फिलिप्पि 1:30 - Dhimal NT

³⁰ कालाउ इङकोङ सङघरस जेदोङ हानिका सोमोइता नेलाइ काङकोता तिङसुन्हा कालाउ जिसिका दुखको काथा नेलाइ एला हिङका हिसुना, इन्सिका दुखता का आझै बुङ इता झ्यालखानाता हिघा।

धिमाल

³⁰ नेलाइ लाङ दिनागेलाइता काङको भोगेका तु: पिरगेलाइ तिङकाङ हिसुन्‍हा रो एला थिकापा बुङ तु: पिरगेलाइ भोगितेङ हिका हिङदोङ सुखेना। इन्‍सिकाङ तु: पिरगेलाइ नेलाइ बुङ भोगेदोङ सुखेना।

फिलिप्पि 1:30 Cross References

युहन्‍ना 16:33

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

फिलिप्पि 1:13

इता थेकापा कि साम्रात महलको गोताङ सिपाइ कालाउ बाकि गोताङ द्‍याङगेलाइकोता बुङ इदोइ थाहा जेङका हि, कि का ख्रिस्टको सेवा पाका हिनाङ झ्यालखानाता हिघा।

कलस्सि 1:29

ओदोङ भाअ्सिङ का थाङका परिस्रोम पाखा, इङको चाहि ख्रिस्टको पिका का लिता पाका बार्का सरबुङ आन्सार का पाखा।

कलस्सि 2:1

का नेलाइहेङ साघाइलि दो-मादोपा कोसिस पादोङखा दोअ्का काथा नेलाइ गिसु दोअ्का का खाङखा, कालाउ आरुको भाअ्सिङ बुङ जाइ लाउडिकिया सहरता हि कालाउ जाइ द्‍याङगेलाइहेङ का तिङका मान्थुघा।

1 थेस्लोनिकि 2:2

केलाइ नेलाइकोता लोका खान्तेङ लाम्फा फिलिप्पि सहरता हेन्जाङ दुख निङचाका, कालाउ इन्ताको द्‍याङगेलाइ केलाइको आपामान पाका इदोइ गोताङ काथागेलाइ नेलाइ झाराङहेङ थाहा दोङ हि। कालाउ थिस्लोनिकि सहरको द्‍याङगेलाइ हेन्जा बिरोध पालाउ बुङ केलाइको परमेस्वर केलाइहेङ माअ्थिसिङ नेलाइहेङ इदोइ सुसमाचार प्राचार पालि साघाइका हिघाहि।

1तिमोथि 6:12

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

2 तिमोथि 4:7

खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

हिब्रु 12:1

केलाइको कोरपाहाङ इदोइ द्‍याङगेलाइको खाङधुरिको साक्सि नुगामारि हि, ओदोङ भाअ्सिङ लोसु, केलाइको दामाता आइ परिका बाधागेलाइ कालाउ केलाइहेङ रिम्तेङ ताअ्का पापगेलाइहेङ केलाइ पान्छाइने कालाउ केलाइको आगाता हिका धाअ्का काम धैर्य सोङ ह्रुम्तेङ धाअ्ताइने।

हिब्रु 12:4

नेलाइ पापको बिरोधता पाका सङघर्सता, द्‍याङगेलाइ नेलाइहेङ सेअ्का आबास्था थेकापा ते सहिलि गोइका मान्थु।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।