फिलिप्पि 2:19 - Dhimal NT

¹⁹ तिमोथिहेङ नेलाइकोता धेमाङ दिङगिल्लाङका दोअ्तेङ का प्रभु येसुता आस पाखा। कालाउकि नेलाइको बारेता हिङतेङ का हाउसाइ याङका।

धिमाल

¹⁹ प्रभु इसुको लाल्‍सा हिनु आस पाखा, का मारफाङ तिमोथिहेङ नेलाइकोता दिङगिलाङका। कालाउ वा काता घुरितेङ नेलाइको बानाल हिङपालाउ का हेन्‍जाङ लेङचाङका।

फिलिप्पि 2:19 Cross References

मत्‍ति 12:21

कालाउ वाको ह्रुता गोताङ गैर-यहुदिगेलाइ खाङधुरि पावा।

साल्न्हाका चात्या 16:1

पावल डर्बि सहर लुस्तारा सहरता बुङ लोहि। इन्ता तिमोथि मिङ हिका एमि चात्या हिघाहि। कालाउ वा एमि यहुदि खान्धुराइको बेबालको चान हिघाहि। कालाउ वाको आबा चाहि ग्रिक सारभिको बासिन्दा हिघाहि।

रोमि 15:12

कालाउ आरोङ यासाइया परमेस्वरको बक्ता धर्मसास्तरता एसापा लेखेका हि, “यिसैको हारागुटियासो एमि ल्वाङ, वा गैर-यहुदिगेलाइ ह्रुता सासन पावा, कालाउ वाको ह्रुता गैर-यहुदिगेलाइ ताइको आस ताअ्तावा।”

रोमि 16:21

तिमोथि का दोफा काम पाका सानाइति, कालाउ काङको यहुदि सानाइतिगेलाइ लुकियस, यासोन कालाउ सोसिपातरोस नेलाइहेङ सेउपाखा पिगिल्का हि।

1 कोरिन्थि 4:17

ओदोङ भाअ्सिङ का तिमोथिहेङ नेलाइकोता दिङगिल्दोङखा। प्रभुता वा काङको मायारु कालाउ खाङधुरि योग्य चान भाइका हि। का गोताङ थामेगेलाइको मन्डलिता धिरपाका आन्सार येसु ख्रिस्टता काङको जिबन हिसिका हि तिमोथि नेलाइहेङ दोअ्तावा।

एफिसि 1:13

नेलाइ दोफा बुङ इन्सिकाङ जेङहि। नेलाइ बुङ सत्ये सन्‍देस हिङसुन्हा, जेदोङ चाहि परमेस्वर नेलाइहेङ मुक्ति पिका बारेता सुसमाचार हि। जेलाउ नेलाइ ख्रिस्टता खाङधुरि पास्वाना, परमेस्वर नेलाइहेङ काङको दोङ दोअ्तेङ तिङपालि वा प्रतिग्या पाका पबित्तरो आत्मा प्याङ।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 2:18

एसा पासोङ नेलाइ बुङ का दोफा खुसि कालाउ आनान्दित जेङलि गोइस्वाना।

फिलिप्पि 2:28

ओदोङ भाअ्सिङ का वासेहेङ दिङगिल्लि उत्सुक हिघा। कालाउकि वासेहेङ आरोङ तिङतेङ नेलाइ लेङचास्वाना कालाउ काङको चिन्ता बुङ कम जेनाङ।

1 थेस्लोनिकि 3:2

कालाउ नेलाइहेङ ताइको खाङधुरिता इस्थिर कालाउ हाउसाइ पालि, परमेस्वरता ख्रिस्टको सुसमाचारको सेवक केलाइको दोफाङको ओने तिमोथिहेङ नेलाइकोता दिङगिल्का हिनाहि।

1 थेस्लोनिकि 3:5

ओदोङ भाअ्सिङ का आझाइ सहिलि मादोअ्नाङ कि नेलाइ हाइ पातेङ हिसुना दोअ्तेङ थाहा निङलि का तिमोथिहेङ नेलाइकोता दिङगिल्घा। हाइपालिपानु हिसो बुङ साइतान नेलाइहेङ परिक्स्याता पाहि, कि कालाउ केलाइको परिस्रोम ब्यर्थ जेनाङबे दोअ्तेङ का थिका हिघाखा।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 तिमोथि 1:12

ओदोङ सुसमाचार प्राचार पालिको भाअ्सिङ का झ्यालखानाता कस्ट भोगिलि गोइतेङ हिघा। कालाउ बुङ का मालेदेरखा, हाइपालिपानु का ख्रिस्टहेङ नाल्खा जाइ ह्रुता का भोरोसा बुङ ताअ्का हिघा। कालाउ कासेहेङ इदोइ निसित हि, कि परमेस्वर कासेहेङ जिम्मा पिका काथाहेङ ख्रिस्ट ताइमिङ आरोङ घुरितेङ मालोपा धाउ इङको काथा जोगाइतेङ ताअ्ताङ।

याकुब 4:15

ओदोङ भाअ्सिङ नेलाइ इसिका दोअ्लि गोइका, जेसापा परमेस्वरको इच्छा जेङहि पानु केलाइ बान्च्याङ कालाउ इसिका उसिका पाङ।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।