फिलिप्पि 3:10 - Dhimal NT

¹⁰ का ख्रिस्टहेङ खिनिङ माको कालाउ परमेस्वर जाइ वासेहेङ सिकासो सिन्चाल पाहि वाको सरबुङहेङ गिलि भोखा। का येसुको कस्टको भागेदार जेङलि भोखा कालाउ वाको सिकाता वाको भाइपाङ भाइलि खाङखा।

धिमाल

¹⁰ का ख्रिस्‍टहेङ नाल्‍लि रो वासेहेङ सिकासो आरोङ सिन्‍हुपाका सरबङहेङ गिलि भोखा। कालाउ वा तु: पिर भोगिका भाइपाङ का बुङ तु: पिर भोगितेङ वाको सिकाता वा भाइपाङ जेङलि भोखा।

फिलिप्पि 3:10 Cross References

मत्‍ति 20:23

इम्बालाइ जोबाफ पिहि, एइ केलाइ पालि द्वाङ। कालाउ येसु इम्बालाइहेङ दोअ्हि, नेलाइ बुङ दुख ल्होपास्वाना जेसाङ का दुख ल्होपाङका नेलाइ सेअ्न्हास्वाना जेसाङ का बुङ सेअ्न्हाङका। कालाउ कासेहेङ इदोइ काम पालि खाबारा मान्थु, कि हासु काङको दाम्पाहा कालाउ केपाहा कालाउ हासु इङको सम्मानको थामे निनावा। परमेस्वर ताइमिङ इङको थामेगेलाइ तियार पाका हि। जाइहेङ वा दोङ छाल्का हि वासेहेङ प्यावा।

युहन्‍ना 10:18

हासु बुङ काङकोसो काङको जिबन ह्रुलि मादाङ, कालाउ का ताइको इच्छासो सियाङका। कालाउ काङको ताइको जिबन पिलि खाबारा का दोफाङ हि, कालाउ आरोङ ह्रुलि खाबारा बुङ का दोफाङ हि, हाइपालिपानु इङको ओदोङ आग्या हि जेदोङ का काङको आबासो निङका हिघा।”

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

रोमि 8:29

हाइपालिपानु जाइ-जाइहेङ परमेस्वर लाम्फासोङ चुनिका हि, वा इम्बालाइहेङ ताइको चान भाइपा जेङलि लाम्फासोङ चुनिहि, कालाउकि वाको चान गोताङ ओनेगेलाइ खान्तेङ जेठा ज्याको।

रोमि 8:36

जेसाङ धर्मसास्तरता इसिका लेखेका हि, “नाङको भाअ्सिङ केलाइ लिपाङ सिनाखे, कालाउ केलाइ पाल्लि चुम्पुका भेडा भाइकाङ गान्धिन्हाका हिनाहि।”

2 कोरिन्थि 1:10

वा दोङ केलाइहेङ सिकासो थिलि गोइका जोखिमसो लाअ्पाहि, कालाउ वा दोङ केलाइहेङ बान्चिपाङ, हाइपालिपानु वाको ह्रुता दोङ केलाइ केलाइको भोरोसा ताअ्का हिनाहि, कि वा केलाइहेङ आरोङ बुङ बान्चिपाङ।

2 कोरिन्थि 1:5

हाइपालिपानु जेसाङ ख्रिस्ट कस्ट भोगिहि एसा पासोङ केलाइ बुङ कस्ट भोगिलि गोइखे, कालाउ परमेस्वर ख्रिस्ट पाहासो केलाइहेङ सान्तावाना प्याङ।

2 कोरिन्थि 13:4

हाइपालिपानु कमजोरिता वा क्रुस्टा तोइन्हाहि, कालाउ परमेस्वरको सरबुङता वा आरोङ सिन्हु पाङ हि। एसा पासोङ केलाइ ख्रिस्ट कोमजोर जेङनाङ कोनिङ केलाइ बुङ कोमजोर हिनाहि, कालाउ नेलाइ दोफाको केलाइको ब्यभारता परमेस्वरको सरबुङ पाहासो केलाइ वाको दोफा सिन्हुतेङ ह्याङ।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

गलाति 6:17

एला इता हासु बुङ कासेहेङ हेन्जा कस्ट माप्याको, हाइपालिपानु येसुको छाल्का चात्या जेङका तिङपालि चोतको दागिगेलाइ का काङको जिउता फुका हिघा।

एफिसि 4:13

केलाइ ताइको खाङधुरि पाहासो कालाउ परमेस्वरको चानको बारेता केलाइको फोम पाका पाहासो ए माजेङपा थेकापा इदोइ हितेङ ह्याङ। कालाउ केलाइ परिपक्क जेनाङ, कालाउ केलाइ वाको भाइपाङ जेनाङ, जेसाङ ख्रिस्ट हि।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

कलस्सि 1:24

हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्‍याङगेलाइहेङ साघाइलि द्वाको जेदोङ वाको जिउ मन्डलि दोङ हि।

कलस्सि 2:13

नेलाइ खाङधुरि पाका खान्तेङ लाम्फा आत्माता सिका हिघासुन्हा, हाइपालिपानु नेलाइ ताइको आपाराध कालाउ ताइको पापमय स्वभाबसो स्वतन्तरो जेङका मान्थु घासुन्हा, कालाउ परमेस्वर केलाइको गोताङ आपाराध स्यामा पापिहि कालाउ ख्रिस्ट दोफाङ सिन्हु पाहि।

कलस्सि 3:1

जेसाङ परमेस्वर ख्रिस्टहेङ सिकासो सिन्चाल पाहि, कालाउ केलाइ दोअ्लि द्वाङ कि नेलाइहेङ बुङ परमेस्वर सिकासो सिन्चाल पावा। ओदोङ भाअ्सिङ स्वर्गता हिका काथाको इच्छा पासु, जेता ख्रिस्ट परमेस्वरको भेरपा झाराङ खान्तेङ साम्मानित थामेता योम्का हि।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

२ पत्‍रुस 1:13

कासेहेङ थाहा हि कि का मासिपा धाउ नेलाइ दोफा प्राय इङको काथागेलाइको बारेता दोअ्तेङ हिलि उचित हि, कालाउकि नेलाइ इङको काथागेलाइ मानिल्सु।

१ युहन्‍ना 2:3

जेसापा केलाइ परमेस्वरको आग्यागेलाइ केम्न्हाहि पानु एसा पासोङ केलाइ थाहा गिलि द्वाङ, कि केलाइ वासेहेङ नाल्नाखे।

१ युहन्‍ना 2:5

कालाउ जाइ परमेस्वरको बचन केम्खे, वाकोता परमेस्वरको प्रेम जातिङकोङ सिद्द जेङका हिखे। केलाइ परमेस्वर दोफा ए जेङतेङ हिनाहि दोअ्का काथा इदोइसोङ निस्चित जेङन्हाखे।

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।