फिलिप्पि 1:26 - Dhimal NT

²⁶ कालाउकि जेलाउ का आरोङ नेलाइकोता ल्वाङका कालाउ जेदोङ काम येसु ख्रिस्ट काङको पाहासो पाअ्दोङखे। काङको कारन ख्रिस्ट येसुता गर्ब पालि नेलाइहेङ आझै हेन्जाङ कारनगेलाइ ह्यावा।

धिमाल

²⁶ कालाउ का आरोङ नेलाइदोफा दोफाङ हिका खातिर नेलाइ ख्रिस्‍ट इसुहेङ आरोङ हेन्‍जाङ बाखिन स्‍वाना।

फिलिप्पि 1:26 Cross References

युहन्‍ना 16:22

एसापा दोङ एला नेलाइहेङ सोकते जेङखे, कालाउ का आरोङ नेलाइहेङ खानाङका, कालाउ नेलाइ लेङचास्वाना, कालाउ नेलाइको लेङचाका हासु बुङ घिङतेङ चुम्पुलि माद्वाङ।

युहन्‍ना 16:24

नेलाइ एला थेकापा काङको चात्या जेङतेङ बुङ आबा दोफा हाइ दोङ ह्रेका मान्थुसुना, ह्रेसु नेलाइ निङस्वाना कालाउकि नेलाइको आनान्द भरि पुर्न ज्याको।

2 कोरिन्थि 1:14

कालाउ नेलाइ एला केलाइहेङ आतुइसा खिनिङ बुझिका हिसुना, कालाउ का आस पाखा कि केलाइको प्रभु येसु ख्रिस्ट घुरितेङ लोलाउ नेलाइ बुङ केलाइहेङ पुर्न रुपसो बुझिस्वाना, कालाउ केलाइ नेलाइको बारेता घमन्ड पाका कोनिङ नेलाइ बुङ केलाइको बारेता घमन्ड पालि दोअ्स्वाना।

2 कोरिन्थि 5:12

केलाइ आरोङ नेलाइको भेरपा ताइको बाखिन मापाङ, कालाउ नेलाइहेङ केलाइता गर्ब पालि माउका पितेङ ह्याङ, कालाउकि नेलाइ ओबालाइहेङ जोबाफ पिलि दोसु, जाइ द्‍याङको ह्रदयको काथाता माको भरु बाहारको काथाता घमन्ड पाखे।

2 कोरिन्थि 7:14

हाइपालिपानु तितसको आगाता नेलाइको बारेता का हाइ दोङ घमन्ड पाका हिघाखा पानु, नेलाइ कासेहेङ निरास पाका मान्थु सुन्हा, भरु जेसाङ केलाइ नेलाइहेङ दोअ्का गोताङ सत्ये हिघाहि, एन्साङ दोङ तितसको आगाता केलाइको पाका घमन्ड सत्ये थोहोरिका हि।

2 कोरिन्थि 7:4

नेलाइता काङको बार्का भरोसा हि, नेलाइ ह्रुता का हेन्जा गर्ब पाखा। का नेलाइको सान्तावानाहोइ पोङघातेङ हिघा, कालाउ केलाइको गोताङ कस्टता का ओसारापाङ आनान्द हिघा।

2 कोरिन्थि 7:6

कालाउ मनता मुइतेङ हिकालाइहेङ सान्तावाना पिका परमेस्वर तितसको लोकासो केलाइहेङ सान्तावाना पिहि।

गलाति 6:4

झाराङ ताइकोङ कामको जाच पाको, जेसापा रेम्का हि पानु, आरु हासु बुङ दोफा तुलाना मापातेङ ताइमिको पाका कामता गर्ब पाको।

फिलिप्पि 3:1

आम्तिमता खान्धुराइ ओनेगेलाइ, प्रभुता आनान्द जेङसु। नेलाइहेङ ओदोङ काथागेलाइ दोहोराइतेङ कासेहेङ झर्को मालागिखे, हाइपालिपानु ओदोङ काथाहोइ नेलाइहेङ धाताइका सिक्स्यकसो सामाराइतेङ ताअ्तावा।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

फिलिप्पि 4:10

प्रभुता का मेनाङ सुकापा हिघा, कि हेन्जा दिना न्हुसो काङको भाअ्सिङ ताका पिगिल्तेङ नेलाइ आरोङ काङको वास्ता पासुन्हा। नेलाइ जातिङकोङ काङको भाअ्सिङ चिन्ताता हिघासुखेना, कालाउ नेलाइ कासेहेङ साघाइलि मौका निङका मान्थु घासुखेना।

फिलिप्पि 4:4

दिनाङ प्रभुता आनान्द पासु, का आरोङ बुङ द्वाङका प्रभुता आनान्द पासु।