फिलिप्पि 3:20 - Dhimal NT

²⁰ कालाउ केलाइ स्वर्गको बासिन्दा दोङ, इन्तासो आरोङ लोका केलाइको मुक्ति दाता माकुनु प्रभु येसु ख्रिस्टहेङ ह्रुम्तेङ हिनाखे।

धिमाल

²⁰ कालाउ केलाइ सादेलता हिका द्‌याङगेलाइ एइ। केलाइको प्रभु इसु ख्रिस्‍ट सादेलसो ल्‍वावा दोअ्‌तेङ वाको दामा खाङतेङ हिन्‍हाहि। वा दोङ केलाइहेङ छुटकारा प्‍यावा।

फिलिप्पि 3:20 Cross References

मत्‍ति 19:21

येसु वासेहेङ दोअ्हि, “नाअ् सिद्द हिलि खाङनु, हानितेङ नाङको दोफा हिका गोताङ आनेमाने पिइतेङ ताका गरिबगेलाइहेङ पि, कालाउ स्वर्गको धन निनाना कालाउ लोतेङ काङको चात्या जेङ।”

लुका 12:21

ओदोङ भाअ्सिङ धन-सम्पति थुबाराइका द्‍याङ कालाउ परमेस्वरको नजरता धनि मान्थुका द्‍याङको आबास्था इसिकाङ जेनाङ।

लुका 14:14

कालाउ न्हुसो नाअ् धन्यको जेनाना, हाइपालिपानु खिल्का तिरिलि इम्बालाइ दोफा हाइ दोङ मान्थुवावा। जेलाउ धर्मि द्‍याङ स्यावा कालाउ सिकासो सिन्हुतावा, एन्सालाउ परमेस्वर वासेहेङ इनाम प्यावा।

साल्न्हाका चात्या 1:11

इम्बालाइ दोअ्हि, “ओइ गालिल जिल्लाको द्‍याङगेलाइ, नेलाइ हाइ पालि आकास भारि खाङकाताङ जाअ्तेङ हिसुन्हा? ओदोङ येसु जाइहेङ परमेस्वर नेलाइकोसो स्वर्गता चुम्पुहि, एला जेसाङ नेलाइ वासेहेङ स्वर्गता हानिका तिङसुन्हा, एन्साङ दोङ वा आरोङ घुरितेङ ल्वाङ।”

1 कोरिन्थि 1:7

ओदोङ भाअ्सिङ नेलाइहेङ पबित्तरो आत्माहोइ गोताङ आत्मिकि बरदानगेलाइ पिका हि, जेदोङ नेलाइ केलाइको प्रभु येसु ख्रिस्टको आरोङ लोलि तोम्का दामा खाङसुखेना।

1 कोरिन्थि 15:48

प्रिथिबिको भोनोइसो बनिका द्‍याङगेलाइ लाङति द्‍याङ आदम भाइकाङ हि। कालाउ जाइ स्वर्गको द्‍याङ येसु ख्रिस्टहेङ पिताइपुखे इम्बालाइ बुङ वाको भाइपाङ जेङखे।

2 कोरिन्थि 4:18

केलाइ तिङका काथाता माको, मातिङका काथाहेङ खाङनाखे, हाइपालिपानु तिङका काथा एघुरिङ खिनिङ हिखे, कालाउ मातिङका काथा चाहि जेलाउलाउ बुङ थेकापा हिखे।

2 कोरिन्थि 5:8

केलाइता पुर्न भोरोसा हि, कालाउ केलाइ सिकासो इदोइ जिउसो खेङन्हालि भोनाखे कालाउ प्रभु दोफा स्वर्गको साअ्ता हिलि चाहिनाखे।

गलाति 4:26

कालाउ स्वर्गको यरुसेलेम आब्राहामको बे सारा भाइका हि कालाउ वाको सान्तानगेलाइ बान्धाइति माको। या यरुसेलेम केलाइको आमाइ भाइका हि, जाइ खाङधुरि पाखे।

एफिसि 2:19

ओदोङ भाअ्सिङ नाअ् गैर-यहुदिगेलाइ एला नेलाइ परदेसि कालाउ प्रबासि माको, भरु परमेस्वरको पबित्तरो जनगेलाइ दोफाङ परमेस्वरको सदस्यगेलाइ जेङका हिसुना।

एफिसि 2:6

केलाइको येसु ख्रिस्ट दोफाको सम्बन्धको कारन परमेस्वर केलाइहेङ बुङ सिकासो सिन्चाल पाहि, कालाउ वाको दोफाङ स्वर्गता सासन पालि पिहि।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

1 थेस्लोनिकि 1:10

कालाउ इम्बालाइ दोअ्खे नेलाइ हेसा वाको चान स्वर्गसो आरोङ ल्वाङ दोअ्तेङ नेलाइ दामा खाङतेङ हिसुना, जाइहेङ परमेस्वर सिकासो आरोङ सिन्हु पाका हि, येसु जाइ केलाइहेङ परमेस्वरसो लोलि तोम्का चेरचुङसो बान्चि पावा।

1 थेस्लोनिकि 4:16

हाइपालिपानु प्रभु येसु ख्रिस्ट ताइमिङ स्वर्गसो खुअ्तेङ ल्वाङ कालाउ बार्का गालाहोइ आग्या प्याङ, कालाउ प्राधान स्वर्गदुतको चेराका गालाता दोअ्तावा कालाउ परमेस्वरको सानाइ म्होका बेलाता ख्रिस्टता सिका खान्धुराइगेलाइ झाराङ खान्तेङ लाम्फा सिन्चालावा।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

हिब्रु 12:22

कालाउ नेलाइते सियोन तिकारता लोका हिसुना, जेता स्वर्गिय यरुसेलेम हि, जेदोङ सिन्हुका परमेस्वरको सहर हि, जेता लाख-लाख स्वर्गदुतगेलाइ जोम्तेङ आनान्दहोइ-उत्साह मानाइखे।

हिब्रु 9:28

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

प्रकास 1:7

हिङसु, वा बादेलगेलाइ दोफा लोदोङखे, कालाउ झाराङ वासेहेङ तिनावा। ओबालाइ बुङ जाइ वासेहेङ भालाहोइ बाहि कालाउ वासेहेङ सेअ्हि। कालाउ प्रिथिबिता हिका गोताङ द्‍याङगेलाइ जेलाउ वासेहेङ तिनावा, इम्बालाइ जिउधाइ लोपाङ खारावा कालाउ तुम्ता थेकावा। एसाङ जेनाको। आमेन।