फिलिप्पि 2:15 - Dhimal NT

¹⁵ कालाउकि दुस्ट कालाउ भ्रस्ट द्‍याङगेलाइ भरिका सुमिङता परमेस्वरको सुद्द जामाललाइ भाइका सुद्द कालाउ मादुसिका जिबन जियाइसु। इदोइ सुमिङता मारेम्का काम पाका द्‍याङगेलाइको माझाता नेलाइ आकासको फुरुगेलाइ भाइपाङ चिल्कालि गोइखे।

धिमाल

¹⁵ एसा पासुन्‍हा पानु नेलाइ कुकरमि रो दुनियाको आखेका द्‌याङगेलाइको माझाता परमेस्‍वरको हाइदोङ दुस मान्‍थुका जामाल भाइपाङ पुनित जेङस्‍वाना। कालाउ आदेलता फुरुगेलाइ चिल्‍काका भाइपाङ नेलाइ बुङ रेम्‍का काम पातेङ एम्‍बालाइको माझाता चिल्‍कास्‍वाना।

फिलिप्पि 2:15 Cross References

मत्‍ति 10:16

हिङसु, का नेलाइहेङ स्याइलेको माझाता भेडा भाइपा दिङगिल्लाङका, इङको भाअ्सिङ पुय्याँ, भाइपा आगाल धाअ् कालाउ कुर्जा भाइपा सोझा जेङ।

मत्‍ति 17:17

येसु इम्बालाइहेङ दोअ्हि, “ओइ खाङधुरि मापाका कालाउ भ्रस्ट हारागुटियागेलाइ, का नेलाइ दोफा हेथे सोमोइ थेकापा हिलि? का एला नेलाइहेङ हेथे थेकापा सहितेङ हिलि? उङको वाजानहेङ काङकोता चुमासु।”

मत्‍ति 5:45

एन्सा पाहे पानु नेलाइ स्वर्गता हिका आबा परमेस्वरको सान्तान जेङस्वाना, हाइपालिपानु परमेस्वर बुङ दुस्ट कालाउ आसल न्हेमि द्‍याङगेलाइ ह्रुता सान्हे ओल्ला पापिखे, धर्मि कालाउ आधर्मि न्हेमिकोङ भाअ्सिङ वाइ लोपापिखे।

मत्‍ति 5:48

ओदोङ भाअ्सिङ जेलाउ बुङ नेलाइ आसल पासु, जेसाङ स्वर्गता हिका नेलाइको आबा परमेस्वर बुङ आसल पाखे।

लुका 1:6

उधिन्हेमि परमेस्वरको आगाता धर्मि जिबन बितिपाघाखे। इम्बालाइ परमप्रभुको गोताङ आग्या कालाउ मुन्धुमगेलाइ माबिराइसिङ मानिघाहि।

लुका 6:35

कालाउ ताइको सतुरुगेलाइहेङ प्रेम पासु। इम्बालाइहेङ रेम्फा पासु, कालाउ रिन ह्रेकालाइहेङ धुरिपाङका दोअ्तेङ आस मापासिङ रिन पि। एन्सा पाहे पानु नेलाइ बार्का इनाम निङस्वाना कालाउ सर्बोच्च परमेस्वरको सान्तानगेलाइ जेङस्वाना, हाइपालिपानु परमेस्वर बैगुनि कालाउ दुस्ट द्‍याङगेलाइहेङ दाया पाखे।

युहन्‍ना 5:35

युहान्‍ना जोल्तेङ हिका कालाउ चिल्कातेङ हिका गेसा भाइका हिघाहि, कालाउ नेलाइ वाको थास्साइकाता आतुइसा सोमोइ लाउ बुङ इङको आनान्द मानिलि रेम्का लागिहि।

साल्न्हाका चात्या 2:40

पतरुस इम्बालाइहेङ आरु हेन्जा काथागेलाइसो साक्सि पिहि, कालाउ एसा दोअ्तेङ आर्ति पिहि, ताइमिहेङ नेलाइ इदोइ दुस्ट पुस्तासो बान्चिपासु।

साल्न्हाका चात्या 20:30

इता थेकापा कि नेलाइको ताइकोङ खान्धुराइ समुहसो धाताइका सिक्स्या पिका द्‍याङगेलाइ ल्वावा, कालाउ इम्बालाइ चात्यागेलाइहेङ मारेम्का दामाता चुम्पावा।

रोमि 16:19

नेलाइको आग्याकारिता झाराङ द्‍याङगेलाइ हिङका हि, कालाउ नेलाइको कारनहोइ का आनान्द पाखा। कालाउ का चाहिखा, कि नेलाइ जेदोङ आसल हि इङको को भाअ्सिङ बुद्दिमान जेङसु, कालाउ जेदोङ आखेका हि इन्तासो दुसिका माजेङसिङ हिसु।

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

2 कोरिन्थि 6:17

“ओदोङ भाअ्सिङ परमप्रभु धर्मसास्तर पाहासो दोअ्खे, उङको खाङधुरि मापाकालाइको माझासो ओल्लेतेङ लोसु, कालाउ इम्बालाइसो नेलाइ खेङन्हासु, आसुद्द काथासो दुरे हिसु, कालाउ का नेलाइहेङ ग्रहन पाङका।

एफिसि 5:27

ख्रिस्ट ताइको मन्डलिको भाअ्सिङ सिहि, कालाउकि वा ताइको गोताङ द्‍याङगेलाइहेङ सिद्द बानाइयाको कालाउ इम्बालाइहेङ ताइमिको लोकाता चुमालि द्वाको। जेदोङता हिदोइ बुङ गल्ति माकुनु पाप माकुनु आरु मारेम्का कामगेलाइ माजेनाङ भरु इम्बालाइ पबित्तरो कालाउ सिद्द जेनावा।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

फिलिप्पि 3:6

जोसको बिसोइता दोअ्नु मन्डलिहेङ सान्ताइका, धार्मिकताको बिसोइता दोअ्नु यहुदि व्यवस्था केम्का का एमि धर्मि द्‍याङ दोङ हिघा हाइपालिपानु का इङको गोताङ व्यवस्था केम्का हिघाखा।

1 थेस्लोनिकि 5:23

परमेस्वर जाइ सान्ति पिखे ताइमिङ दोङ नेलाइहेङ गोताङ खाल्होइ पबित्तरो बानाइयाको, कालाउ नेलाइको गोताङ आत्मा, प्रान कालाउ जिउ केलाइको प्रभु येसु ख्रिस्ट आरोङ मालोपा धाउ पुरा रुपसो दुसिका माह्यावा।

1तिमोथि 3:10

जेलाउ मन्डलि साघाइकालाइहेङ छाल्न्हाखे, इम्बालाइ ताइमि दोफा आसल गुन हि दोअ्तेङ प्रमानित पाको। कालाउ जेसापा हासु बुङ इम्बालाइता दुसिका मानिङहि पानु इम्बालाइ मन्डिलिहेङ साघाइलि द्वाको।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

1तिमोथि 5:14

ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

1तिमोथि 5:20

जाइ मन्डलिको आगुवागेलाइ पाप पातेङ हिखे इम्बालाइहेङ खान्धुराइगेलाइको आगाता हाप्काइ, कालाउकि बो मन्डलिको आगुवागेलाइ बुङ थियाको।

1तिमोथि 5:7

खान्धुराइगेलाइहेङ इदोइ काथाको साल्लाहा पिसु, कालाउकि हासु बुङ इम्बालाइहेङ दुसिलि माद्वाको।

तितस 1:6

मन्डलिको आगुवाको एमि खिनिङ बे ह्याको, कालाउ मादुसिका हिलि गोइखे, कालाउ वाको जामाललाइ खान्धुराइ हिलि गोइखे, कालाउ इम्बालाइको मारेम्का बानि बेउरा कालाउ आग्या माकिका माह्याको।

तितस 2:10

इम्बालाइ माखुवाको, भरु ताइमिहेङ खाङधुरि योग्य तिङपाको। कालाउकि द्‍याङगेलाइ इम्बालाइको रेम्का ब्यभार तिनाको, कालाउ इम्बालाइको पाका रेम्का कामसो द्‍याङगेलाइ केलाइको मुक्ति दाता परमेस्वरको सन्‍देस हिङलि मन परियाको।

तितस 2:15

तितस, का नासेहेङ धिरपाका काथा इन्ता क्रेट टापुता हिका खान्धुराइगेलाइहेङ धिरपा। कालाउ ताइको द्‍याङगेलाइहेङ हाउसाइपा कालाउ गोल्ति पानु इम्बालाइहेङ सच्याइपा नाअ् दोफा या पालि खाबारा हि। कालाउ हासु बुङ नासेहेङ हेला पालि माउका मापि।

हिब्रु 7:26

हाइपालिपानु येसु ख्रिस्ट केलाइहेङ गोइका प्राधान पुजारि राजा हिका हि। वा पबित्तरो, मादुसिका, सुद्द हि। कालाउ परमेस्वर वासेहेङ पापि द्‍याङगेलाइसो लाअ्पातेङ झाराङ खान्तेङ ह्रुता स्वर्गता ताअ्हि।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

२ पत्‍रुस 3:14

ओदोङ भाअ्सिङ आनाउगेलाइ, नेलाइ इदोङ काथागेलाइ जेङका आस पाकाताङ पाका कारन परमेस्वरहेङ लेङचापालि, पबित्तरो कालाउ मादुसिका जिबन जियाइसु कालाउ एमिसो-भेनेङ दोफा सान्तिसो हिसु।

प्रकास 2:5

फोम पासु लाम्फा नेलाइ हेसा कासेहेङ प्रेम पाघासुखेना, कालाउ एला नेलाइ कासेहेङ इन्सिका प्रेम मापा सुखेना। नेलाइ पाप पालि लाअ्सु कालाउ परमेस्वर भारि घुरिसु कालाउ लाम्फा भाइपाङ कासेहेङ प्रेम पासु। जेसापा नेलाइ पाप पालि मालाअ्सुन्हा कालाउ परमेस्वर भारि मन मापिस्वाना पानु, का नेलाइकोता ल्वाङका कालाउ का नेलाइको चेरादानि जेता हि इन्तासो हातिपातेङ नेलाइहेङ दन्ड प्याङका।

प्रकास 3:9

उङको द्‍याङगेलाइ जाइ साइतानको एनोङ समुहको सदस्यगेलाइ दोङ हि इम्बालाइ दाबि पाखे कि ओबालाइ यहुदिगेलाइ हि, कालाउ इम्बालाइ जातिङको यहुदि माको कालाउ इम्बालाइ धाताइखे। का इम्बालाइहेङ चुमाङका कालाउ नेलाइको खोकोइता सेउपालि लागाइयाङका कालाउ का नेलाइहेङ मायारु पाखा दोअ्का इम्बालाइ थाहा निनाको।