फिलिप्पि 1:24 - Dhimal NT

²⁴ कालाउ का जिउता हितेङ हिलि नेलाइको साघाइको भाअ्सिङ झन आवस्यक हि।

धिमाल

²⁴ कालाउ का नेलाइको भाअ्‌सिङ का बान्‍चितेङहिलि हेन्‍जाङ खाचो हि।

फिलिप्पि 1:24 Cross References

युहन्‍ना 16:7

कालाउ जातिङ भारि का नेलाइहेङ दोअ्खा, का हानिलि दोङ नेलाइको भाअ्सिङ रेम्का हि। हाइपालिपानु का मान्हेपानु, पबित्तरो आत्मा नेलाइको साल्लाहाकार नेलाइकोता माल्वाङ। कालाउ का हानिखा पानु वासेहेङ नेलाइकोता दिङगिल्लाङका।

फिलिप्पि 1:22

जेसापा का जिउता दोङ बान्चिलि गोइनु बुङ का ख्रिस्टको भाअ्सिङ काम लागिका जेनाङका। कालाउ बुङ का सिलि माकुनु बान्चिलि हिदोइ चाहि छाल्लि गोइका हि, इङको का दोअ्लि माद्वाङका।

फिलिप्पि 1:23

का मागियाङका इङको न्हेनोङ मध्ये हिदोइ चाहि साल्लि गोइका हि। भरु सितेङ ख्रिस्ट दोफा हिलि इच्छा हि, हाइपालिपानु या हेन्जाङ दोङ रेम्का हि।