फिलिप्पि 3:18 - Dhimal NT

¹⁸ का हेन्जा पोल्ति दोअ्का हिघा, एला बुङ द्‍याङगेलाइको बारेता आरोङ बुङ का नेलाइहेङ खार्कताङ दोअ्खा, कि हेन्जा द्‍याङगेलाइको व्यवभारहोइ तिङपाखे कि इम्बालाइ येसु ख्रिस्ट क्रुस्टता सिकाता बिरोधि हि।

धिमाल

¹⁸ हेन्‍जाङ द्‌याङगेलाइ ताइको आनिबानिहोइ दोङ एम्‍बालाइ ख्रिस्‍टको कुरुसता पाका कामको खिलाप पाखे। का इसिका द्‌याङगेलाइको बारेता घुरिघुरि नेलाइहेङ दोअ्‌तेङ लोका हिघा। कालाउ एला बुङ खारतेङ नेलाइहेङ दोअ्‌दोङखा।

फिलिप्पि 3:18 Cross References

लुका 19:41

जेलाउ येसु यरुसेलेम सहरको भेरपा लोहि, कालाउ वा इङको सहरको द्‍याङगेलाइहेङ तिङतेङ खारहि।

साल्न्हाका चात्या 20:19

कालाउ यहुदिगेलाइ काङको बिरोधता हेन्जा सद्यन्तरगेलाइ पाहि, कालाउ बुङ कस्ट सहितेङ का मोनोइ जेङजेङ मिति ह्यापातेङ प्रभुको सेवा पाघा।

रोमि 9:2

का काङको द्‍याङगेलाइको भाअ्सिङ ओसारापाङ दुखि हिघा, कालाउ काङको ह्रदयता इम्बालाइको भाअ्सिङ जेलाउ बुङ तुका मोहसुस पाखा।

1 कोरिन्थि 1:18

हाइपालिपानु परमेस्वरसो साजाइ निङका द्‍याङगेलाइको भाअ्सिङ क्रुस्टता येसु ख्रिस्टको सिकाको सिक्स्या हाइ दोङ महत्वको माहिखे, कालाउ केलाइ मुक्ति निङकालाइको भाअ्सिङ या परमेस्वरको सरबुङको प्रामान दोङ हि।

1 कोरिन्थि 6:9

दुस्ट द्‍याङगेलाइ परमेस्वरको सासनता दुल्लि मानिनाङ दोअ्का काथा नेलाइहेङ थाहा दोङ हि। हासु बुङ नेलाइहेङ धोका मापियाको, छाडा काम पाका द्‍याङगेलाइ, मुर्ति पुजा पाकालाइ, कासिबिरिगेलाइ, बेजान दोफा बेजान जिम्कालाइ, वाबाल दोफा वाबाल जिम्कालाइ,

2 कोरिन्थि 11:13

हाइपालिपानु इन्सिका द्‍याङगेलाइ जातिङको छाल्न्हाका चात्यागेलाइ माको कालाउ छलिका काम पाकालाइ दोङ, कालाउ ख्रिस्टको छाल्न्हाका चात्यागेलाइको भेस गुअ्तेङ हिगिल्कागेलाइ खिनिङ हि।

2 कोरिन्थि 11:29

जेलाउ हासु बुङ कमजोर हि, कालाउ का बुङ कमजोर महसुस पाखा, जेलाउ हासु बुङ पापता थोङन्हाखे पानु कालाउ का बुङ हेन्जा दुखि जेनाङका।

2 कोरिन्थि 2:4

हाइपालिपानु नेलाइहेङ दुखि बानाइलिको भाअ्सिङ माको, भरु नेलाइ दोफा हिका काङको गेने-गेल्का प्रेम नेलाइ गिसु दोअ्तेङ ह्रदयको हेन्जा तुका कालाउ बेदानाता हेन्जाङ मिति ह्यापाकाताङ का पात्तारा नेलाइहेङ लेखेका हिघाखा।

गलाति 1:7

कालाउ बास्ताबता एनोङ खिनिङ सत्ये सुसमाचार हि, कालाउ हेथे द्‍याङगेलाइ नेलाइहेङ आवाइ तुपातेङ ख्रिस्टको सुसमाचारहेङ परिबतन पालि भोदोङखे।

गलाति 2:14

कालाउ जेलाउ सुसमाचारको सत्ये आन्सार इम्बालाइ मापिताइका का तिङघा, का इम्बालाइ झाराङको आगाता पतरुसहेङ दोअ्घा, “नाअ् यहुदि जेङतेङ बुङ यहुदिगेलाइ भाइपा ब्यभार मापाखेना, कालाउ हाइ पालि गैर-यहुदिगेलाइहेङ यहुदिगेलाइको मुन्धुम मानिलि बाध्ये बानाइसुन्हा?”

गलाति 2:21

परमेस्वर केलाइहेङ ताइको आनुग्रहसो धर्मिको रुपता सुइकार पाहि। का इङको काथा हेलाउ बुङ मानिल्लाङका। हाइपालिपानु जेसापा द्‍याङगेलाइ मोसाको व्यवस्था पालि केम्तेङ धर्मि जेङखे पानुते, ख्रिस्ट सिलि मागोइधाङ।

गलाति 5:21

डाहा, गोरा चि आम्तेङ म्हाका, मोजमाज्जा पाका, कालाउ इन्सिकाङ माएल्का काम पाका। इन्सिका काम पाकालाइ परमेस्वरको सासनको हकवाला जेङलि मानिनाङ दोअ्तेङ का लाम्फा बुङ चेताउनि पिका हिघाखा कालाउ एला बुङ पिदोङखा।

गलाति 6:12

यहुदिगेलाइ नेलाइहेङ सुइकार पाको दोअ्तेङ, इम्बालाइ नेलाइहेङ खाताना पालि कर लागाइखे। इम्बालाइ एसा दोअ्खे, कालाउकि हासु बुङ इम्बालाइहेङ मासाताइयाको, हाइपालिपानु येसु ख्रिस्ट जाइ क्रुसता सिहि वाको ह्रुता खाङधुरि पातेङ खिनिङ परमेस्वर केलाइहेङ बान्चिपालि द्वाङ दोअ्तेङ इम्बालाइ प्राचार पाखे।

गलाति 6:14

कालाउ का चाहि आरु काथाता माको, भरु प्रभु येसु ख्रिस्ट क्रुस्टता सिका काथाता खिनिङ गर्ब पाङका। हाइपालिपानु वाको सिकासो का एला सुमिङको इच्छाको बान्धाइति मान्थुघा कालाउ सुमिङको हिदोइ बुङ सरबुङहोइ काङको ह्रुता सासन पालि माद्वावा।

एफिसि 4:17

ओदोङ भाअ्सिङ प्रभुको पिका खाबारासो का या दोअ्खा, कि परमेस्वरहेङ मानाल्का द्‍याङगेलाइ कोनिङ उदेस्य मान्थुका जिबन माजियाइने।

फिलिप्पि 1:4

कालाउ काङको गोताङ प्रार्थानाता का नेलाइ झाराङको भाअ्सिङ आनान्दसोङ जेलाउ बुङ परमेस्वरको साघाइको भाअ्सिङ बिन्ति पाखा।

1 थेस्लोनिकि 4:6

एन्सा पातेङ हासु बुङ ताइको खान्धुराइ ओनेको बिरुद्दता पाप मापाको। हाइपालिपानु प्रभु येसु इसिका गोताङ काथा पाकालाइहेङ दन्ड प्याङ। जेसा, कि केलाइ लाम्फासोङ नेलाइहेङ चेताउनि पिका हिनाहि।

2 थेस्लोनिकि 3:11

हाइपालिपानु केलाइ हिङनाखे, कि नेलाइ मध्येता हेथेते कुरिया जिबन बितिपातेङ हिसुना। नेलाइ ताइमि चाहि हाइ दोङ काम मापा सुखेना कालाउ बोमिको कामता बेकारता दक्खल पासुखेना।

२ पत्‍रुस 2:10

वा पाक्का दोङ उङको धातुवा सिक्स्यकगेलाइहेङ दन्ड प्याङ, जाइ ताइको दुस्ट, लेदेर लुका इच्छा आन्सार काम पाखे, कालाउ इम्बालाइ ह्रुता परमेस्वरको खाबाराता हिका इन्कार पाखे। इम्बालाइ जिद्दि कालाउ आहङकारि हिखे, इम्बालाइ स्वर्गता हिका महिमित प्रानिगेलाइको बारेता आपामान पालि माथिखे।

यहुदा 1:13

जेसाङ समुन्द्रको बल्लियाका उलाउ-उल्लाउका छाल्कागेलाइहोइ नाका चिहोइ थोसिको फिज भाइका चुमाखे, इङको द्‍याङगेलाइ लेदेर लुका कामगेलाइ पाखे। जेसाङ आधे फुरुगेलाइ दामा आवाइगिल्का हिखे कालाउ इङकोगेलाइता भर परिलि मादोखे, एन्साङ दोङ नेलाइ उङको द्‍याङगेलाइहेङ पिताइलि माएल। ओदोङ भाअ्सिङ जेलाउलाउको भाअ्सिङ कितिकितिकाता परमेस्वर इम्बालाइको भाअ्सिङ ए थामे ताअ्का हि, जेता हिदोइ बुङ थाअ्साइका मान्थुखे।