This book is not inspired by God and is not part of the Christian canon or the Jewish Tanakh. It is shown only for historical and study purposes. View full explanation Tobit 10:12 - MUMA MALER 201512 Sara nyare to nowachone niya, “Koro dhiyo e dala kwaru, nikech chakre kawuono, gin jonywolni mana ka gima in nyargi mane ginywolo. Dhiyo gi kue nyara, kendo ageno ni weche mabeyo ema abiro winjo kuomi ndalo duto kapod angima.” Kamano nogoyonigi oriti, moweyogi mondo gidhi. To Edna bende nowacho ni Tobias niya, “Wuoda kendo owadwa, Ruoth Nyasaye mondo oyie chieng’ moro uchak uduog unewa kendo. Ageno ni abiro medo bedo mangima mi ane nyithindu ma unywolo gi Sara nyathina kapok atho, Ero, amiyi nyara e nyim Ruoth Nyasaye mondo irite maber. Kik ithage e kinde duto mag ngimani! Koro dhi gi kue wuoda. Chakre kawuono, an meru, to Sara en nyameru. Nyasaye mondo oguedhwa waduto wabed gi mor e kinde duto mwangima.” Kane osewacho kamano, nonyodhogi giduto, mi oweyogi gidhi. See the chapter |