फिलिप्पि 2:1 - Dhimal NT

¹ हाइपालिपानु नेलाइ ख्रिस्टको हिनाङ नेलाइ हाउसाइका हिसुना, हाइपालिपानु नेलाइ ख्रिस्टको प्रेमसो सान्तावाना निङका हिसुना, हाइपालिपानु नेलाइको पबित्तरो आत्मा दोफा सङगति हि, हाइपालिपानु ख्रिस्ट नेलाइ दोफा मोनोइ कालाउ दायाका हि,

धिमाल

¹ एदि ख्रिस्‍टता हिका नेलाइको ज्‍यान नेलाइहेङ हिमत पिका हि पानु, वाको माया नेलाइहेङ थुमथुमाइ पिका हि पानु, नेलाइ पुनित हाङसाता सङगति पासुखेना पानु, नेलाइ ए भेनेङहेङ दाया रो माया पासुखेना पानु,

फिलिप्पि 2:1 Cross References

लुका 2:25

इङको सोमोइता सिमियोन मिङ पाका एमि द्‍याङ यरुसेलेम मुन्दिरता हिघाहि, वा भक्त कालाउ धर्मि द्‍याङ हिघाहि। वा इस्राएल सारभिको द्‍याङगेलाइहेङ बान्चिपाका ख्रिस्ट ल्वाङ दोअ्का आस पातेङ ह्रुम्तेङ हिघाहि, जाइहेङ परमेस्वर दिङगिल्लि बाचा पाका हिघाहि कालाउ पबित्तरो आत्मा वाको दोफा हिघाखे।

युहन्‍ना 14:18

का नेलाइहेङ माउरिया भाइपा मालाताङका, का आरोङ नेलाइकोता ल्वाङका।

युहन्‍ना 14:27

का नेलाइहेङ सान्ति पितेङ हानाङका, माकुनु इङको सान्ति जेदोङ का दोफा हि। या सान्ति इदोइ सुमिङको पिका भाइका माको कालाउ नेलाइ दुख मामानिसु कालाउ माअ्थिसु।

युहन्‍ना 17:13

कालाउ एला का नाङकोता लोदोङखा। सुमिङता हिलाउ का इदोइ काथा दोअ्खा, कि इम्बालाइ काङको आनान्दहोइ भरि पुर्न ज्याको।

साल्न्हाका चात्या 2:46

इम्बालाइ एनोङ दोङ मन जेङतेङ परमेस्वरको मुन्दिरता ए दोफाङ जोम्घाखे, कालाउ साअ्-साअ्ता तोले पोङघाखे कालाउ इम्बालाइ खुसि कालाउ सुद्द हृदयसो मिलितेङ चाघाखे,

साल्न्हाका चात्या 4:32

खाङधुरि पाकालाइको समुह झाराङ एनोङ दोङ ह्रदय कालाउ एनोङ दोङ आत्माता हिका हिघाहि, कालाउ इम्बालाइ मध्येसो एमि बुङ ताइको धन-सम्पतिको हिदोइ बुङ आमेने इदोइ काङको केलाइको दोअ्तेङ माअ्दोघाखे। कालाउ इम्बालाइको गोताङ आमेने साझा हिघाहि।

रोमि 5:5

आसहोइ केलाइहेङ हेलाउ बुङ निरास मापा पाखे, हाइपालिपानु परमेस्वर केलाइहेङ पिका पबित्तरो आत्मासो परमेस्वरको प्रेम केलाइको ह्रदयता भरिका हि।

रोमि 8:26

एन्साङ पातेङ पबित्तरो आत्मा जाइ खाङधुरिता हुइका हि वासेहेङ साघाइखे। हाइपालिपानु हेसा प्रार्थाना पालि गोइखे केलाइ हाइ दोङ मागिनाखे, कालाउ पबित्तरो आत्मा ताइमिङ हिदोइ बुङ द्‍याङ ब्यक्त पालि मादोका सब्दगेलाइसो केलाइको भाअ्सिङ प्रार्थाना पापिखे।

1 कोरिन्थि 12:13

हाइपालिपानु एनोङ दोङ पबित्तरो आत्मासो केलाइ झाराङ एनोङ दोङ जिउता बप्तिस्ता निङका हिनाहि। चाहे इङको यहुदि ह्याको, चाहे गैर-यहुदि, चाहे बान्धाइति, चाहे बान्धाइति माको, केलाइ झाराङ एनोङ दोङ पबित्तरो आत्मा निङका हिन्हाहि।

1 कोरिन्थि 15:31

खान्धुराइ ओनेगेलाइ, कासेहेङ दिनाङ सेअ्ताङबे दोअ्तेङ खाताराता हिघाखा। इदोइ सत्ये हि, जेसाङ का केलाइको प्रभु येसु ख्रिस्टता नेलाइको कारन गर्ब पाखा।

1 कोरिन्थि 3:16

नेलाइहेङ थाहा दोङ हि, नेलाइ परमेस्वरको मुन्दिर हिसुना, कालाउ पबित्तरो आत्मा नेलाइता बासा हिखे।

2 कोरिन्थि 13:14

प्रभु येसु ख्रिस्टको आनुग्रह, परमेस्वरको प्रेम कालाउ पबित्तरो आत्माको सङगति नेलाइ झाराङ दोफा ह्याको।

2 कोरिन्थि 2:14

कालाउ परमेस्वरहेङ धन्यबाद ज्याको, हाइपालिपानु केलाइको ख्रिस्ट दोफाको सामान्दा, परमेस्वर जेलाउ बुङ केलाइहेङ ख्रिस्ट दोफाङ थोङखे कालाउ बिजोइ जेङखे, याको माने या हि कि, केलाइ हिसो बुङ हानिन्हाखे, केलाइ सुसमाचार प्राचार पानाखे कालाउकि झाराङ द्‍याङगेलाइ परमेस्वरको बारेता हिनाको कालाउ ग्याको।

गलाति 4:6

हाइपालिपानु केलाइ वाको सान्तान हिनाहि, परमेस्वर ताइको चानको आत्मा केलाइको ह्रदयता दिङगिल्पिहि, जाइ “हे आबा” दोअ्तेङ दोअ्खे।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

एफिसि 4:4

केलाइ झाराङ खान्धुराइगेलाइ एनोङ दोङ जिउको आङगगेलाइ भाइका हिनाहि, कालाउ केलाइ ओदोङ पबित्तरो आत्मा बुङ निङका हिनाहि, आस बुङ एनोङ दोङ हि, जाइको भाअ्सिङ परमेस्वर नेलाइहेङ ताइको द्‍याङगेलाइ जेङलि काइहि।

फिलिप्पि 1:8

हाइपालिपानु परमेस्वर काङको साक्सि हि, कि हेसापा ख्रिस्ट येसुको प्रेमता का नेलाइ झाराङहेङ भेतिलि भोखा।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

कलस्सि 3:12

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

हिब्रु 6:18

कालाउ इदोइ न्हेनोङ काथागेलाइ हि: वाको प्रतिग्या कालाउ वाको केरा चाका, जाइ हेलाउ बुङ फेरिलि मादोअ्खे, हाइपालिपानु परमेस्वर हेलाउ बुङ धाताइलि माद्वाङ। ओदोङ भाअ्सिङ जाइ केलाइ परमेस्वरको भेरपा सुरुक्सिया निङलिको भाअ्सिङ लोका हिन्हाहि, कालाउ जेदोङ आस वा केलाइहेङ पिका हि, इङकोहेङ हेन्जाङ साहाससोङ थामितेङ ताअ्का हिनाहि।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

१ युहन्‍ना 3:24

परमेस्वरको आग्या केम्कालाइ झाराङ वाको दोफा ए जेङतेङ हिखे, कालाउ वा इम्बालाइ दोफा ए जेङतेङ हिखे, वा केलाइहेङ पिका पबित्तरो आत्मासो केलाइ गिनाखे, कि वा केलाइ दोफा ए जेङतेङ हिखे।

१ युहन्‍ना 4:12

परमेस्वरहेङ हासु बुङ हेलाउ बुङ तिङका मान्थु। जेसापा केलाइ एमिसो-भेनेङहेङ प्रेम पानाहे पानु परमेस्वर केलाइ दोफा ह्यावा, कालाउ वाको प्रेम केलाइता सिद्द जेङका हिखे।

१ युहन्‍ना 4:16

एसापा केलाइ रेम्फा गिनाखे कालाउ केलाइ खाङधुरि पानाखे कि परमेस्वर केलाइहेङ प्रेम पाखे। परमेस्वर प्रेम हि, कालाउ जाइ प्रेमता हिखे उङको परमेस्वर दोफा हिखे, कालाउ परमेस्वर वाको दोफा हिखे।