फिलिप्पि 3:19 - Dhimal NT

¹⁹ बिनास इम्बालाइको आन्त्य हि, इम्बालाइ ताइको जिउको इच्छा पुरा पालि खिनिङ जियाइखे, इम्बालाइ ताइको लेदेरका को कामता हाउसा पाखे, कालाउ इम्बालाइ लागातार सुमिङको काथागेलाइको बारेता सोचिखे।

धिमाल

¹⁹ आखिरता परमेस्‍वर एम्‍बालाइहेङ मुअ्‌पावा। हाइदोनु एम्‍बालाइ ख्रिस्‍टको इछा माको कालाउ ताइको जिउको इछागेलाइको चाकर पाखे। एम्‍बालाइ लेदेरलि गोइका काथागेलाइता तुजुक पाखे। एम्‍बालाइ परमेस्‍वरको काथाता माको कालाउ बुङ दुनियाको काथाता लागेका हिखे।

फिलिप्पि 3:19 Cross References

मत्‍ति 16:23

कालाउ येसु ताइको ह्राइ घुरिपाहि कालाउ चात्याभारि खाङतेङ पतरुसहेङ दोअ्हि, “ओइ साइतान नाअ् काङकोसो दुरे हाने! हाइपालिपानु नाअ् काङको भाअ्सिङ बाधा हिना, हाइपालिपानु नाअ् परमेस्वरको काथाता माको कालाउ द्‍याङगेलाइको काथाता मन पिखेना।”

मत्‍ति 25:41

कालाउ न्हुसो का ताइको केपाहा योम्का द्‍याङगेलाइहेङ दोअ्ताङका नेलाइ स्रापित द्‍याङगेलाइ काङकोसो दुरे हानेसु। साइतानको कालाउ वाको दुतगेलाइको भाअ्सिङ परमेस्वर तियार पाका आनान्तको मेता हानेसु।

लुका 12:19

कालाउ न्हुसो का ताइमिहेङ दोअ्ताङका, नाअ् दोफा गेनेगेल्पा हेन्जाङ बासार थेकापा पुगिका आनेमानेगेलाइ हि, एला सुकापा चातेङ आम्तेङ हि।

लुका 16:19

येसु आरोङ एनोङ निङपिकासो दोअ्हि, एमि धनि द्‍याङ हिघाहि, वा हेन्जाङ जाङका धाबागेलाइ लागाइघाखे। वा दिनाङ-दिनाङ झाराङ खान्तेङ रेम-रेम्का चाघाखे।

लुका 18:4

हेन्जा दिनासोङ न्यायधिस उङको के सिका बेबालको काथा माहिङपिहि, कालाउ न्हुसो वा ताइको मनता दोअ्हि, का परमेस्वर दोफा माअ्थिखा द्‍याङको बुङ वास्ता मापाखा।

रोमि 16:18

हाइपालिपानु इन्सिकागेलाइ केलाइको प्रभु ख्रिस्टको माको, कालाउ ताइको जिउको इच्छागेलाइ पुरा पालि सेवा पाखे, कालाउ इम्बालाइ ताअ्का-ताअ्का कालाउ दिरबे देअ्का काथा पातेङ सोझाका द्‍याङगेलाइहेङ धोका पिखे।

रोमि 6:21

नेलाइ दुस्ट कामगेलाइ पासुन्हा, कालाउ इङको काथागेलाइको भाअ्सिङ एला नेलाइ लेदेरसुन्हा। एन्सा पातेङ नेलाइ इङको काथागेलाइहोइ हाइ प्रतिफल निङसुन्हा? इङको काथागेलाइहोइते सिका चुमाहि।

1 कोरिन्थि 3:3

हाइपालिपानु नेलाइ एलाङ बुङ सुमिङको द्‍याङगेलाइ भाइपा जिबन जियाइसुखेना। कालाउ नेलाइको माझाता डाहा कालाउ चेरसुका हिदोङ हि, इङकोहोइ तिङपाखे कि नेलाइ आझाइ बुङ सुमिङको द्‍याङगेलाइ भाइपा जियाइका हिसुन्हा। हाइ एन्सानु नेलाइ परमेस्वरहेङ खाङधुरि मापाका द्‍याङगेलाइ भाइपा बान्चितेङ हिसुन्हा?

1 कोरिन्थि 5:2

नेलाइ चाहि इसिका काथाता दुखि जेङलि गोइका हिघाहि, कालाउ इसिका काम पाका द्‍याङहेङ ताइको मन्डलिसो ओल्लेपालि गोइधाङ, कालाउ नेलाइते घमन्ड कि पासुखेना।

1 कोरिन्थि 5:6

नेलाइ घमन्ड पालि लाअ्सु, हाइपालिपानु नेलाइहेङ थाहा दोङ हि, कि आतुइसा साउरिहोइ गोताङ धिकाउरिहेङ साउरि बानाइखे। इन्साङ पातेङ एमि द्‍याङहेङ पाप पालि पितेङ हिनु, धेमाङ आरुगेलाइ बुङ इन्साङ पालि पिताइयावा।

2 कोरिन्थि 11:12

का नेलाइ दोफा साघाइ ह्रुलि मादाङका कालाउकि का इम्बालाइहेङ रोकिलि द्वाको जेदोङ केलाइ परमेस्वरको काम पाका भाइकाङ केलाइ बुङ पानाखे दोअ्तेङ घमन्ड पाका मौका भोखे।

2 कोरिन्थि 11:15

ओदोङ भाअ्सिङ इदोइ हिदोइ बुङ भारभुसाइका काथा माको, कि वाको बान्धाइतिगेलाइ बुङ धार्मिकताको बान्धाइतिगेलाइको भेस ताइको भेस भाङगाइखे। इम्बालाइको आन्तय इम्बालाइको काम आन्सारको जेनावा।

गलाति 6:13

खाताना जेङका यहुदि खान्धुराइगेलाइ बुङ गोताङ मोसाको व्यवस्था माकेम्खे, कालाउ इम्बालाइ भोखे कि, नेलाइ खाताना पासु, कालाउकि इम्बालाइ आरु यहुदिगेलाइको आगाता घमन्ड पाको, कि इम्बालाइको कारनहोइ नेलाइ खाताना पासुन्हा।

फिलिप्पि 2:21

हाइपालिपानु झाराङ ताइकोङ स्वार्थि भोखे कालाउ येसु ख्रिस्टको बारेता महत्य पुर्न हाइ हि इङको वास्ता पाका हासु बुङ मान्थु।

कलस्सि 3:2

प्रिथिबिको काथाता माको कालाउ स्वर्गको काथागेलाइता मन लागाइ।

2 थेस्लोनिकि 1:9

प्रभु इम्बालाइहेङ ताइको आगासो ओल्लापावा कालाउ ताइको बाखिन कालाउ सरबुङ आनुभब पालि माप्याङ। कालाउ परमेस्वर इम्बालाइहेङ आनान्त बिनासको दन्ड प्यावा।

2 थेस्लोनिकि 2:12

कालाउ परमेस्वर गोताङ द्‍याङगेलाइको न्याय पाङ, जाइ येसु ख्रिस्टको सत्ये सन्देसहेङ खाङधुरि मापाखे, कालाउ जाइ दुस्ट दामाहेङ प्रेम पाखे।

2 थेस्लोनिकि 2:8

कालाउ न्हुसो इङको दुस्ट द्‍याङ देखाल जेनावा। कालाउ आरोङ न्हुसो जेलाउ प्रभु येसु ल्वाङ, वा इङको दुस्ट द्‍याङहेङ ताइको नुइसो ओल्लेका आदेसहोइ कालाउ वाको लोलि तोम्का महिमाहोइ इङकोहेङ सेअ्तावा।

1तिमोथि 6:5

कालाउ इसिका द्‍याङगेलाइको बिबेक साङकाहोइ पोङघाका हिखे, कालाउ आरु दोफा काथा पोसुखे। कालाउ इम्बालाइ सत्ये हाइ हि रो दोअ्तेङ बुझिलि मादोअ्खे, इम्बालाइ सोचिखे, कि परमेस्वरको बारेता धिरपाका एनोङ ताका कामाइका तरिका हि।

2 तिमोथि 3:4

बो द्‍याङगेलाइहेङ धोका पिकालाइ, ताइमिहेङ बो खान्तेङ हेन्जा महत्व्यको थानिकालाइ, कालाउ परमेस्वरहेङ खान्तेङ मोजमस्तिहेङ हेन्जा मन परिका हिखे।

याकुब 4:16

कालाउ एला नेलाइ ताइको आहाङकारि योजानागेलाइको बारेता घमन्ड पासुखेना। इसिका गोताङ घमन्ड मारेम्का हि।

२ पत्‍रुस 2:1

हेन्जाङ सोमोइ लाम्फा इस्राएल सारभिको द्‍याङगेलाइको माझाता धातुवा आगमबक्तागेलाइ बुङ हिघाहि, एन्साङ दोङ नेलाइको माझाता बुङ धातुवा सिक्स्कगेलाइ बुङ ह्याङ। इम्बालाइ सिकापा नेलाइको मन्डलिता दुल्लावा कालाउ नेलाइहेङ परमेस्वरको बारेता बिनासकारि धाताइका सिक्स्यागेलाइ दोअ्तावा। इम्बालाइ ख्रिस्टहेङ ताइको प्रभुको रुपता इन्कार पावा, जाइ नेलाइहेङ पापगेलाइसो स्वतन्तर पाहि। हाइपालिपानु इम्बालाइ एन्सा पाखे, इम्बालाइ ताइमिङता नासाका चुमाखे।

२ पत्‍रुस 2:13

हाइपालिपानु इम्बालाइ ताइको कपटि पुर्न दामागेलाइता आनान्दित हिखे, इम्बालाइ दिनाको फाइसालामकाता आखेका सैलिता चाका-आम्कासो आनान्द प्राप्ता पाखे। इङको दाग कालाउ पेचारागेलाइ भाइका हि जाइ नेलाइहेङ नेलाइ दोफाङ उम चातेङ बुङ छलिखे।

२ पत्‍रुस 2:3

इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।

यहुदा 1:10

कालाउ इदोइ द्‍याङगेलाइ मागिका काथागेलाइको बिरोध, आनादारको सब्दगेलाइ प्रयोग पाखे। कालाउ माबुझिका गुपुस भाइपा ताइमि मागिका काथागेलाइ पाखे, इन्सिका काम पातेङ इम्बालाइ ताइमिहेङ हान्ति पाखे।

यहुदा 1:16

इदोइ द्‍याङगेलाइ जेलाउ बुङ परमेस्वरको बिरोधता नुइ धुइखे कालाउ आरु द्‍याङगेलाइता खिनिङ दुसिका निङखे। इम्बालाइको ह्रदयहोइ गोइका आन्सार इम्बालाइ निरन्तर कु-काम पाखे। इम्बालाइ ताइमि दोङ ताइको बारेता घमन्ड काथागेलाइ पाखे, कालाउ ताइको फाइदाको भाअ्सिङ आरु द्‍याङगेलाइको भाअ्सिङ भानाइदारि पाखे।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।

प्रकास 18:7

नाअ् इङको बेबालहेङ मारेम्फाङ पिडा कालाउ दुख पि, जेदोङ वाको माताइका जिबन कालाउ ताइमिङ ह्रुता गर्वको बानाबोर जेनाङ। वा ताइमिहेङ दोअ्हि, ‘का द्‍याङगेलाइहेङ रानिको भाइपाङ सासन पाखा कालाउ का बिना के को मान्थुघा। कालाउ कासेहेङ के सिकाको पिडा माजेनाङ।’

प्रकास 19:20

कालाउ इङको लाङति राक्सेस कालाउ वाको दोफा भेनेङ राक्सेस जाइ धाताइका आगमबानि पाघाखे इङको न्हेमि रिम निन्चाहि। इदोइ धाताइका आगमबक्ता राक्सेसको भाअ्सिङ आचाम्माको चिन्हा तिङपाघाहि कालाउ झाराङ द्‍याङगेलाइहेङ धोका पिहि जाइ राक्सेसको चिन्हा ताइको कापाल ह्रुता ताअ्का हिघाहि कालाउ जाइ वाको मुर्तिहेङ पुजा पाका हिघाहि। इदोइ न्हेमिहेङ सिन्हु पाङ गन्धकहोइ ओतेङ हिका ताल भाइका बारका मेता थाइगिल्याङ।

प्रकास 21:8

कालाउ जाइ का ह्रुता खाङधुरि मापाखे, इम्बालाइ गन्धक दोफाङ ओअ्का मेको तालता हानिलि गोइयावा जेदोङ इङको वाको न्हेतेङ सिका दोङ हि। जेदोङ द्‍याङगेलाइ भेनेङ द्‍याङको आगाता कासेहेङ मासुइकारखे, दुस्ट काम पाखे, मारा पाखे, आनाइतिक कासिबिरि पाखे, जादु-तुना पाखे, मुर्तिगेलाइको पुजा पाखे कालाउ धाताइखे, इम्बालाइ झाराङ दोफा बुङ इन्सिकाङ जेनाङ।”

प्रकास 22:15

कालाउ जाइको कामगेलाइ चाहि लेदेर लुका हि, जाइ जादु-तुना पाखे, कासिबिरि पाखे, मारा पाखे, मुर्ति पुजा पाखे, कालाउ जाइ धाताइखे, एबालाइ झाराङ हेलाउ बुङ इङको सहरता दुल्लि मानिनाङ।