फिलिप्पि 2:7 - Dhimal NT

⁷ कालाउ वा दोङ गोताङ आमेने लाअ्हि, कालाउ बान्धाइति स्वभाव भाङघाइहि, कालाउ वा द्‍याङ जेङतेङ जोलोमहि।

धिमाल

⁷ भुरुङ वा गोताङ थोक लाअ्‌हि रो बान्‍धाइ भाइपाङ जेङहि। कालाउ वा केलाइभाइपाङ द्‌याङ जेङतेङ जोन्‍मेहि।

फिलिप्पि 2:7 Cross References

मत्‍ति 12:18

काङको बान्धाइति का वासेहेङ छाल्का हिघा: काङको मायारु चान का वाकोसो हाउसाइघा, का काङको आत्मा वाकोता ताअ्पियाङका, कालाउ वा गोताङ गैर-यहुदिगेलाइहेङ न्यायको प्राचार पाङ।

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

मर्कुस 9:12

येसु दोअ्हि, “जातिङ भारि का नेलाइहेङ दोअ्खा या सत्ये हि कि परमेस्वर एलियाहेङ दिङगिल्लाङका दोअ्तेङ केरा चाका हिघाहि, कि वा गोताङ काथा ठिक पालिको भाअ्सिङ लाम्फा ल्वाङ। कालाउ एलिया लाम्फा दोङ लोलि दोका हि, कालाउ केलाइको आगुवागेलाइ वाको दोफा मेनाङ मारेम्का ब्यभार पाहि। जेलाउ वा पालि भोघाखे, जेसाङ कि परमेस्वरको बक्ता हेन्जाङ लाम्फा दोङ दोअ्का हिघाहि कि वा पावा। कालाउ का द्‍याङको चान, काङको बारेता धर्मसास्तरता हेन्जाङ काथा इसिका लेखेका हि, बचन दोङ दोअ्खे कि का हेन्जा दुख भोगिलि गोयाङ कालाउ द्‍याङगेलाइ कासेहेङ माकिताङ।”

लुका 22:27

हाइपालिपानु चालि योम्का गिह्रि कालाउ चालि पिका चाकारियाता गिह्रि बार्का हि। कालाउ का ते नेलाइको माझाता चाकारिया भाइकाङ जेङका हिघा।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

रोमि 1:3

इदोइ सुसमाचार परमेस्वरको चान, केलाइको प्रभु येसु ख्रिस्टको बिसोइता हि। वा द्‍याङ जेङतेङ राजा दाउदको हारागुटियाता जोलोमहि।

रोमि 15:3

हाइपालिपानु ख्रिस्ट बुङ ताइमिहेङ खुसि माअ्ताहि। जेसाङ धर्मसास्तरता लेखेका हि, “नासेहेङ आपामान पाकालाइ काङको बुङ आपामान पाका हि।”

रोमि 15:8

हाइपालिपानु का नेलाइहेङ दोअ्खा, केलाइको पुर्खागेलाइहेङ पिका प्रतिग्यागेलाइ पुरा पालि कालाउ परमेस्वर खाङधुरि योग्य हि दोअ्का तिङपालि ख्रिस्ट यहुदिगेलाइको सेवक जेङहि।

रोमि 8:3

हाइपालिपानु केलाइको पापमय स्वभाबको कारनहोइ जेदोङ काम मोसाको व्यवस्था बुङ पालि मादोहि, इङको ताइमिङ परमेस्वर दोङ पाहि। वा ताइको चानहेङ केलाइकोङ पापमय जिउको स्वरुपता भाइकाङ केलाइको पापको भाअ्सिङ भोग भाइपाङ दिङगिल्हि। कालाउ एसापा परमेस्वर ताइको चानको जिउपाहासो पापको सरबुङ नासा पाहि।

2 कोरिन्थि 13:4

हाइपालिपानु कमजोरिता वा क्रुस्टा तोइन्हाहि, कालाउ परमेस्वरको सरबुङता वा आरोङ सिन्हु पाङ हि। एसा पासोङ केलाइ ख्रिस्ट कोमजोर जेङनाङ कोनिङ केलाइ बुङ कोमजोर हिनाहि, कालाउ नेलाइ दोफाको केलाइको ब्यभारता परमेस्वरको सरबुङ पाहासो केलाइ वाको दोफा सिन्हुतेङ ह्याङ।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

गलाति 4:4

कालाउ जेलाउ ठिक सोमोइ लोहि, परमेस्वर ताइको चानहेङ इदोइ सुमिङता दिङगिल्हि, कालाउ वाको जोलोम एमि बेजानसो जेङहि। कालाउ वा यहुदि जेङतेङ जोलोमहि, कालाउ मोसाको व्यवस्था केम्हि।

फिलिप्पि 2:6

वा परमेस्वर जेङतेङ वा दोङ, परमेस्वरको बानाबोरको जेङका काथाहेङ एनोङ रिम्तेङ ताअ्का आमेने भाइपा माथानेहि।

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

हिब्रु 13:3

ताइमिङ बुङ इम्बालाइ दोफा कैदिता परिका कोनिङ झ्यालखानाता हिकालाइको ख्याल ताअ्सु, कालाउ ताइमि जेदोङ दुखको पिडाता परिका भाइपा जेसाङ नेलाइ इम्बालाइको पिडा ताइको जिउता आनुभब पासुखेना।

हिब्रु 4:15

केलाइ खाङधुरिहेङ थामितेङ ताअ्ताइने हाइपालिपानु केलाइको प्राधान पुजारि जाइ येसु ख्रिस्ट हि, वा केलाइको गोताङ कमजोरिगेलाइ बुझिपिखे, केलाइहेङ भाइपा साइतान येसुहेङ गोताङ काथाता जाचिहि, कालाउ बुङ वा हिदोइ बुङ पाप मापाहि।