फिलिप्पि 2:29 - Dhimal NT

²⁹ ओदोङ भाअ्सिङ हेन्जा आनान्द दोफा वासेहेङ प्रभुता स्‍वागत पासु, कालाउ इपाफ्रोडाइट्सहेङ कालाउ नाअ् भाइका आरु द्‍याङहेङ बुङ आदार पालि गोइखे।

धिमाल

²⁹ प्रभुता वासेहेङ खान्‍धुरि ओने दोअ्‌तेङ लेङचातेङ रेम्‍फा पासु। कालाउ इसिका द्‌याङगेलाइहेङ मान पासु।

फिलिप्पि 2:29 Cross References

लुका 9:5

जेसापा हिदोइ बुङ थामेको द्‍याङगेलाइ नेलाइहेङ स्‍वागत मापानु कालाउ नेलाइको काथा माहिङपिनु चेतान पिकाताङ कालाउ खोकोइको धुला ह्रितेङ इङको देरा लाअ्सु।” उङको द्‍याङगेलाइहेङ परमेस्वर दोङ पालि गोइका न्याय पावा।

युहन्‍ना 13:20

जातिङ भारि का नेलाइहेङ दोअ्खा, जाइहेङ का दिङगिल्खा, वासेहेङ आदार पाकालाइ, कासेहेङ आदार पाखे, कालाउ कासेहेङ आदार पाकालाइ कासेहेङ दिङगिल्काहेङ बुङ आदार पाखे।

साल्न्हाका चात्या 2:46

इम्बालाइ एनोङ दोङ मन जेङतेङ परमेस्वरको मुन्दिरता ए दोफाङ जोम्घाखे, कालाउ साअ्-साअ्ता तोले पोङघाखे कालाउ इम्बालाइ खुसि कालाउ सुद्द हृदयसो मिलितेङ चाघाखे,

साल्न्हाका चात्या 28:10

इङको टापुको द्‍याङगेलाइ केलाइहेङ हेन्जाङ साम्मान पाहि, कालाउ केलाइ इन्ता सुम माइना थेकापा हिनाहि। कालाउ न्हुसो केलाइ जाहाजता धोल्न्हाहि कालाउ इम्बालाइ केलाइहेङ गोइका झोको आमेनेगेलाइ बुङ जाहाजता ताअ्पिहि।

साल्न्हाका चात्या 8:8

ओदोङ भाअ्सिङ इङको सहरको हेन्जा द्‍याङगेलाइ मेनाङ आनान्द जेङहि।

रोमि 10:15

कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्‍याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्‍याङगेलाइको खोकोइ हेथे सोबाइका हि!”

रोमि 16:2

का नेलाइहेङ निबेदन पाखा, कि ख्रिस्टको पबित्तरो जन कोनिङ वासेहेङ बुङ स्‍वागत पासु, जेसाङ परमेस्वरको द्‍याङगेलाइ एमिसो-भेनेङहेङ स्‍वागत पाखे। कालाउ वासेहेङ गोइका काथाता साघाइसु, हाइपालिपानु वा ताइमिङ हेन्जाहेङ कासेहेङ बुङ साघाइका हि।

1 कोरिन्थि 16:10

जेसापा तिमोथि नेलाइकोता कोरिन्थ सहरता लोलाउ, वासेहेङ रेम्फासो ब्यभार पासु। हाइपालिपानु वा बुङ का भाइपाङ प्रभुको काम पातेङ हि।

1 कोरिन्थि 16:18

हाइपालिपानु इम्बालाइ नेलाइहेङ भाइपाङ कासेहेङ हाउसाइ पिहि। ओदोङ भाअ्सिङ नेलाइ इस्का द्‍याङगेलाइको इज्‍जत पालि गोइखे।

2 कोरिन्थि 10:18

हाइपालिपानु ताइको बाखिन ताइमिङ पाका द्‍याङ सुइकार माजेनाङ, भरु परमेस्वर दोङ बाखिन पाका द्‍याङहेङ सुइकार पाङ।

2 कोरिन्थि 7:2

केलाइहेङ नेलाइको पुरा ह्रदयहोइ प्रेम पासु, केलाइ हासुको बुङ मारेम्का ब्यभार पाका मान्थुन्हाहि, केलाइ हासुहेङ बुङ भ्रस्ट पाका मान्थुन्हाहि, केलाइ हिदोइ बुङ द्‍याङसो फाइदा ल्होपाका मान्थुन्हाहि।

फिलिप्पि 2:28

ओदोङ भाअ्सिङ का वासेहेङ दिङगिल्लि उत्सुक हिघा। कालाउकि वासेहेङ आरोङ तिङतेङ नेलाइ लेङचास्वाना कालाउ काङको चिन्ता बुङ कम जेनाङ।

कलस्सि 4:10

काङको दोफाङको कैदि, आरिस्ताखर्स नेलाइहेङ सेउपाखा पिगिल्का हि। कालाउ बार्नाबासको भागेना मर्कुसको बुङ सेउपाखा पिगिल्का हि। नेलाइ मर्कुसको बिसोइता लाम्फा दोङ पात्तारा निङलि दोसुहोइना, वा नेलाइकोता लोहे पानु वासेहेङ स्‍वागत पासु।

1 थेस्लोनिकि 5:12

ओइ खान्धुराइ ओनेगेलाइ, केलाइ नेलाइहेङ निबेदन पानाखे, कि प्रभुता नेलाइको आगुवागेलाइहेङ आदार पासु, जाइ नेलाइको भाअ्सिङ परिस्रोम पाखे, कालाउ नेलाइहेङ आत्मिक काथाता आगुवाइ पाखे।

1तिमोथि 5:17

मन्डलि रेम्फासो सामाराइलि दोका आगुवागेलाइ दोब्बल आदार हिलि गोइखे, बिसेस पातेङ जाइ परमेस्वरको बचनको प्राचार कालाउ धिरपालि परिस्रोम पाखे।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

३ युहन्‍ना 1:10

ओदोङ भाअ्सिङ जेलाउ का ल्वाङका कालाउ नेलाइको आगाता वाको पाका गोताङ कामगेलाइ थाइ-थाइ पापियाङका माकुनुते गोताङ मारेम्का सब्दगेलाइ प्रयोग पातेङ केलाइता लादाइका आरोपगेलाइ इदोइ झोको खिनिङ माको, वा दोफाङ पाक पाका खान्धुराइ ओनेगेलाइहेङ बुङ इन्कार पाखे। कालाउ स्‍वागत पालि भोकालाइहेङ बुङ खोराइखे। इता थेकापा कि वा इम्बालाइहेङ मन्डलिसो बाहार ओल्लेपाखे।