फिलिप्पि 3:11 - Dhimal NT

¹¹ कालाउकि का बुङ सिकालाइसो आरोङ सिन्चाल्लि द्वाको।

धिमाल

¹¹ कालाउ जेसालाउ बुङ का ख्रिस्‍ट भाइपाङ सिकासो आरोङ सिन्‍हुलि द्‍वाको दोअ्‌तेङ आस पाखा।

फिलिप्पि 3:11 Cross References

लुका 14:14

कालाउ न्हुसो नाअ् धन्यको जेनाना, हाइपालिपानु खिल्का तिरिलि इम्बालाइ दोफा हाइ दोङ मान्थुवावा। जेलाउ धर्मि द्‍याङ स्यावा कालाउ सिकासो सिन्हुतावा, एन्सालाउ परमेस्वर वासेहेङ इनाम प्यावा।

युहन्‍ना 11:24

मार्था येसुहेङ दोअ्हि, “का गिखा, लाजरस इङको न्यायको दिनाता जेलाउ झाराङ सिकासो सिन्हुतेङ ल्होकाङ कालाउ वा बुङ आरोङ सिन्हुताङ।”

साल्न्हाका चात्या 23:6

कालाउ माहासभाता आधिमि सदुकिगेलाइ कालाउ आधिमि फारिसिगेलाइ बुङ हि दोअ्का थाहा निङतेङ पावल बारका गालाहोइ दोअ्हि, “काङको ओनेगेलाइ, का फारिसि दोङ हिघा कालाउ काङको पुर्खागेलाइ बुङ फरिसिदोङ हिघाहि। का इता मुद्दाता हिघा हाइपालिपानु का आस पाखा, कि परमेस्वर सिका द्‍याङगेलाइहेङ आरोङ सिन्चालपाङ।”

साल्न्हाका चात्या 26:7

इदोइ प्रतिग्या निङलिको आसता केलाइको तेन्हे कुलगेलाइ लागातार न्हिसिन-नितिम परमेस्वरको आराधाना पाखे। ओइ राजा, का बुङ परमेस्वरको प्रतिग्या पाका काथा पुरा पाङ दोअ्का ओदोङ आस ताअ्नाङ उङको यहुदिगेलाइ कासेहेङ दुसिका हि।

साल्न्हाका चात्या 27:12

कालाउ सुन्दर बन्दरगाहाता चुङ दिनागेलाइ बितिपालि भाअ्सिङ रेम्का थामे मान्थुघाहि। ओदोङ भाअ्सिङ हेन्जा जोसो द्‍याङगेलाइ हेसा पालाउ बुङ इन्तासो फोनिक्स बन्दरगाहाता हानितेङ चुङ दिना बितिपालि साल्लाहा पिहि। फोनिक्स चाहि क्रेट टापुको काम्भेता परिका बन्दरगाहा हि, जेदोङ माहे, दिहे कालाउ दाहे, दिहे भारि घुरेका हि। कालाउ इङको थामे चुङ दिना बितिपालि रेम्का हिघाहि।

रोमि 11:14

का आस पाखा, कि काङको ताइकोङ यहुदि द्‍याङगेलाइहेङ डाहि बानाइलि द्वाको, कालाउ इम्बालाइ मध्ये आधिमिहेङ बान्चिपालि द्वाको।

1 कोरिन्थि 15:23

कालाउ झाराङ ता-ताइको पाला आन्सार सिन्चाल्याङ: येसु ख्रिस्ट चाहि सिकासो झाराङ खान्तेङ लाङ सिन्चाल्हि, कालाउ न्हुसो आरोङ ख्रिस्ट लोलाउ वाकोता खाङधुरि पाकालाइ सिकासो आरोङ सिन्चाल्याङ।

1 कोरिन्थि 9:22

खाङधुरिता हुइकालाइको माझाता काम पालाउ इम्बालाइ खाङधुरिता आझाइ बाराकाताङ हानाको दोअ्तेङ का बुङ खाङधुरिता हुइकालाइ भाइका जेङघा। कालाउ का एसापा गोताङ द्‍याङको माझाता झाराङ ख्रिस्टता उद्दार निनाको दोअ्तेङ झाराङको भाअ्सिङ का गोताङ थोक जेङघा।

1 कोरिन्थि 9:27

का ताइको जिउहेङ काबुता ताअ्खा, कालाउकि का ताइको इच्छाहेङ काबुता ताअ्लि द्वाको, माकुनुते आरुहेङ सुसमाचार प्राचार पालाउ का ताइमिङ चाहि हाइ दोङ इनाम मानिनाङका।

2 कोरिन्थि 11:3

कालाउ जेसाङ साइतान पुय्याँको रुपता ताइको चातुराइको काथासो लाङ बेबाल हब्बाहेङ धाताइहि, एन्साङ दोङ ख्रिस्ट दोफा नेलाइको धाताइका मान्थुका कालाउ ख्रिस्टको सेवासो नेलाइको बिचारगेलाइ आवाइ तुगिल्स्वाना कि दोअ्तेङ का थितेङ हिघा।

1 थेस्लोनिकि 3:5

ओदोङ भाअ्सिङ का आझाइ सहिलि मादोअ्नाङ कि नेलाइ हाइ पातेङ हिसुना दोअ्तेङ थाहा निङलि का तिमोथिहेङ नेलाइकोता दिङगिल्घा। हाइपालिपानु हिसो बुङ साइतान नेलाइहेङ परिक्स्याता पाहि, कि कालाउ केलाइको परिस्रोम ब्यर्थ जेनाङबे दोअ्तेङ का थिका हिघाखा।

2 थेस्लोनिकि 2:3

हासु बुङ नेलाइहेङ प्रभु येसु लोका बिसोइता माझुकिपाको। हाइपालिपानु जेलाउ थेकापा प्रभु येसु माल्वाङ एन्सालाउ इसिका सोमोइ ल्वाङ जेलाउ हेन्जाङ द्‍याङगेलाइ परमेस्वरको बिरोधता हानावा। कालाउ इङको दुस्ट द्‍याङ तिनाङ जाइहेङ परमेस्वर नरकता मानासापा धाउ इङको दिना माल्वाङ।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

हिब्रु 11:35

आधिमि बेबालाइ ताइको सिकागेलाइहेङ आरोङ सिन्चाल्का पाहासो सिन्हुका निङहि, हेथेते द्‍याङगेलाइ दानाइ निन्चाकाताङ-निन्चाकाताङ सितेङ हानिहि, कालाउ बुङ इम्बालाइ ताइको खाङधुरि लाअ्लि माभोहि, कालाउकि इम्बालाइ सितेङ न्हुसो आरोङ आझाइ रेम्का जिबन निङलि द्वाको।

प्रकास 20:5

इदोइ द्‍याङगेलाइ लाङगेलाइ हि जाइ आरोङ सिन्चालका हि कालाउ इम्बालाइ धन्य हि कालाउ पबित्तरो हि। ओबालाइ ह्रुता न्हेतेङ सिकाको हिदोइ बुङ खाबारा मान्थु। इम्बालाइ बुङ परमेस्वर कालाउ ख्रिस्टको भाअ्सिङ पुजारि भाइपा जेनावा कालाउ इम्बालाइ दोफा ए-हाजार बासार थेकापा सासन पावा। ए-हाजार बासार दोका थेकापा, हासु बुङ आरोङ मासिन्चाल्याङ।