फिलिप्पि 2:16 - Dhimal NT

¹⁶ कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

धिमाल

¹⁶ नेलाइ ज्‍यान पिका रेम्‍काबानालहेङ थिर जेङतेङ खान्‍धुर पासु। एसा पासुन्‍हा पानु काङको धाअ्‌का रो मिनेत एन्‍साङ बिथाको माजेङहि दोअ्‌तेङ ख्रिस्‍ट लोलाउ का तुजुक पाका माउका निनाङका।

फिलिप्पि 2:16 Cross References

मत्‍ति 10:27

जेदोङ बुङ परमेस्वर नेलाइहेङ कितिकितिकाता दोअ्का हि, इङको काथा नेलाइ माअ्थिसिङ सार्बाजानिक थामेता दोअ्सु। न्हातोङता हिङका काथा साअ्को चाल्हेसो प्रचार पासु।

लुका 12:8

का नेलाइहेङ दोअ्खा, जाइ दोङ कासेहेङ द्‍याङगेलाइको आगाता का द्‍याङको चानहेङ सुइकार पाखे पानु, का बुङ एन्साङ परमेस्वरको स्वर्गदुतगेलाइको आगाता काङको चात्या दोअ्तेङ सुइकार पाङका।

युहन्‍ना 6:63

कालाउ जिबन पिका आत्मा हि, जिउसो हिदोइ बुङ फाइदा माजेङखे। जेदोङ काथा का नेलाइ दोफा धुइका हिघा, इङको आत्मा कालाउ जिबन दोङ।

युहन्‍ना 6:68

कालाउ सिमोन पतरुस जोबाफ पिहि, हे प्रभु, केलाइ हासुकोता हानिलि? नाअ् दोफा आनान्त जिबनको बचन हि।

साल्न्हाका चात्या 13:26

ओइ खान्धुराइ ओनेगेलाइ, चाहे नेलाइ आब्राहामको हारागुटियाको सान्तान हिसुन्हा, चाहे नेलाइ परमेस्वरहेङ थितेङ गैर-यहुदि द्‍याङगेलाइ दोङ याते हाइ दोङ माजेङसु, परमेस्वर इदोइ मुक्तिको सन्‍देस केलाइकोता पिगिल्का हि।

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

1 कोरिन्थि 9:26

जेसाङ धाअ्का द्‍याङ लक्स्यता ताअ्तेङ धाअ्खे कालाउ भुकुन्दिहोइ दानाइका द्‍याङ धेरमाहेङ काबुता ताअ्खे, एन्साङ दोङ का बुङ ताइको खान्धुराइ जिबनहेङ येसु ख्रिस्टता काबुता ताअ्का हिघा।

2 कोरिन्थि 1:14

कालाउ नेलाइ एला केलाइहेङ आतुइसा खिनिङ बुझिका हिसुना, कालाउ का आस पाखा कि केलाइको प्रभु येसु ख्रिस्ट घुरितेङ लोलाउ नेलाइ बुङ केलाइहेङ पुर्न रुपसो बुझिस्वाना, कालाउ केलाइ नेलाइको बारेता घमन्ड पाका कोनिङ नेलाइ बुङ केलाइको बारेता घमन्ड पालि दोअ्स्वाना।

गलाति 2:2

परमेस्वर कासेहेङ इन्ता हाने दोअ्कानाङ का इन्ता हानिघा। जेलाउ का इन्ता हिघाखा का आधिमि मन्डलिको आगुवागेलाइ दोफा सिकापा भेतिघा, कालाउ जेलाउ इम्बालाइहेङ सुसमाचारको ब्याख्या पाघा जेदोङ का गैर-यहुदिगेलाइको माझाता बुङ प्राचार पाका हिघाखा, कालाउकि काङको लाम्फा पाका कामगेलाइ कालाउ एला पाका कामगेलाइ खेर मान्हाको।

गलाति 4:11

नेलाइको काम पाका तिङतेङ कासेहेङ इन्ता लागितेङ हि, कि का नेलाइको भाअ्सिङ पाका गोताङ परिस्रोम ब्यर्थ जेङहि।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

फिलिप्पि 1:6

का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

1 थेस्लोनिकि 2:19

जेलाउ केलाइको प्रभु येसु ख्रिस्ट आरोङ लावा, इङको बेला वाको आगाता केलाइको आस, आनान्द माकुनु गर्वको मुकुट नेलाइ दोङ हिसुना।

1 थेस्लोनिकि 3:5

ओदोङ भाअ्सिङ का आझाइ सहिलि मादोअ्नाङ कि नेलाइ हाइ पातेङ हिसुना दोअ्तेङ थाहा निङलि का तिमोथिहेङ नेलाइकोता दिङगिल्घा। हाइपालिपानु हिसो बुङ साइतान नेलाइहेङ परिक्स्याता पाहि, कि कालाउ केलाइको परिस्रोम ब्यर्थ जेनाङबे दोअ्तेङ का थिका हिघाखा।

हिब्रु 4:12

परमेस्वरको बचन ते काम पातेङ हिका कालाउ हुसि हिका हि, कालाउ वाको बचन न्हेपाहाङ धार हिका कात्ति खान्तेङ बुङ चुका हि। इङकोहोइ लिता हानितेङ प्रान कालाउ आत्माहेङ खेङन्हा पापिखे। इङकोहोइ जोरनि कालाउ हारा सुधाङ पाल्खे। इङको परमेस्वरको बचनहोइ द्‍याङगेलाइको ह्रदयको बिचार कालाउ इच्छाहेङ झोअ्तेङ जाचिखे।

1पतरुस 1:23

हाइपालिपानु नेलाइ परमेस्वरसो नावा जिबन निङका हिसुन्हा। कालाउ या जिबन नासाका काथासो निङका मान्थु सुन्हा कालाउ जेलाउलाउको भाअ्सिङ हिका काथासो निङका हिसुन्हा। केलाइ या नावा जिबन सिन्हुका कालाउ आनान्त परमेस्वरको बचनसो निङका हिनाहि।

१ युहन्‍ना 1:1

केलाइ एमि द्‍याङको बारेता लेखेदोङन्हाखे जेदोङ परमेस्वरको बचन हि कालाउ द्‍याङगेलाइहेङ जातिङको जिबन पिखे, वा सुमिङ सिरजाइन्हा खान्तेङ लाम्फासोङ हिघाहि। कालाउ जेदोङ केलाइ एला हिङका हिनाहि कालाउ तिङका हिनाहि, कालाउ केलाइ ताइकोङ खुरहोइ साइका हिनाहि।

प्रकास 22:17

परमेस्वरको आत्मा कालाउ थुमाको दारवाइनि येसुहेङ दोअ्खे, “नाअ् लोलिङ गोइयाना।” जाइ झाराङ इदोइ हिङखे वा बुङ एसा दोअ्ताको, “लोसु!” जाइ चि आम्लि किका हि वा इता लोलिङ गोयाङ। जिबन पिका चि आम, जाइ झाराङहेङ ए पाइसा माकोसिङ पिखे।