फिलिप्पि 2:9 - Dhimal NT

⁹ ओदोङ भाअ्सिङ परमेस्वर वासेहेङ हेन्जा बारका पदता ताअ्हि, कालाउ वासेहेङ इङको मिङ पिहि, जेदोङ गोताङ मिङ खान्तेङ बारका हि।

धिमाल

⁹ इङकोखातिर परमेस्‍वर वासेहेङ झाराङखान्‍तेङ र्‍हुता मान पाका थामेता तोल्‍हेहि। कालाउ झाराङखान्‍तेङ बाराका मिङ पिहि। जेदोङ मिङ भाइका भेनेङ मिङ मान्‍थु।

फिलिप्पि 2:9 Cross References

मत्‍ति 11:27

काङको आबा कासेहेङ गोताङ काथाको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

लुका 10:22

काङको आबा कासेहेङ गोताङ आनेमानेको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

युहन्‍ना 13:3

आबा परमेस्वर कासेहेङ गोताङ आनेमाने ह्रुता खाबारा पिका हि दोअ्का काथा येसुहेङ थाहा हिघाहि, कालाउ परमेस्वरसो लोतेङ परमेस्वरकोताङ घुरिदोङखा दोअ्का काथा बुङ येसुहेङ थाहा हिघाहि।

युहन्‍ना 17:11

एला का इदोइ सुमिङता माह्याङका, कालाउ का नाङकोता लोदोङखा कालाउ काङको चात्यागेलाइ एला बुङ इदोइ सुमिङता हि। हे पबित्तरो आबा नाअ् दोङ कासेहेङ पिका द्‍याङगेलाइहेङ ताइको सरबुङहोइ इम्बालाइहेङ जोगाइतेङ ताअ् कालाउ इम्बालाइ बुङ केलाइ भाइपाङ एनोङ दोङ ज्याको।

युहन्‍ना 17:12

जेलाउ थेकापा का इम्बालाइ दोफा हिघाखा, हे पबित्तरो आबा नाअ् दोङ कासेहेङ पिका ताइको सरबुङहोइ का इम्बालाइहेङ जोगाइतेङ ताअ्घा। कालाउ का इम्बालाइहेङ सामाराइतेङ ताअ्घा। कालाउ नास हिका द्‍याङगेलाइ बाहेक का हासुहेङ बुङ नासालि मापिघा। कालाउकि धर्मसास्तरता लेखेका काथा पुरा ज्याको।

युहन्‍ना 17:5

एला हे आबा, नाअ् दोङ लोकाता काङको महिमा पि, जेदोङ महिमा सुमिङ सिर्जाइनालि खान्तेङ लाम्फाङ नाङको दोफा हिलाउ का दोफा हिघाना।

साल्न्हाका चात्या 5:31

येसुहेङ परमेस्वर प्रभु कालाउ मुक्ति दाता बानाइतेङ, ताइको दाम पाहा खुरहोइ तोल्लेहि। कालाउकि इस्राएलको द्‍याङगेलाइ ताइको मारेम्का बिचारगेलाइसो परमेस्वर भारि घुरियाको कालाउ वाकोसो ताइको पापसो स्यामा निनाको।

एफिसि 1:10

योजाना चाहि या हि: ठिक सोमोइता परमेस्वर स्वर्ग कालाउ प्रिथिबिता हिका गोताङ आनेमानेगेलाइ ख्रिस्टको खाबाराता चुमावा।

कलस्सि 1:18

येसु ख्रिस्ट मन्डलिको आगुवाइ पाखे जेसाङ द्‍याङको पुरिङहोइ ताइको जिउ काबुता पाखे। कालाउ वाआङ लाम्फाङ हिघाहि जाइ सिकासो सिन्चाल्का मध्ये जेठा हिघाहि, कालाउकि वाआङ दोङ गोताङ काथा ह्रुता सर्बच्चा ह्याको।

2 थेस्लोनिकि 1:12

केलाइ प्रार्थाना पानाखे, कालाउकि द्‍याङगेलाइ नेलाइको कारन केलाइको प्रभु येसुको मिङको बाखानाइ पाको कालाउ नेलाइ साम्मान निङस्वाना, हाइपालिपानु नेलाइ वाको दोङ हिसुन्हा। इसिका जेनाङ हाइपालिपानु नेलाइ आबा परमेस्वर कालाउ प्रभु येसु ख्रिस्टसो हेन्जाङ आनुग्रहकारि हि।

हिब्रु 1:4

ओदोङ भाअ्सिङ परमेस्वर चानहेङ स्वर्गदुतगेलाइ खान्तेङ बुङ झाउका उत्तम मिङ पिहि, एसापा इदोइ पाहासो केलाइ थाहा निङलि द्वाङ कि, चान स्वर्गदुतगेलाइ खान्तेङ माहान हि।

हिब्रु 1:9

ठिक काथा नाअ् मन्दा ताखेना कालाउ मारेम्का काथाहेङ नाअ् सिकाखेना, “ओदोङ भाअ्सिङ का नेलाइको परमेस्वर नेलाइहेङ नेलाइ सानाइतिगेलाइ मध्येसो इस्तु साम्मान कालाउ आनान्द पिका हिघा कालाउ नेलाइहेङ साल्का हिघा।”

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

हिब्रु 2:9

कालाउ सत्ये इदोइ दोङ हि कि, आले सोमोइको भाअ्सिङ येसु ख्रिस्ट स्वर्गदुतगेलाइ खान्तेङ आतुइसा म्हुइका जेङपिहि, कालाउ परमेस्वरको आनुग्रहहोइ येसु सुमिङको गोताङ द्‍याङगेलाइको भाअ्सिङ कस्ट भोगिहि कालाउ सिहि। ओदोङ भाअ्सिङ परमेस्वर वासेहेङ महिमा कालाउ आदार पिहि।

1पतरुस 3:22

कालाउ वा स्वर्गता हानिका हि। वा एला परमेस्वरको दाम्पाहा खुर भारि झाराङ खान्तेङ महत्वय पुर्न थामेता हि, कालाउ वा स्वर्गदुतगेलाइ कालाउ गोताङ आधिकारिगेलाइ कालाउ सरबुङगेलाइ ह्रुता सासन चालाइखे।

२ पत्‍रुस 1:17

केलाइ वाको दोफा पबित्तरो लाखता हिघान्हाहि, जेलाउ परमेस्वर आबा वासेहेङ साम्मान पाहि कालाउ परमेस्वरको जोल्काहोइ वासेहेङ खोराइका हिघाहि। जेलाउ केलाइ इन्ता हिघान्हाहि केलाइ सर्बोच्च महिमा, परमेस्वर स्वर्गसो एसा दोअ्काताङ पाका गाला हिङन्हाहि, “या काङको ताइकोङ मायारु चान हि, जाइहेङ का प्रेम पाखा। वाको दोफा का ओसारापाङ लेङचाखा।

३ युहन्‍ना 1:7

हाइपालिपानु परमेस्वरहेङ खाङधुरि मापाकालाइसो हाइ दोङ साघाइ माचुमासिङ उङको द्‍याङगेलाइ येसु ख्रिस्टको बचन प्राचार पालिको भाअ्सिङ भेनेङ-भेनेङ थामेगेलाइता पाक पातेङ हि।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 19:16

वाको लोखोन धाबा कालाउ दाम्पाहा फिला ह्रुता एनोङ मिङ लेखेका हिघाहि, थुमा “प्रभुगेलाइको प्रभु” कालाउ राजागेलाइको राजा हि।

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 5:12

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”