enaya le'oasega selabenaya be 'imwamwawasa, manuna 'omi nigeya sawesawenaya be walemegu, ta Epapilodito nina 'ipasima ga 'ilemegu, ga 'enega le'oasa nina 'ilobena.

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

Kolose 4:12

Epapila wate 'ina lokagutoki 'emiya, tauna 'ebweu 'imi boda 'emiyega, ta 'iguiguinuwa To'etoseyana Yesu manuna, ta wate 'ina sidasidao 'ediya 'isidasida waiwai be 'aene wada toolopa'ala ma imi bubuna maibo'ana bobo'ana, nadigega Yaubada nuwanuwana.

1 Tesalonaika 2:9

Gosemao, wanuwa'i'isi lowa 'ima paisewa 'emiya, 'asiyata be boiboi 'ediya 'apaipaisewa sinabwana, ga 'enega taumamo 'ae'enima, ta wate Yaubada tetelina 'asimanena 'emiya, manuna geya nuwama 'ami mwau 'asa'u 'ama 'ita'i'ita manuna.

1 Tesalonaika 5:12

Gosemao, 'asidemi wate be 'aene 'ami toanuganao wada 'amayabedi, be wada oboboma 'ai'ailidi, manuna 'Inapwana 'ina paisewa siguiguinuwe, nate si'ita'i'isimi ta siloguloguguya 'emiya. Ta 'ebweu yage wate, geya'abo egewagewana, ta esi nuwasiwalowega wada miyami.

2 Tesalonaika 3:1

Gosemao, 'ebweu yage wate nuwanuwama be manuma wasidasida Yaubada 'ena, be 'enega 'Inapwana tetelina 'ima loguguyega 'ida lelewana be 'iewaiwai tomota 'ediya, nadigega lowa 'emiya.

1 Timoti 4:10

manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

2 Timoti 4:5

Ta 'oyo geya'abo taudi nadigega. Tuta maibo'ana 'utoolo pa'ala ta 'imu miyamwau 'ediya 'ue'alama'i'ita, be tetela bobo'ana 'usimane. Gete 'enega 'iabe 'oyo toguinuwa waiwaiyo Yaubada 'ina guinuwa 'ena.

Pilimoni 1:1

Kagutoki tasigu Pilimoni, 'oyo Yesu Keliso 'ina toguinuwa 'ebweu nadigega 'abo'agu. Ta 'abo'agu ni'atu deliya sisa'ugu, Yesu Keliso 'ina guinuwa manuna. Ta gete tugai Timoti 'ilemegu be 'imu leta gete 'a'eto'etoladinawa.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

E'ita'ita 2:1

Anilose nina totapwaloloyao Epeso 'ena 'i'ita'ita'i'isidi 'ina leta 'uda 'etoladi me Epeso nidi manudi, be 'uda gwae: Ale gete 'imai tauna kwadima nidi sebeni nima 'atainega 'igiyaidi, ta mayale goula sebeni nidi gamwagamwanidiya 'itautauya 'enega. Tauna gete 'ina simana 'emiya, 'igwae: