फिलिप्पि 2:11 - Dhimal NT

¹¹ कालाउ झाराङ आबा परमेस्वरको महिमाको भाअ्सिङ येसु ख्रिस्टहेङ प्रभु हि दोअ्तेङ सुइकार पावा।

धिमाल

¹¹ कालाउ झाराङ परमेस्‍वर आबाको प्रतापको भाअ्‌सिङ इसु ख्रिस्‍टहेङ प्रभु दोअ्‌तेङ मन्‍जुर पावा।

फिलिप्पि 2:11 Cross References

मत्‍ति 10:32

जाइ कासेहेङ द्‍याङगेलाइको आगाता सुइकार पाखे, वासेहेङ का बुङ स्वर्गता हिका परमेस्वर आबाको आगाता काङको चात्या दोअ्तेङ सुइकार पाङका।

लुका 2:11

हाइपालिपानु नानि दोङ राजा दाउदको सहर बेथेलेहेमता नेलाइको भाअ्सिङ एमि मुक्ति दाताको जोलोम जेङका हि, वा दोङ ख्रिस्ट प्रभु हि।

युहन्‍ना 12:42

कालाउ बुङ हेन्जाङ जोसो यहुदि आगुवागेलाइ येसु ह्रुता खाङधुरि पाहि, कालाउ फारिसिगेलाइसो थिकानाङ कि ओबालाइ यहुदिगेलाइको चाउघारा साअ्सो ओल्ला पापियाङ दोअ्तेङ इङको सुइकार मापाहि।

युहन्‍ना 13:13

नेलाइ कासेहेङ गुरु ज्यु कालाउ प्रभु दोअ्सुखेना, इङको नेलाइ थिकोङ दोअ्सुखेना हाइपालिपानु का नेलाइको गुरु ज्यु कालाउ प्रभु दोङ हिघा।

युहन्‍ना 13:14

जेसापा का नेलाइको प्रभु कालाउ गुरु ज्यु जेङतेङ बुङ नेलाइको खोकोइ झाका हिघा पानु नेलाइ बुङ ताइमिहेङ मोनोइ जेङतेङ एमिसो-भेनेङको खोकोइ झालि गोइखे।

युहन्‍ना 14:13

नेलाइ काङको मिङता हाइ दोङ ह्रेलाउ बुङ चान पाहासो आबाको महिमा ज्याको दोअ्तेङ इङको का पाअ्प्याङका।

युहन्‍ना 14:23

येसु वासेहेङ जाबाफ पितेङ दोअ्हि, का ताइमिङ उङको द्‍याङगेलाइहेङ देखाल पाङका जाइ कासेहेङ प्रेम पाखे कालाउ काङको सिक्स्या पालन पाखे। कालाउ काङको आबा वासेहेङ बुङ प्रेम पावा, कालाउ केलाइ वाकोता ल्वाङ कालाउ वा दोफा ह्याङ।

युहन्‍ना 17:1

येसु इदोइ काथा ताइको चात्यागेलाइहेङ दोअ्लि दोअ्तेङ न्हुसो, येसु आकास भरि म्हाल्तेङ खाङहि कालाउ दोअ्हि, हे आबा, सोमोइ लोलि दोहोइ, का चानहेङ महिमित पाअ्‌, कालाउकि का चान नाङको महिमा पालि द्वाको।

युहन्‍ना 20:28

इदोइ काथा हिङतेङ थोमा येसुहेङ उत्तारा पिहि, काङको प्रभु कालाउ काङको परमेस्वर!

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

युहन्‍ना 9:22

वाको आमाइ-आबा यहुदि आगुवागेलाइसो थिनाङ एन्सा दोअ्का, हाइपालिपानु यहुदि आगुवागेलाइ लाम्फोरति निर्नय पालि दोका हिघाहि कि, जाइ-जाइ येसुहेङ ख्रिस्ट हि दोअ्खे खाङधुरि पाखे उङकोहेङ यहुदिगेलाइको चाउघारा साअ्सो ओल्लापाङ।

साल्न्हाका चात्या 10:36

परमेस्वर केलाइहेङ इस्राएलगेलाइहेङ पिगिल्का सन्‍देस नेलाइहेङ थाहा हि, वा सान्तिको प्राचारको बिसोइता दोअ्हि, जेदोङ द्‍याङगेलाइ येसु ख्रिस्टता पाका खाङधुरि पाहासो निङखे। कालाउ वा दोङ गोताङ द्‍याङगेलाइको प्रभु हि।

साल्न्हाका चात्या 2:36

ओदोङ भाअ्सिङ इस्राएलको झाराङ द्‍याङगेलाइ इङको काथा गिलि गोइखे: परमेस्वर येसुहेङ प्रभु कालाउ ख्रिस्ट बानाइहि। वा ओदोङ द्‍याङ हिघाहि जाइहेङ नेलाइ क्रुस्टा तोइसुन्हा।”

रोमि 14:11

धर्मसास्तरता लेखेका हि, “प्रभु दोअ्खे, जेसाङ का बान्चिका हिघा, गोताङ तिरु काङको आगाता थोलि गोयावा, कालाउ गोताङ परमेस्वरको बाखिनाइ पावा।”

रोमि 14:9

इदोइ कोङ भाअ्सिङ ख्रिस्ट प्रभु सिहि कालाउ आरोङ सिन्चाल्हि, कालाउ वा सिकालाइको कालाउ बान्चिकालाइको न्हेमिकोङ प्रभु दोङ।

रोमि 15:9

कालाउ गैर-यहुदिगेलाइ परमेस्वरको दायाको भाअ्सिङ वासेहेङ महिमा पाको। जिसिका धर्मसास्तरता लेखेका हि, “ओदोङ भाअ्सिङ गैर-यहुदिगेलाइको माझाता का नाङको बाखिन पाङका, कालाउ का नाङको मिङको स्तुतिको ले लेकाङका।”

1 कोरिन्थि 12:3

ओदोङ भाअ्सिङ नेलाइ इदोइ काथा गिसु दोअ्का का भोखा, कि पबित्तरो आत्मासो नुइ धुइका हासु बुङ “येसु स्रापित ज्याको” माअ्दोखे, कालाउ पबित्तरो आत्मा पाहासो खिनिङ हासु बुङ “येसु दोङ प्रभु हि” दोअ्लि द्वाङ।

1 कोरिन्थि 15:47

लाङ द्‍याङ आदम चाहि प्रिथिबिको भोनोइसो बनिका हिघाहि, कालाउ न्हेतेङ आदम जाइ ख्रिस्ट हिका हि वा स्वर्ग पाहासो लोहि।

1 कोरिन्थि 8:6

कालाउ केलाइको भाअ्सिङ ते एमि खिनिङ परमेस्वर हि, कालाउ वा केलाइको आबा हि। कालाउ वा दोङ गोताङ आमेने बानाइहि, कालाउ केलाइ वाकोसोङ बान्चिका हिनाहि। एन्साङ पातेङ केलाइ दोफा एमि खिनिङ प्रभु हि, कालाउ वा येसु ख्रिस्ट हि। येसु पाहासो दोङ गोताङ काथा सिरजाइन्हाहि, कालाउ वाकोसोङ केलाइ बान्चिका हिनाहि।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।

१ युहन्‍ना 4:15

जाइ येसुहेङ परमेस्वरको चान हि दोअ्तेङ सुइकार पाखे, वा दोफा परमेस्वर हिखे, कालाउ उङको चाहि परमेस्वर दोफा हिखे।

१ युहन्‍ना 4:2

इदोइ पाहा नेलाइ परमेस्वरको आत्माहेङ नाल्स्वाना कि गोताङ आत्मा जाइ येसु ख्रिस्ट द्‍याङ जेङतेङ लोका हि दोअ्तेङ सुइकार पाखे, उङको परमेस्वरसो हि।

२ युहन्‍ना 1:7

का या दोअ्खा हाइपालिपानु, धाताइका सिक्स्या पाहा बोमिहेङ धोका पिका हेन्जाङ द्‍याङगेलाइ इदोइ सुमिङता लोका हि। इम्बालाइ येसु ख्रिस्टहेङ इदोइ सुमिङता द्‍याङको रुपता लोका हि दोअ्तेङ सुइकार मापाखे। जेसापा हिदोइ बुङ द्‍याङ एसा दोअ्खे, उङको द्‍याङ ख्रिस्ट बिरोधि दोङ हि, जाइ जेलाउ बुङ द्‍याङगेलाइहेङ धोका पिखे।

प्रकास 3:5

जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।