फिलिप्पि 2:2 - Dhimal NT

² नेलाइ एनोङ दोङ मनको जेङतेङ, कालाउ एनोङ दोङ प्रेम तातेङ, एनोङ दोङ बिचार जेङतेङ कालाउ एनोङ दोङ उदेस्यसो काङको आनान्द पुरा पासु।

धिमाल

² कासेहेङ लेङचापालि नेलाइ एलोङदोङ मनको जेङतेङ, एलोङदोङ मायाता हितेङ रो एलोङदोङ बिचारको जेङतेङ हिसु दोअ्‌तेङ का नेलाइहेङ बिनइ पाखा।

फिलिप्पि 2:2 Cross References

युहन्‍ना 3:29

दारा दरवाइनि दोफा बिहु पाखे, कालाउ दाराको लोकोन्दि जाअ्तेङ दाराको काथा हिङतेङ खुसि जेङखे, एसापा दोङ काङको ह्रदय आनन्दहोइ एला भरि पुर्न जेङका हि।

साल्न्हाका चात्या 1:14

इम्बालाइ कालाउ आधिमि बेबालाइ जाइ येसुहेङ साघाइका हिघाहि, कालाउ येसुको आमाइ मरियम कालाउ वाको ओनेगेलाइ दोफा इम्बालाइ झाराङ एनोङ दोङ मनको जेङतेङ लागातार प्रार्थाना पातेङ हिघाहि।

साल्न्हाका चात्या 2:1

जेलाउ यहुदिगेलाइको पेन्तिकोस पार्बाको दिना लोहि, खान्धुराइगेलाइ झाराङ ए दोफाङ जोम्का हिघाहि।

साल्न्हाका चात्या 2:46

इम्बालाइ एनोङ दोङ मन जेङतेङ परमेस्वरको मुन्दिरता ए दोफाङ जोम्घाखे, कालाउ साअ्-साअ्ता तोले पोङघाखे कालाउ इम्बालाइ खुसि कालाउ सुद्द हृदयसो मिलितेङ चाघाखे,

साल्न्हाका चात्या 5:12

एला छाल्न्हाका चात्यागेलाइ पाहासो द्‍याङगेलाइको माझाता हेन्जा चिन्हा कालाउ भारभुसाइका कामगेलाइ जेङलि तोम्हि, कालाउ ख्रिस्टको खान्धुराइगेलाइ एनोङ दोङ मनको जेङतेङ सोलोमोनको बारान्दाता जोम्तेङ भेति घाखे।

रोमि 12:16

झाराङ दोफा सान्तिसो मिलितेङ हिसु, कालाउ आभिमानि माजेङसु, कालाउ मोनोइहोइ द्‍याङगेलाइ दोफा सङगत पाअ्सु, कालाउ ताइमिङ हेन्जा गिका माथेनेसु।

1 कोरिन्थि 1:10

एला खान्धुराइ ओनेगेलाइ, केलाइको प्रभु येसु ख्रिस्टको खाबारासो का नेलाइहेङ बिन्ति पाखा, कि नेलाइ झाराङ एमिसो-भेनेङ दोफा सहमति जेङसु कालाउ ए-जेङसु कालाउ नेलाइ ता-ताइमिता मिलिसु। कालाउ नेलाइ एनोङ दोङ बिचार कालाउ एनोङ दोङ मनको जेङतेङ हिसु।

2 कोरिन्थि 13:11

आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।

2 कोरिन्थि 2:3

कालाउ का जेदोङ काथा लेखेघा, इङको इदोइ कारनहोइ लेखेघा, कि का लोलाउ जेदोङ द्‍याङगेलाइ पाहासो का आनान्द निङलि गोइका हिघाखा इम्बालाइ पाहासो का दुखि जेङलि मागोइयाको, हाइपालिपानु का आनान्द हिलाउ नेलाइ बुङ आनान्द जेङसुखेना दोअ्का कासेहेङ पुरा भोरोसा हि।

2 कोरिन्थि 7:7

वाको लोकासो खिनिङ माको, कालाउ इङको सान्तावानाहोइ बुङ, जेदोङ सान्तावाना तितिस नेलाइसो निङका हिघाहि। कासेहेङ भेतिलि नेलाइको बार्का इच्छाको बारेता वा केलाइहेङ दोअ्पिहि। काङको भाअ्सिङ नेलाइको सोक बिसोइता कालाउ काङको दोफा नेलाइको वाङखाराका चिन्ताको बारेता बुङ वा दोअ्हि, कालाउ एसापा का झन हेन्जाङ आनान्द जेङघा।

फिलिप्पि 1:4

कालाउ काङको गोताङ प्रार्थानाता का नेलाइ झाराङको भाअ्सिङ आनान्दसोङ जेलाउ बुङ परमेस्वरको साघाइको भाअ्सिङ बिन्ति पाखा।

फिलिप्पि 2:16

कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

फिलिप्पि 2:20

तिमोथि भाइका नेलाइको जातिङको मनहोइ वास्ता पाका आरु द्‍याङ का दोफा हासु बुङ मान्थु।

फिलिप्पि 4:2

का इयोदिया कालाउ सुन्तुखे बेबाल ओनेगेलाइहेङ बुङ प्रभुता मिलिसु दोअ्तेङ बिन्ति पाखा।

कलस्सि 2:5

हाइपालिपानु का नेलाइसो दुरे जेङलाउ बुङ का नेलाइको बारेता सोचितेङ हिघा। कालाउ ख्रिस्टता नेलाइको खाङधुरि बल्लियाका तिङतेङ कासेहेङ हेन्जा खुसि जेङका हि।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

2 तिमोथि 1:4

कासेहेङ फोम हि, जेलाउ केलाइ लाअ्न्हाहि नाअ् हेसा खार्का हिघाखेना, इङको फोम होइ नासेहेङ भेतिलि काङको बार्का इच्छा हि। कालाउ भेतिलि निङनु का हेन्जा लेङचा धाङका।

फिलेमोन 1:20

काङको आनाउ सानाइति, नाङकोसो ख्रिस्टता हाइ दोङ फाइदा ज्याको दोअ्का का चाहिखा। खान्धुराइ सानाइति पाका कोनिङ या काम पातेङ कासेहेङ हाउसाइपा।

२ युहन्‍ना 1:4

का हेन्जा खुसि जेङघा जेलाउ का हिङघा कि नेलाइको आधिमि जामाललाइ आग्या आन्सार सत्येता हितेङ हि, जेदोङ केलाइको आबा परमेस्वर केलाइहेङ दोअ्का हिघाहि।

३ युहन्‍ना 1:4

जेलाउ बुङ का हिङघा कि नेलाइ जाइ काङको चान-चामिन्दिगेलाइ भाइका हिसुना, परमेस्वर केलाइहेङ जातिङकोङ तिङपाका दामाता ताइको जिबन जियाइतेङ हिनाहि, इङको काथाहोइ कासेहेङ आरु हेन्जा आनन्दित पाखे।