फिलिप्पि 3:17 - Dhimal NT

¹⁷ खान्धुराइ ओनेगेलाइ, नेलाइ का बान्चेका कोनिङ नेलाइ बुङ बान्चिसु। केलाइ इम्बालाइको भाअ्सिङ रेम्का उधारन जेङका हिनाहि, ओदोङ भाअ्सिङ इदोङ दोङ उधारन आन्सार बान्चिकागेलाइहेङ दोङ नेलाइ पिताइसु।

धिमाल

¹⁷ दादाओने बाइओनेगेलाइ, नेलाइ बुङ केलाइ भाइपाङ जेङसु। केलाइ नेलाइको भाअ्‌सिङ रेम्‍का नामुना जेङका हिन्‍हाहि। कालाइ नेलाइ बुङ इदोङ नामुनाआन्‍सार चलेकालाइहेङ पिताइसु।

फिलिप्पि 3:17 Cross References

रोमि 16:17

खान्धुराइ ओनेगेलाइ, का नेलाइहेङ सेउपाखा, कि नेलाइहेङ धिर्पाका सत्ये सिक्स्याको बिरोध पाका द्‍याङगेलाइसो जाइ खेङपाखे चङख हिसु कालाउ इम्बालाइसो दुरे हिसु।

1 कोरिन्थि 10:32

एसापा दोङ हासुहेङ बुङ पाप पालि लागाइका काम मापासु, चाहे यहुदिगेलाइहेङ माकुनु गैर-यहुदिगेलाइहेङ, चाहे परमेस्वरको मन्डलिगेलाइ ह्याको।

1 कोरिन्थि 11:1

जेसाङ का ख्रिस्टहेङ पिताइखा एन्साङ पातेङ नेलाइ बुङ काङको उधारनहेङ पिताइसु।

1 कोरिन्थि 4:16

ओदोङ भाअ्सिङ नेलाइ बुङ का भाइपाङ जेङसु दोअ्तेङ का बिन्ति पाखा।

फिलिप्पि 4:9

नेलाइ जेदोङ काथागेलाइ कासो कालाउ काङको व्यवभारसो धिरसुन्हा कालाउ ग्रहन पासुन्हा, इङकोहेङ व्यवभारता चुमासु कालाउ सान्तिको परमेस्वर नेलाइ दोफा ह्यावा।

1 थेस्लोनिकि 1:6

कालाउ नेलाइ, केलाइ भाइपा कालाउ प्रभु भाइपा रेम्का ब्याभार पासुन्हा। नेलाइ हेन्जा दुख निङतेङ बुङ आनान्दहोइ बचन ग्रहन पासुन्हा, इङको आनान्द पबित्तरो आत्मा पिका हि।

2 थेस्लोनिकि 3:14

इदोङ पात्ताराता केलाइको दोअ्का सन्‍देस जेसापा हासु बुङ किलि माकिखे पानु उङको द्‍याङहेङ झाराङ नाल्तेङ ताअ्सु, कालाउ वा दोफा हाइ दोङ सङगत मापासु, कालाउ उङको ताइमिङ लेदेरयावा।

2 थेस्लोनिकि 3:7

हाइपालिपानु, नेलाइ दोङ हेसा केलाइको भाइपाङ जियाइलि गोइखे इङको गोताङ नेलाइ ताइमिङ गिसुखेना, हाइपालिपानु जेलाउ केलाइ नेलाइ दोफा हिलाउ कुरिया मान्थु घानाहि भरु काम पातेङ हिन्हाहि।

2 थेस्लोनिकि 3:9

साघाइ निङलि केलाइको होक मानिङका दोअ्तेङ माको, कालाउ केलाइ नेलाइको भाअ्सिङ नामुना जेनाइने दोअ्तेङ केलाइ थाङका परिस्रोम पान्हाहि।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

हिब्रु 13:7

ताइको आगुवागेलाइको फोम ताअ्सु, जाइ परमेस्वरको बचन नेलाइहेङ हिङपाहि, हेसा इम्बालाइ ताइको जिबन जियाइहि कालाउ सिका थेकापाङ खाङधुरि योग्य हितेङ हि, एन्साङ दोङ केलाइ बुङ इम्बालाइ भाइपाङ परमेस्वरता खाङधुरि पाइने।

1पतरुस 5:3

कालाउ ताइको द्‍याङगेलाइ ह्रुता हुकुम चालाइका सासक भाइका नेलाइको जिम्माता पिका द्‍याङगेलाइ ह्रुता हुकुम माचालाइसु। भरु इम्बालाइको भाअ्सिङ उधारन जेङसु।