फिलिप्पि 3:13 - Dhimal NT

¹³ खान्धुराइ ओनेगेलाइ, का इङको गोताङ निङलि दोहोइका दोअ्तेङ का माथानिखा, कालाउ का एनोङ काम पाखा, कालाउकि लाम्फाको काथागेलाइ जेदोङ जेङका हिघाहि इङको निल्तेङ भबिस्यता हाइ जेनाङ इङको को भाअ्सिङ लागातार काडा परिस्रोम पादोङखा,

धिमाल

¹³ दादाओने बाइओनेगेलाइ, का इदोइ गोताङ थोक लाम्‍फा दोङ पोङघा पाहोइका दोअ्‌तेङ मादोअ्‌ताङका। कालाउ का दोका काथागेलाइ निलतेङ लाङ काथागेलाइ निङलि चेस्‍ता पाङका।

फिलिप्पि 3:13 Cross References

लुका 10:42

कालाउ एनोङ काथा चाहि महत्व पुर्न हि, जेदोङ मरियम साल्का हि, इङको वाकोसो बुङ माघिनावा।

लुका 9:62

येसु दोअ्हि, जेसापा हिदोइ बुङ द्‍याङ हालेता खुर चातेङ लेसारा भारि खाङनु, उङको परमेस्वरको सासनता योग्यको माजेनाङ।

2 कोरिन्थि 5:16

ओदोङ भाअ्सिङ एलासो हासुहेङ बुङ द्‍याङको नजरसो माखानाङ, केलाइ बुङ लाम्फा ख्रिस्टहेङ द्‍याङको नजरहोइ खाङका हिघान्हाहि, कालाउ एलासो उसो वासेहेङ इन्सिका माखानाङ।

फिलिप्पि 2:12

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

फिलिप्पि 3:12

का इदोइ गोताङ लाम्फासोङ निङलि दोहोइका माकुनु लाम्फासो सिद्द जेङलि दोहोइका दोअ्तेङ ते माको, कालाउ इङको काथागेलाइहेङ निङलिको भाअ्सिङ का कोसिस दोफा आगा बाढेतेङ हिघा जेदोङ काथाको भाअ्सिङ येसु ख्रिस्ट कासेहेङ साल्का हि।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

हिब्रु 6:1

ओदोङ भाअ्सिङ एला केलाइ ख्रिस्टको बारेता धिरका प्रार्थामिक सिक्स्याहेङ खिनिङ मानितेङ खाङधुरिता परिपक्का बानाइका सिक्स्या भारि लागियाइने, प्रार्थामिक सिक्स्याहेङ एनोङ बार्का जग भाइपा माकिताइने, हाइपालिपानु इङको सिक्स्या ते परमेस्वरता खाङधुरि पाका कालाउ पापमय कामसो पासताइ पापाका को बारेता खिनिङ हि, जाइहोइ सिका भारि चुम्पुखे।

२ पत्‍रुस 3:8

कालाउ काङको आनाउ सानाइतिगेलाइ, बास्ताबता या एनोङ काथा मानिल्सु, परमेस्वरको भाअ्सिङ एनि हाजार बासार भाइकाङ कालाउ हाजार बासार ए दिना भाइकाङ हिखे। वासेहेङ एनि कालाउ ए हाजार बासार गोताङ एनोङ दोङ सामान हिखे।