फिलिप्पि 3:12 - Dhimal NT

¹² का इदोइ गोताङ लाम्फासोङ निङलि दोहोइका माकुनु लाम्फासो सिद्द जेङलि दोहोइका दोअ्तेङ ते माको, कालाउ इङको काथागेलाइहेङ निङलिको भाअ्सिङ का कोसिस दोफा आगा बाढेतेङ हिघा जेदोङ काथाको भाअ्सिङ येसु ख्रिस्ट कासेहेङ साल्का हि।

धिमाल

¹² का धेयता लाम्‍फादोङ थुकातेङ पुरा जेङहोइका दोअ्‌तेङ दोअ्‌का माको। कालाउ का ख्रिस्‍ट इसु भाइपाङ जेङलि हेन्‍जाङ चेस्‍ता पादोङखा। हाइदोनु वा इदोङ कामको भाअ्‌सिङ दोङ कासेहेङ साल्‍हि।

फिलिप्पि 3:12 Cross References

मत्‍ति 5:48

ओदोङ भाअ्सिङ जेलाउ बुङ नेलाइ आसल पासु, जेसाङ स्वर्गता हिका नेलाइको आबा परमेस्वर बुङ आसल पाखे।

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

रोमि 8:39

ना ते आकासको झाउकाहोइ, ना ते समुन्द्रको वाङखाराकाहोइ, ना ते गोताङ सिरजाइकाता हिका काथागेलाइहोइ केलाइहेङ परमेस्वरको प्रेमसो खेङलि द्वावा, हाइपालिपानु परमेस्वर केलाइहेङ प्रभु येसु ख्रिस्ट पाहासो प्रेम पाका हि।

1 कोरिन्थि 13:12

केलाइ खाङधुरि पाकालाइ दोफा बुङ इन्सिकाङ जेनाङ, हाइपालिपानु केलाइ नाका आइनाता ताइको ह्राइ खाङका द्‍याङ भाइपा हिनाहि, हाइपालिपानु केलाइ आझाइ गोताङ काथा रेम्फासो मागिनाखे। भबिस्यता खिनिङ गोताङ काथा ग्याङ, हाइपालिपानु केलाइ परमेस्वरहेङ आगा-आगाताङ भेतियाङ। एला काङको ग्यान पुरा मान्थु भबिस्यता खिनिङ का पुर्न रुपता वासेहेङ नालाङका, जेसाङ परमेस्वर कासेहेङ नालावा।

1 कोरिन्थि 9:24

नेलाइहेङ थाहा दोङ हि कि, धाअ्काता झाराङ धाअ्खे, कालाउ लाङ पुरुस्कार निङका चाहि एमि खिनिङ द्‍याङ हिखे। एसा पासोङ केलाइ झाराङ परमेस्वरहेङ लेङचापाका काम पालि गोइखे, कालाउकि केलाइ इनाम निङलि द्वाको जेदोङ परमेस्वर केलाइहेङ भबिस्यता प्याङ।

2 कोरिन्थि 13:9

हाइपालिपानु केलाइ हुइलाउ कालाउ नेलाइ खाङधुरिता बल्लियाका हिलाउ केलाइ आनान्दित जेङन्हाखे। केलाइ प्रार्थाना पानाखे कि नेलाइ खाङधुरिता बाढेकाताङ हानेसु कालाउ सिद्द जेङतेङ हानिसु।

2 कोरिन्थि 7:1

ओदोङ भाअ्सिङ ओइ आनाउ सानाइतिगेलाइ, केलाइ दोफा इदोइ प्रतिग्यागेलाइ हिनाङ केलाइको जिउ कालाउ आत्माहेङ आसुद्द पाका गोताङ खाल्को मारेम्का कामगेलाइ पालि लाअ्सु, कालाउ परमेस्वरको आदार पातेङ केलाइ गोताङ रुपता पबित्तरो जिबन बितिपाका कोसिस पालि गोइखे।

गलाति 5:17

हाइपालिपानु केलाइको जिउको पापमय स्वभाबको लान्छाहोइ पबित्तरो आत्माको बिरोध पाखे, एन्साङ दोङ पबित्तरो आत्मा चाहि केलाइको जिउको पापमय स्वभाबको लान्छाको बिरोध पाखे। हाइपालिपानु इङको न्हेमि दोङ एमिसो भेनेङको सतुरु दोङ हि, ओदोङ भाअ्सिङ जेदोङ आसल काम नेलाइ पालि भोसुखेना इङको काम पालि मादोसुखेना।

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

एफिसि 4:12

ख्रिस्ट द्‍याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 3:16

ओदोङ भाअ्सिङ परमेस्वर केलाइहेङ तिङपाका सत्ये आन्सार जिबन जियाइलि गोइखे।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

1 थेस्लोनिकि 5:15

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

1तिमोथि 5:10

गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

1तिमोथि 6:19

एसा पातेङ इम्बालाइ स्वर्गता ताइको भबिस्यको भाअ्सिङ रेम्का कामगेलाइ खाजाना भाइपा जोम्पावा, जेदोङ इम्बालाइको भाअ्सिङ भबिस्यता बल्लियाका जोग भाइका जेनावा, कालाउकि इम्बालाइ पाक्का ह्याको इम्बालाइ जेलाउ बुङ सत्ये जिबन निनावा।

हिब्रु 12:14

झाराङ द्‍याङगेलाइ दोफा सान्तिता हिलि कालाउ पबित्तरो जिबन जियाइतेङ हिका कोसिस पासु, पबित्तरो बिना हिदोइ बुङ द्‍याङगेलाइ प्रभुहेङ तिङलि माद्वावा।

हिब्रु 12:23

नेलाइ परमेस्वरको जेठा चानगेलाइको मन्डलिता लोका हिसुना, जाइको मिङ स्वर्गता लेखेका हि, स्वर्गता हिका इम्बालाइ धर्मि जनको आत्मा दोङ हि, जाइहेङ एला सिद्द बानाइका हि। नेलाइ ताइमिङ परमेस्वरकोता लोका हिसुन्हा, जाइ झाराङ द्‍याङगेलाइको न्याय कर्ता हि।

याकुब 3:2

केलाइ झाराङ हेन्जा काम बिगिर पानाखे, कालाउ जेदोङ द्‍याङ ताइमिङ दोअ्का काथाता गल्ति मापाखे, वा ताइमिङहेङ पुर्न रुपहोइ काबुता ताअ्लि दोखे कालाउ उङको द्‍याङ सिद्द जेङखे।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।