फिलिप्पि 1:4 - Dhimal NT

⁴ कालाउ काङको गोताङ प्रार्थानाता का नेलाइ झाराङको भाअ्सिङ आनान्दसोङ जेलाउ बुङ परमेस्वरको साघाइको भाअ्सिङ बिन्ति पाखा।

धिमाल

⁴ कालाउ नेलाइ झाराङको भाअ्‌सिङ पुकार पालाउ का दिनाङ लेङचातेङ पुकार पाखा।

फिलिप्पि 1:4 Cross References

मर्कुस 5:5

नितिमा न्हिसिन्ता जेलाउलाउ बुङ वा तोम कालाउ तिकारगेलाइ भारि ह्रिकाइगिल्घाखे कालाउ उन्ठुइहोइ ताइमिहेङ कोताराइतेङ जिउता पेचारा बानाइघाहि।

लुका 15:10

एसाङ दोङ का नेलाइहेङ दोअ्खा, ‘जेलाउ एमि पापि पाप पालि लाअ्खे कालाउ परमेस्वरको स्वर्गदुत स्वर्गता लेङचास्वावा।

लुका 15:7

का नेलाइहेङ दोअ्खा, स्वर्गता मेनाङ आनान्द जेनावा जेलाउ एमि द्‍याङ पाप पालि लाअ्खे कालाउ उनान्सय इसिका द्‍याङगेलाइ जाइ ताइमिहेङ धर्मि सम्झिखे। जाइहेङ पासाताइलि आवस्यक मान्थु।

रोमि 1:9

का गोताङ हृदयहोइ वाको चानको सुसमाचारको बिसोइता द्‍याङगेलाइहेङ प्राचार पाखा, कालाउ परमेस्वर काङको साक्सि हि, कि का लागातार काङको प्रार्थानाता नेलाइहेङ फोम पाखा।

फिलिप्पि 2:2

नेलाइ एनोङ दोङ मनको जेङतेङ, कालाउ एनोङ दोङ प्रेम तातेङ, एनोङ दोङ बिचार जेङतेङ कालाउ एनोङ दोङ उदेस्यसो काङको आनान्द पुरा पासु।

फिलिप्पि 3:18

का हेन्जा पोल्ति दोअ्का हिघा, एला बुङ द्‍याङगेलाइको बारेता आरोङ बुङ का नेलाइहेङ खार्कताङ दोअ्खा, कि हेन्जा द्‍याङगेलाइको व्यवभारहोइ तिङपाखे कि इम्बालाइ येसु ख्रिस्ट क्रुस्टता सिकाता बिरोधि हि।

फिलिप्पि 4:1

ओदोङ भाअ्सिङ काङको खान्धुराइ ओनेगेलाइ, का नेलाइहेङ हेन्जा मायारु पाङका कालाउ नेलाइहेङ भेतिलि चाहिखा। नेलाइ काङको आनन्द कालाउ हाउसा दोङ, काङको आनाउगेलाइ, काङको दोअ्का आन्सार लागातार प्रभुता भरोसा ताअ्काताङ वाको आग्या केम्सु।

कलस्सि 2:5

हाइपालिपानु का नेलाइसो दुरे जेङलाउ बुङ का नेलाइको बारेता सोचितेङ हिघा। कालाउ ख्रिस्टता नेलाइको खाङधुरि बल्लियाका तिङतेङ कासेहेङ हेन्जा खुसि जेङका हि।

1 थेस्लोनिकि 1:2

केलाइ प्रार्थाना पालाउ जेलाउ बुङ नेलाइ झाराङहेङ फोम पानाखे कालाउ नेलाइको भाअ्सिङ परमेस्वरहेङ धन्यबाद पिनाखे।

फिलेमोन 1:7

हाइपालिपानु काङको खान्धुराइ ओनेगेलाइ, का हेन्जा लेङचाका हिघा कालाउ आरु दोफाको नाङको प्रेम तिङतेङ हाउसाइतेङ हिघा, हाइपालिपानु नाअ् पाहासो परमेस्वरको जनगेलाइ हाउसाइका जेङका हि।

२ युहन्‍ना 1:4

का हेन्जा खुसि जेङघा जेलाउ का हिङघा कि नेलाइको आधिमि जामाललाइ आग्या आन्सार सत्येता हितेङ हि, जेदोङ केलाइको आबा परमेस्वर केलाइहेङ दोअ्का हिघाहि।