फिलिप्पि 3:8 - Dhimal NT

⁸ इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

धिमाल

⁸ इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

फिलिप्पि 3:8 Cross References

लुका 1:43

का नासेहेङ इता निङकाता का ताइमिङहेङ साम्मानित महसुस जेङखे, कि काङको प्रभुको आमाइ कासेहेङ भेतिलि लोहि।

लुका 11:20

जेसापा का परमेस्वरको आत्मासो भुत-आत्मागेलाइहेङ ओल्लेपानु परमेस्वरको सासन नेलाइकोता लोहोइ दोअ्तेङ गिसु।

युहन्‍ना 14:20

जेलाउ का सिन्हुतेङ आरोङ घुरितेङ ल्वाङका, नेलाइ बुझिस्वाना कि, का आबा दोफा हिघा, नेलाइ का दोफा हिसुना, कालाउ का नेलाइ दोफा हिघा।

युहन्‍ना 14:7

नेलाइ कासेहेङ नाल्कानु, काङको आबाहेङ बुङ नाल्धास्वाना। एलासो उसो नेलाइ काङको आबाहेङ नाल्स्वाना, कालाउ नेलाइ वासेहेङ तिङलि दोका हिसुना।

युहन्‍ना 16:3

कालाउ इम्बालाइ इदोइ गोताङ कामगेलाइ पावा, कारन नाअ् ते इम्बालाइ आबाहेङ नाल्का हि नाअ् ते कासेहेङ दोङ नाल्खे।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 17:8

हाइपालिपानु जेदोङ सन्‍देस नाअ् कासेहेङ पिन्हा, का इम्बालाइहेङ पिका हिघा, कालाउ इम्बालाइ इङको सन्‍देस सुइकार पाका हि। का नाङकोसो लोका हिघा दोअ्का इम्बालाइ जातिङकोङ गिका हि, कालाउ नाअ् कासेहेङ दिङगिल्का दोअ्तेङ इम्बालाइ खाङधुरि पाका हि।

युहन्‍ना 20:13

इम्बालाइ मरियमहेङ दोअ्हि, बेबाल नाअ् हाइ पालि, खारखेना? मरियम इम्बालाइहेङ दोअ्हि, इम्बालाइ काङको प्रभुको सिका जिउहेङ चुम्पुहि, कालाउ वासेहेङ हिसो ताअ्का हि, कासेहेङ थाहा मान्थु।

युहन्‍ना 20:28

इदोइ काथा हिङतेङ थोमा येसुहेङ उत्तारा पिहि, काङको प्रभु कालाउ काङको परमेस्वर!

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

रोमि 8:18

का पाक्का हिघा, कि इङको महिमा जेदोङ परमेस्वर केलाइहेङ प्याङ, इङको केलाइ एला भोगेका कस्टगेलाइ खान्तेङ बार्का जेनाङ।

रोमि 8:39

ना ते आकासको झाउकाहोइ, ना ते समुन्द्रको वाङखाराकाहोइ, ना ते गोताङ सिरजाइकाता हिका काथागेलाइहोइ केलाइहेङ परमेस्वरको प्रेमसो खेङलि द्वावा, हाइपालिपानु परमेस्वर केलाइहेङ प्रभु येसु ख्रिस्ट पाहासो प्रेम पाका हि।

1 कोरिन्थि 2:2

हाइपालिपानु का नेलाइ दोफा हिलाउ येसु ख्रिस्ट कालाउ वासेहेङ क्रुसता ताङगाइतेङ सिका काथा बाहेक आरु हाइ दोङ काथा मागिका का थानिका हिघाखा।

1 कोरिन्थि 9:10

हाइ वा केलाइको भाअ्सिङ दोङ इदोइ दोअ्का माको रो? एइ केलाइको भाअ्सिङ दोङ इदोइ लेखेका हि। हाइपालिपानु चोइका कालाउ दाउनि पाका से उमको आधे भाग निङलि आसहोइ चोइखे कालाउ दाउनि पाखे।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

2 कोरिन्थि 4:6

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।

एफिसि 4:13

केलाइ ताइको खाङधुरि पाहासो कालाउ परमेस्वरको चानको बारेता केलाइको फोम पाका पाहासो ए माजेङपा थेकापा इदोइ हितेङ ह्याङ। कालाउ केलाइ परिपक्क जेनाङ, कालाउ केलाइ वाको भाइपाङ जेनाङ, जेसाङ ख्रिस्ट हि।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 3:10

का ख्रिस्टहेङ खिनिङ माको कालाउ परमेस्वर जाइ वासेहेङ सिकासो सिन्चाल पाहि वाको सरबुङहेङ गिलि भोखा। का येसुको कस्टको भागेदार जेङलि भोखा कालाउ वाको सिकाता वाको भाइपाङ भाइलि खाङखा।

फिलिप्पि 3:12

का इदोइ गोताङ लाम्फासोङ निङलि दोहोइका माकुनु लाम्फासो सिद्द जेङलि दोहोइका दोअ्तेङ ते माको, कालाउ इङको काथागेलाइहेङ निङलिको भाअ्सिङ का कोसिस दोफा आगा बाढेतेङ हिघा जेदोङ काथाको भाअ्सिङ येसु ख्रिस्ट कासेहेङ साल्का हि।

फिलिप्पि 3:7

कालाउ जेथे काथा काङको भाअ्सिङ फाइदा हिघाहि, इङको गोताङ काथा का एला ख्रिस्ट दोफा काङको सम्बनधको भाअ्सिङ हान्ति दोङ थानिघा।

2 तिमोथि 4:6

का नासेहेङ या आदेस पिदोङखा, हाइपालिपानु का ते भोगको रुपता आर्पन जेङलि लागिका हिघा कालाउ काङको जिबन कालाउ परमेस्वरको भाअ्सिङ काङको काम दोलि तोम्का हि, हाइपालिपानु का गिखा कि का धेमाङ सियाङका वाला।

हिब्रु 3:14

कालाउ जेसापा केलाइ लाङखेता हिका खाङधुरिता केलाइको जिबनको आनान्त थेकापा ख्रिस्टता बल्लियाका जेङतेङ हिनाहि पानु, केलाइ ख्रिस्ट दोफा बानाबोरको हक जेनाङ।

1पतरुस 2:7

नेलाइ येसु ख्रिस्टता खाङधुरि पाकालाइको भाअ्सिङ या उन्ठुइ मेनाङ हेन्जा दामको हि। कालाउ धर्मसास्तर वाको ह्रुता खाङधुरि मापाका द्‍याङगेलाइको बारेता दोअ्खे कि, “जेदोङ उन्ठुइहेङ साअ् धामकालाइ साअ् धाम्लि इन्कार पाहि इङको साअ् धाम्लिको भाअ्सिङ मेनाङ जाङका उन्ठुइ जेङहि।”

२ पत्‍रुस 1:2

का प्रार्थाना पाखा कि, परमेस्वर कालाउ येसु ख्रिस्ट केलाइको प्रभुको ग्यानता, नेलाइ बाढेकाताङ हानिलाउ परमेस्वर नेलाइहेङ हेन्जा खाङतेङ हेन्जा आनुग्रह कालाउ सान्ति प्याको।

२ पत्‍रुस 1:3

केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

२ पत्‍रुस 1:8

जेसापा नेलाइ एसापा दोङ हेन्जा खान्तेङ हेन्जा ताइको जिबन जियाइसुन्हा पानु, कालाउ नेलाइ केलाइको प्रभु येसु ख्रिस्टको भाअ्सिङ काम लागिका कालाउ फल सेपाका भाइपा जेङस्वाना।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

१ युहन्‍ना 2:19

ख्रिस्ट बिरोधिगेलाइ केलाइको मन्डलिसो ओल्लेतेङ हानिहि, हाइपालिपानु इम्बालाइ केलाइको मान्थुघाहि। जेसापा इम्बालाइ केलाइ भाइपाङ जातिङको खान्धुराइ जेङका मान्थुघाहि माकुनु इम्बालाइ केलाइ दोफा हिधावा कालाउ इम्बालाइ झाराङ केलाइको माको रोइस दोअ्का काथा देखाल पापालि इम्बालाइ केलाइको मन्डलिसो ओल्लेतेङ हानिका हि।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।