फिलिप्पि 1:22 - Dhimal NT

²² जेसापा का जिउता दोङ बान्चिलि गोइनु बुङ का ख्रिस्टको भाअ्सिङ काम लागिका जेनाङका। कालाउ बुङ का सिलि माकुनु बान्चिलि हिदोइ चाहि छाल्लि गोइका हि, इङको का दोअ्लि माद्वाङका।

धिमाल

²² कालाउ का सिन्‍हुतेङहिघा पानु प्रभुको भाअ्‌सिङ रेम्‍का काम पाका माउका निनाङका। एन्‍सानु ज्‍यान साल्‍लि ना सिका साल्‍लि? इङको का दोअ्‌लि माद्‌वाङका।

फिलिप्पि 1:22 Cross References

साल्न्हाका चात्या 3:17

ओइ एला काङको खान्धुराइ ओनेगेलाइ, कासेहेङ थाहा हि, कि नेलाइ कालाउ नेलाइको आगुवागेलाइ येसुहेङ सेअ्हि हाइपालिपानु वा ख्रिस्ट हि दोअ्का नेलाइहेङ थाहा मान्थुघाखे।

रोमि 1:13

खान्धुराइ ओनेगेलाइ, नेलाइहेङ थाहा जेनाको दोअ्तेङ का चाहिखा, कि का नेलाइहेङ कालाउ बाकि हिका गैर-यहुदिगेलाइहेङ बुङ आत्माता बारालि साघाइयाङका दोअ्तेङ नेलाइकोता लोलि हेन्जा पोल्ति भोघा, कालाउ बुङ का एला थेकापा लोलि दोका मान्थुघा।

रोमि 11:2

परमेस्वर लाम्फासोङ चुनिका ताइको द्‍याङगेलाइहेङ लाअ्का मान्थु। नेलाइ गिसुखेना, कि धर्मसास्तरता परमेस्वरको बक्ता एलियाको बिसोइता हाइ लेखेका हि, एलिया दोङ परमेस्वर दोफा इस्राएलको द्‍याङगेलाइको बिसोइता दुसिहि।

2 कोरिन्थि 10:3

हाइपालिपानु केलाइ इदोइ सुमिङता हिनाखे, कालाउ बुङ इदोइ सुमिङको द्‍याङगेलाइ भाइपाङ केलाइ ताइको सतुरु दोफा धुम मापानाखे।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

फिलिप्पि 1:23

का मागियाङका इङको न्हेनोङ मध्ये हिदोइ चाहि साल्लि गोइका हि। भरु सितेङ ख्रिस्ट दोफा हिलि इच्छा हि, हाइपालिपानु या हेन्जाङ दोङ रेम्का हि।

फिलिप्पि 1:24

कालाउ का जिउता हितेङ हिलि नेलाइको साघाइको भाअ्सिङ झन आवस्यक हि।

कलस्सि 2:1

का नेलाइहेङ साघाइलि दो-मादोपा कोसिस पादोङखा दोअ्का काथा नेलाइ गिसु दोअ्का का खाङखा, कालाउ आरुको भाअ्सिङ बुङ जाइ लाउडिकिया सहरता हि कालाउ जाइ द्‍याङगेलाइहेङ का तिङका मान्थुघा।

1पतरुस 4:2

परिनाम स्वरुप उङको द्‍याङ इदोइ प्रिथिबिता ताइको बाकि जिबन ताइकोङ पापि मानिमुइ इच्छागेलाइ पुरा पातेङ माबान्चियाङ, कालाउ वा परमेस्वरको गोइका काथा पावा।