फिलिप्पि 4:11 - Dhimal NT

¹¹ कासेहेङ गोइका हिदोइ बुङ आमेनेको खाचो हि दोअ्तेङ का गुनासो पाका माको, पाइपालिपानु जिसिकालाउ बुङ परिस्थितिता हिलाउ बुङ इङकोता सन्तोस हिलि का धिर्का हिघा।

धिमाल

¹¹ कासेहेङ हारजा जेङहि दोअ्‌तेङ दुखेसो पाका माको, हाइदोनु हिदिङ हालतता बुङ इङकोता सन्‍तोक हिलि गेका हिघा।

फिलिप्पि 4:11 Cross References

लुका 3:14

आधिमि सिपालाइ युहान्नाहेङ हिअ्हि, केलाइ चाहि हाइ पालि? युहान्‍ना इम्बालाइहेङ दोअ्हि, धाक तिङपातेङ द्‍याङगेलाइसो ताका माह्रुसु हासुको बुङ बारेता माधाताइसु ताइमिङ कामाइका जेदोङ जेथे डोरमा हि ओदोङता सन्तोक हिसु।

2 कोरिन्थि 11:27

हेन्जा परिस्रोम पाघा कालाउ कस्ट सहिघा, हेथे-हेथे न्हिसिन्ता माजिम्सिङ हिघा, म्हितुपाङ कालाउ चि आम्लि किलाउ, बारम्बार लालाइलाउ, चुङकाता आतुइसा लोखोन धाबाता हिलि गोइघा।

2 कोरिन्थि 6:10

केलाइ हेन्जा दुख हिलाउ बुङ दिनाङ लेङचाका हिनाहि, कालाउ केलाइ गरिब हिलाउ बुङ हेन्जाङहेङ आत्मिक धनि बानाइयाङ, हाइ दोङ मान्थुका भाइपा हिलाउ बुङ गोताङ आनेमाने हि।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

2 कोरिन्थि 9:8

परमेस्वर नेलाइहेङ गोइका गोताङ खाल्को आसिस खान्तेङ हेन्जाङ पिलि द्वाङ, कालाउकि नेलाइ दोफा जेलाउ बुङ गोताङ काथा नुगामारि ह्याको, कालाउ गोताङ रेम्का कामको भाअ्सिङ नेलाइ गेनेगेल्पा पिलि दोसु।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

हिब्रु 10:34

कालाउ नेलाइ कैदिगेलाइ ह्रुता दाया तिङपासुन्हा ताइको सम्पति घिङतेङ चुम्पुलाउ बुङ खुसि जेङतेङ सहिसुन्हा, हाइपालिपानु नेलाइ गिघासुखेना कि, नेलाइ दोफा आझाइ बुङ परमेस्वरको प्रतिग्या पाका आमेनेगेलाइ हि, जेदोङ आझाइ उत्तम हि कालाउ जेलाउबुङको भाअ्सिङ हितेङ ह्यावा।