Nyuuth 19:13 - JAM DE NHIALIC 2011

¹³ Ku aceŋ lupɔ ë yekɔ̈u, lupɔ cï juɔɔl ë riɛm: ku rinke acɔlke Jam ë Nhialic.

Nyuuth 19:13 Cross References

Diɛt 58:10

Kɔc piɛthpiɔ̈ɔ̈th abïk piɔ̈ɔ̈th miɛt të le kek kɔc rac tïŋ aluiyë keek këtuc, abïk kecök waak në riɛm de kɔc rac yiic.

Yith 9:5

Wɛɛr cieŋ ë kɔc ke ater bïï tɔŋ, ku lupɔɔkɛn de gup rim ëbɛ̈n abïï ke riɔ̈ɔ̈k në mac

Jɔn 1:1

Të ɣɔn thɛɛr gɔlë käŋ Jam aa nu, ku nu Jam kekë Nhialic, ku Jam yen aye Nhialic.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

1 Jɔn 1:1

Kë ë nu ɣɔn thɛɛr gɔlë käŋ. Kë cuk piŋ, kë cuk tïŋ ë wonyïïn, kë cuk woi, kë cuk dɔm ë wocin, këde jam de pïïr.

1 Jɔn 5:7

Ku Wëidït kek aye cäätɔ, luɔi ee kek yith kek Wëi. Ku cäätɔɔ nu paannhial ayek diäk, Wääda, ku Jam, ku Wëidït: ku diëŋkë ayek tök.

Nyuuth 14:20

Go kën ee mɔ̈u dhiim thïn duöm piny ë jöŋgöör ë pänydït këc biic, ku jɔ riɛm bɛ̈n bei ë kën ee mɔ̈u dhiim thïn yic, abï pëk ë joth ee jöŋgöör mac thook, thiëëŋ piny abï ɣet nhial në meel bot kaarou ku thuthde aaye akeem kadhïc.