फिलिप्पि 1:27 - Dhimal NT

²⁷ कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

धिमाल

²⁷ मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 1:27 Cross References

मत्‍ति 12:25

येसु इम्बालाइको मारेम्का काथा थाहा गितेङ इम्बालाइहेङ दोअ्हि, “हिदोइ बुङ सारभिको द्‍याङ ता-ताइमिता खेङन्हाहि पानु इङको सारभि तिकितेङ हिलि माद्वावा। एन्साङ पातेङ एनोङ जाहान एमिसो-भेनेङको बिरोधता हि पानु, इङको जाहान ए दोफाङ हिलि माद्वावा।”

साल्न्हाका चात्या 2:46

इम्बालाइ एनोङ दोङ मन जेङतेङ परमेस्वरको मुन्दिरता ए दोफाङ जोम्घाखे, कालाउ साअ्-साअ्ता तोले पोङघाखे कालाउ इम्बालाइ खुसि कालाउ सुद्द हृदयसो मिलितेङ चाघाखे,

साल्न्हाका चात्या 24:24

आले दिना न्हुसो हाकिम फेलिक्स ताइको यहुदि बे दुसिल्लाहेङ दोफाङ चुम्तेङ कैसरिया सहरता लोहि। कालाउ फेलिक्स पावलहेङ काइतेङ ख्रिस्ट येसुहेङ खाङधुरि पाका बारेता वाकोसो हिङहि।

साल्न्हाका चात्या 4:32

खाङधुरि पाकालाइको समुह झाराङ एनोङ दोङ ह्रदय कालाउ एनोङ दोङ आत्माता हिका हिघाहि, कालाउ इम्बालाइ मध्येसो एमि बुङ ताइको धन-सम्पतिको हिदोइ बुङ आमेने इदोइ काङको केलाइको दोअ्तेङ माअ्दोघाखे। कालाउ इम्बालाइको गोताङ आमेने साझा हिघाहि।

रोमि 1:16

कालाउ का येसु ख्रिस्टको सुसमाचारता गर्ब पाङका। हाइपालिपानु खाङधुरि पाका झाराङको मुक्तिको भाअ्सिङ इदोइ परमेस्वरको सरबुङ हि, लाम्फा यहुदिगेलाइहेङ कालाउ गैर-यहुदिगेलाइको भाअ्सिङ बुङ हि।

रोमि 1:5

कालाउ प्रभु येसु ख्रिस्टसो परमेस्वर कासेहेङ आनुग्रह पातेङ साल्न्हाका चात्याको काम पिहि, कालाउकि का ख्रिस्टको काम पालि द्वाको कालाउ गोताङ गैर-यहुदिगेलाइ येसु ख्रिस्टको मिङता खाङधुरि पाको कालाउ वाको आग्या किताको।

रोमि 1:9

का गोताङ हृदयहोइ वाको चानको सुसमाचारको बिसोइता द्‍याङगेलाइहेङ प्राचार पाखा, कालाउ परमेस्वर काङको साक्सि हि, कि का लागातार काङको प्रार्थानाता नेलाइहेङ फोम पाखा।

रोमि 10:8

कालाउ धर्मसास्तर दोङ एसापा दोअ्खे, “परमेस्वरको बचन नेलाइको भेरपाङ हि, इङको नाङको नुइताङ कालाउ नाङको हृदयता हि, इदोइ सन्देसहोइ परमेस्वरता खाङधुरि पालि धिरपाखे, जेदोङ केलाइ प्राचार पान्हाखे।”

रोमि 15:16

कि का गैर-यहुदिगेलाइको भाअ्सिङ येसु ख्रिस्टको सेवक जेङतेङ परमेस्वरसो लोका सुसमाचार प्राचार पालि पुजारि कोनिङ सेवा पाखा, कालाउकि गैर-यहुदिगेलाइहेङ पबित्तरो आत्मा पाहासो सुद्द जेङतेङ ग्रहन योग्य बलि जेङलि द्वाको।

रोमि 15:29

कालाउ का गिखा कि, जेलाउ का नेलाइकोता ल्वाङका, ख्रिस्टको प्रसस्त आसिस नेलाइ दोफा बाखाराइ याङका।

1 कोरिन्थि 1:10

एला खान्धुराइ ओनेगेलाइ, केलाइको प्रभु येसु ख्रिस्टको खाबारासो का नेलाइहेङ बिन्ति पाखा, कि नेलाइ झाराङ एमिसो-भेनेङ दोफा सहमति जेङसु कालाउ ए-जेङसु कालाउ नेलाइ ता-ताइमिता मिलिसु। कालाउ नेलाइ एनोङ दोङ बिचार कालाउ एनोङ दोङ मनको जेङतेङ हिसु।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

2 कोरिन्थि 13:11

आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

2 कोरिन्थि 9:13

पिका सेवाहोइ नेलाइ सत्ये हिसुना दोअ्तेङ प्रमान पालि हेन्जाङ द्‍याङगेलाइ परमेस्वरको बाखानाइ पाखे, हाइपालिपानु नेलाइ येसु ख्रिस्टको सुसमाचार सत्ये हि दोअ्तेङ खाङधुरि पासुखेना गरिब कालाउ आरु खान्धुराइगेलाइहेङ बुङ उद्दार मनहोइ पितेङ इदोङहेङ केम्सुखेना।

गलाति 1:7

कालाउ बास्ताबता एनोङ खिनिङ सत्ये सुसमाचार हि, कालाउ हेथे द्‍याङगेलाइ नेलाइहेङ आवाइ तुपातेङ ख्रिस्टको सुसमाचारहेङ परिबतन पालि भोदोङखे।

एफिसि 1:13

नेलाइ दोफा बुङ इन्सिकाङ जेङहि। नेलाइ बुङ सत्ये सन्‍देस हिङसुन्हा, जेदोङ चाहि परमेस्वर नेलाइहेङ मुक्ति पिका बारेता सुसमाचार हि। जेलाउ नेलाइ ख्रिस्टता खाङधुरि पास्वाना, परमेस्वर नेलाइहेङ काङको दोङ दोअ्तेङ तिङपालि वा प्रतिग्या पाका पबित्तरो आत्मा प्याङ।

एफिसि 1:15

इदोइ गोताङको कारन जेलाउ का नेलाइको प्रभु येसुता खाङधुरि कालाउ गोताङ परमेस्वरको जनगेलाइको भाअ्सिङ नेलाइको प्रेमको बिसोइता हिङखा,

एफिसि 4:1

प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

फिलिप्पि 1:5

हाइपालिपानु नेलाइ सुसमाचारता खाङधुरि पाका दिनासोङ एला थेकापा येसु ख्रिस्टको बारेता सुसमाचार प्राचार पालि कासेहेङ साघाइकानाङ का धन्यबाद पिखा।

फिलिप्पि 2:12

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

फिलिप्पि 2:24

कालाउ का बुङ धेमाङ ल्वाङका दोअ्तेङ प्रभुता भोरोसा ताअ्का हिघा।

फिलिप्पि 3:18

का हेन्जा पोल्ति दोअ्का हिघा, एला बुङ द्‍याङगेलाइको बारेता आरोङ बुङ का नेलाइहेङ खार्कताङ दोअ्खा, कि हेन्जा द्‍याङगेलाइको व्यवभारहोइ तिङपाखे कि इम्बालाइ येसु ख्रिस्ट क्रुस्टता सिकाता बिरोधि हि।

फिलिप्पि 3:20

कालाउ केलाइ स्वर्गको बासिन्दा दोङ, इन्तासो आरोङ लोका केलाइको मुक्ति दाता माकुनु प्रभु येसु ख्रिस्टहेङ ह्रुम्तेङ हिनाखे।

फिलिप्पि 4:1

ओदोङ भाअ्सिङ काङको खान्धुराइ ओनेगेलाइ, का नेलाइहेङ हेन्जा मायारु पाङका कालाउ नेलाइहेङ भेतिलि चाहिखा। नेलाइ काङको आनन्द कालाउ हाउसा दोङ, काङको आनाउगेलाइ, काङको दोअ्का आन्सार लागातार प्रभुता भरोसा ताअ्काताङ वाको आग्या केम्सु।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 1:4

हाइपालिपानु ख्रिस्ट येसुता नेलाइको खाङधुरि कालाउ परमेस्वरको जनगेलाइको भाअ्सिङ नेलाइको प्रेमको काथा केलाइ हिङका हिनाहि।

1 थेस्लोनिकि 3:6

कालाउ तिमोथि नेलाइसो एलाङ खिनिङ घुरितेङ थुकालि लोका हि, कालाउ नेलाइको खाङधुरि कालाउ प्रेमको बानाल केलाइहेङ हिङपाहि। नेलाइ केलाइहेङ जेलाउ बुङ फोम पासुखेना कालाउ केलाइहेङ भेतिलि बार्का इच्छा पासुखेना दोअ्का काथा केलाइहेङ दोअ्हि। केलाइ बुङ नेलाइहेङ ओसाङ भाइपा भेतिलि चाहाना पानाखे।

1 थेस्लोनिकि 4:1

आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

1तिमोथि 1:11

इदोइ सहि सिक्स्या केलाइको आधभुत परमेस्वरको महिमाको बारेता सुसमाचार दोफा सहमति हिखे, जाइ कासेहेङ प्राचार पाका जिम्माबारि सुम्पिका हि।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

2 तिमोथि 4:7

खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

तितस 2:10

इम्बालाइ माखुवाको, भरु ताइमिहेङ खाङधुरि योग्य तिङपाको। कालाउकि द्‍याङगेलाइ इम्बालाइको रेम्का ब्यभार तिनाको, कालाउ इम्बालाइको पाका रेम्का कामसो द्‍याङगेलाइ केलाइको मुक्ति दाता परमेस्वरको सन्‍देस हिङलि मन परियाको।

फिलेमोन 1:5

हाइपालिपानु का प्रभु येसुता नाङको खाङधुरि कालाउ गोताङ परमेस्वरको जनगेलाइको भाअ्सिङ नाङको प्रेमको बारेता हिङका हिघा।

याकुब 3:18

कालाउ सान्ति ताअ्का झाराङ सान्तिको चालाइ बिखे कालाउ इम्बालाइ धार्मिकताको सिसा जोम्पाखे।

२ पत्‍रुस 3:11

इदोइ निसित हि कि परमेस्वर एसापा गोताङ काथा नासा पाङ, नेलाइहेङ निसित थाहा हि कि नेलाइ हेसा जिबन जियाइलि गोइखे। नेलाइको ब्यभार कालाउ नेलाइको पाका गोताङ कामगेलाइसो परमेस्वरहेङ लेङचापाका बानाइका हिलि गोइखे।

२ पत्‍रुस 3:14

ओदोङ भाअ्सिङ आनाउगेलाइ, नेलाइ इदोङ काथागेलाइ जेङका आस पाकाताङ पाका कारन परमेस्वरहेङ लेङचापालि, पबित्तरो कालाउ मादुसिका जिबन जियाइसु कालाउ एमिसो-भेनेङ दोफा सान्तिसो हिसु।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।