फिलिप्पि 1:6 - Dhimal NT

⁶ का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

धिमाल

⁶ परमेस्‍वर नेलाइको माझाता एलोङ एल्‍का काम थालनि पाका हि। कालाउ वा दोङ इसु ख्रिस्‍ट घुरितेङ लोका पहरता इङको काम पोङघा पावा दोअ्‌तेङ का पाक्‍काङ खान्‍धुर पाखा।

फिलिप्पि 1:6 Cross References

युहन्‍ना 6:29

येसु इम्बालाइहेङ उत्तारा पिहि, “परमेस्वरको काम इदोइ हि, कि नेलाइ का ह्रुता खाङधुरि पासु जाइहेङ वा दोङ दिङगिल्का हि।”

साल्न्हाका चात्या 11:18

जेलाउ यहुदि खान्धुराइगेलाइ इदोइ काथागेलाइ हिङहि, ओबालाइ सिकापा हि, कालाउ एसा दोअ्ताङ ओबालाइ परमेस्वरको बाखिन पाहि, “एलाते परमेस्वरहेङ गैर-यहुदिगेलाइहेङ बुङ आनान्ताको जिबनको भाअ्सिङ पाप पालि लाअ्लि कालाउ येसु ख्रिस्टता खाङधुरि पालि मौका पिका हि।”

साल्न्हाका चात्या 16:14

केलाइको काथा हिङकालाइ मध्ये लिडिया मिङ हिका एमि बेबाल हिघाहि, वा थिआटिरा सहरसो लोका हिघाहि, वा नेल्पा धाबाको ब्यापार पाघाहि। कालाउ वा परमेस्वरको आराधाना पाका बेबाल हिघाहि। पावलको दोअ्का काथाता ध्यान पातेङ हिनाको दोअ्तेङ प्रभु वाको मन खोलि पिहि।

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

2 कोरिन्थि 1:15

केलाइ नेलाइकोता लाम्फा दोङ भेतिलि लोलि इच्छा पाका काथा नेलाइ बुझिका हिसुना दोअ्का काथाता का निसित जेङनाङ, का नेलाइहेङ भेतिलि भोघाखा, कालाउकि नेलाइहेङ न्हेखे भेतिलि लोकाता नेलाइहेङ आसिस जेङलि द्वाको।

2 कोरिन्थि 2:3

कालाउ का जेदोङ काथा लेखेघा, इङको इदोइ कारनहोइ लेखेघा, कि का लोलाउ जेदोङ द्‍याङगेलाइ पाहासो का आनान्द निङलि गोइका हिघाखा इम्बालाइ पाहासो का दुखि जेङलि मागोइयाको, हाइपालिपानु का आनान्द हिलाउ नेलाइ बुङ आनान्द जेङसुखेना दोअ्का कासेहेङ पुरा भोरोसा हि।

2 कोरिन्थि 7:16

का रामाइचाखा, हाइपालिपानु नेलाइ ह्रुता काङको पुरा भरोसा हि।

2 कोरिन्थि 9:4

जेसापा म्यासिडोनिया प्रदेसता आधिमि खान्धुराइगेलाइ काङको दोफा लोहि, कालाउ नेलाइ दोफा ताका तियार हिका मानिङहि पानु केलाइ खाङधुरि योग्यता पाहासो केलाइ लेदेरयाङ, कालाउ नेलाइ बुङ झन हेन्जा लेदेरता परिस्वाना, हाइपालिपानु केलाइ नेलाइ ह्रुता बार्का भोरोसाता ताअ्का हिघान्हाहि।

गलाति 5:10

का प्रभुता भोरोसा पाखा, कि वा नेलाइहेङ धाताइका सिक्स्यागेलाइसो फारापा ताअ्तावा। कालाउ नेलाइहेङ आवाइतुपाका हासुहेङ लाउ बुङ परमेस्वर वासेहेङ दन्ड प्याङ।

एफिसि 4:12

ख्रिस्ट द्‍याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

फिलिप्पि 1:29

हाइपालिपानु परमेस्वर नेलाइहेङ ख्रिस्टता खाङधुरि पालि खिनिङ माको, कालाउ वाको ह्रुता खाङधुरि पाकानाङ दुख भोगिलि बुङ आबसर पिका हि।

फिलिप्पि 2:12

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

फिलिप्पि 2:13

हाइपालिपानु परमेस्वर नेलाइकोता काम पादोङखे, जेदोङ कामहोइ वासेहेङ लेङचापाखे इङको काम पाका इच्छा कालाउ सरबुङ नेलाइहेङ वा दोङ पिखे।

फिलिप्पि 2:16

कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

कलस्सि 2:12

बप्तिस्ता पाहासो नेलाइ ताइको पापमय स्वभाबता लिका दोङ जेसाङ ख्रिस्ट लिन्हाहि। कालाउ नावा स्वभाबता ल्होका हिनाहि जेसाङ ख्रिस्ट सितेङ सिन्चाल्हि। इदोइ गोताङ जेङहि हाइपालिपानु नेलाइ खाङधुरि पासु, कि परमेस्वर ताइको सरबुङ पाहासो ख्रिस्टहेङ आरोङ सिकासो सिन्चाल पाहि।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

2 थेस्लोनिकि 1:11

ओदोङ भाअ्सिङ एसाङ दोङ केलाइ नेलाइ झाराङको भाअ्सिङ जेलाउलाउ बुङ प्रार्थाना पातेङ ह्याङ, कालाउकि केलाइको परमेस्वर नेलाइहेङ काइतेङ ताइको योग्यको बानाइयाको, जाइको भाअ्सिङ नेलाइहेङ काइका हि, कालाउ वाको सरबुङसो गोताङ रेम्का काम पाका इच्छा कालाउ खाङधुरि योग्य कामगेलाइ पालि साघाइयाको।

2 थेस्लोनिकि 3:4

केलाइ जेदोङ काथाको आग्या पिन्हाखे, इङको नेलाइ लागातार पासुखेना बुङ दोअ्का केलाइ नेलाइको बारेता प्रभुता खाङधुरि पानाखे।

फिलेमोन 1:21

का इदोइ पात्तारा नासेहेङ लेखेका हिघा, हाइपालिपानु का भोरोसा पाङका, कि काङको दोअ्का भाइपा नाअ् पाना। बास्ताबता कासेहेङ थाहा हि, कि का दोङ नासेहेङ दोअ्का खान्तेङ हेन्जा नाअ् पाना।

हिब्रु 10:35

ओदोङ भाअ्सिङ नेलाइको खाङधुरिहेङ मालाअ्सु, कालाउकि नेलाइ परमेस्वरसो बार्का इनाम निङलि दोसु।

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

२ पत्‍रुस 3:10

कालाउ ख्रिस्ट निसित दोङ धुरितेङ ल्वाङ। वा चोर लोका भाइपा आचानाक मासोचेका बेला धुरितेङ ल्वाङ। इङको सोमोइ आकासता बार्का गाला जेनावा, कालाउ आकास रामावा। कालाउ आकासता हिका बेला, तालि कालाउ फुरुगेलाइ मेता पुरा रुपता नासातावा। इङको दिना, द्‍याङगेलाइ प्रिथिबिता पाका गोताङ काम इम्बालाइहेङ न्याय पालिको भाअ्सिङ परमेस्वर देखाल पाङ।