फिलिप्पि 1:5 - Dhimal NT

⁵ हाइपालिपानु नेलाइ सुसमाचारता खाङधुरि पाका दिनासोङ एला थेकापा येसु ख्रिस्टको बारेता सुसमाचार प्राचार पालि कासेहेङ साघाइकानाङ का धन्यबाद पिखा।

धिमाल

⁵ हाइदोनु नेलाइ कासेहेङ रेम्‍काबानालको कामता लाम्‍फासो एलाथिकापा साघाइतेङ लोका हिसुन्‍हा।

फिलिप्पि 1:5 Cross References

साल्न्हाका चात्या 2:42

इम्बालाइ साल्न्हाका चात्यागेलाइको सिक्स्या, सङगति कालाउ तोले पोङखे कालाउ ए दोफाङ चाघाखे-आम्घाखे कालाउ प्रार्थानाता भक्ति दोफाङ दिनाङ सोमोइ पिघाखे।

रोमि 11:17

इस्राएल सारभिको द्‍याङगेलाइ रेम्का जैतुन सिङको दालेङगेलाइ भाइका दोङ हि, कालाउ पुर्खा आब्राहाम, इसाहाक, कालाउ केलाइको पुर्खा याकुब इङको सिङको जारि भाइका दोङ हि। कालाउ जेसापा हिदोइ बुङ दालेङगेलाइ पोन्हाहे पानु कालाउ नेलाइ झारभारिको जैतुन जेङतेङ इम्बालाइ दोफा रेम्का जैतुनको सिङता कलमि जेङका हिसुना। यहुदि द्‍याङगेलाइसो नेलाइ फाइदा निङसुन्हा, जेसाङ झारभारिको जैतुनको दालेङहोइ रेम्का जैतुनको सिङता कलमि जेङतेङ इङको सिङसो फाइदा निङका हिसुना।

रोमि 12:13

परमेस्वरको जनगेलाइहेङ खाचोता साघाइसु, कालाउ साअ्ता लोका बान्सालाइहेङ रेम्फा चापासु-आम्पासु।

रोमि 15:26

हाइपालिपानु यरुसेलेम सहरता हिका पबित्तरो जनगेलाइता जाइ गरिब हि, इम्बालाइको भाअ्सिङ म्यासिडोनिया प्रदेस कालाउ आखैया प्रदेसको मन्डलिगेलाइ भेति पिगिल्लि भोका हि।

1 कोरिन्थि 1:9

परमेस्वर इसिका पावा, हाइपालिपानु वा ताइमि दोअ्का काथा पालि खाङधुरि योग्य हि, कालाउ वा दोङ नेलाइहेङ ताइको चान येसु ख्रिस्ट दोफा सङगतिता काइका हि।

2 कोरिन्थि 8:1

खान्धुराइ ओनेगेलाइ, परमेस्वर म्यासिडोनिया प्रदेसको मन्डलिको खान्धुराइगेलाइहेङ पाका आनुग्रहको बारेता केलाइ नेलाइहेङ दोअ्लि खाङन्हाखे।

एफिसि 3:6

इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।

फिलिप्पि 1:12

खान्धुराइ ओनेगेलाइ इदोइ काथा नेलाइहेङ थाहा जेनाको दोअ्तेङ का भोखा, कि का ह्रुता जाइ लागिका काथागेलाइहोइ झन बास्ताबता सुसमाचार फाइलाइपालि साघाइ जेङका हि।

फिलिप्पि 1:16

उङको द्‍याङगेलाइ रेम्का बिचारसो कालाउ प्रेम दोफा सुसमाचारको प्राचार पाखे, हाइपालिपानु इम्बालाइहेङ थाहा हि, कि ख्रिस्टको सुसमाचारको सुरिक्स्याको भाअ्सिङ कासेहेङ इता झ्याल्खानाता ताअ्का हि।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

फिलिप्पि 2:12

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

फिलिप्पि 2:22

कालाउ नेलाइहेङ थाहा हि, कि हेसा वा ताइमिहेङ खाङधुरि योग्य तिङपाहि, जेसाङ चान आबा दोफा सेवा पाखे, एन्साङ दोङ तिमोथि का दोफा सुसमाचारको कामता सेवा पाहि।

फिलिप्पि 4:3

काङको खाङधुरि योग्य दोफाङको सानाइति, का नासेहेङ बिन्ति पाखा, कि इदोइ न्हेमि बेबाललाइहेङ मिलि पालि साघाइसु, हाइपालिपानु इम्बालाइ का दोफाङ सुसमाचार पालि क्लेमेस दोफा कालाउ काङको आरु दोफाङको सानाइतिगेकाइ दोफा परिस्रोम पाका हि, जाइको मिङ जिबनको कितापता हि।

फिलेमोन 1:17

ओदोङ भाअ्सिङ कासेहेङ ताइकोङ सानाइति सम्झिखेना पानु, जेलाउ ओनेसिमस नाङकोता घुरितेङ लोखे, नाअ् कासेहेङ स्‍वागत पाना भाइपाङ वासेहेङ बुङ खुसिहोइ स्‍वागत पाअ्‌।

हिब्रु 3:14

कालाउ जेसापा केलाइ लाङखेता हिका खाङधुरिता केलाइको जिबनको आनान्त थेकापा ख्रिस्टता बल्लियाका जेङतेङ हिनाहि पानु, केलाइ ख्रिस्ट दोफा बानाबोरको हक जेनाङ।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।