फिलिप्पि 1:17 - Dhimal NT

¹⁷ कालाउ उङको इख पाका द्‍याङगेलाइ चाहि स्वार्थको कारन ख्रिस्टको बारेता प्राचार पाखे, हाइपालिपानु इम्बालाइ इता झ्याल्खानाता काङको कस्ट थोपिलि भोखे।

धिमाल

¹⁷ बोमिगेलाइचाहिँ सोझा मनहोइ माको, कालाउ का थुनाता हिलाउ झन हेन्‍जा तु: भोग्‍याको दोअ्‌तेङ ताइको भालाइको भाअ्‌सिङ खिनिङ फोमपातेङ ख्रिस्‍टको पारचार पाखे।

फिलिप्पि 1:17 Cross References

लुका 21:14

नेलाइ ताइमिहेङ बान्चिपालिको भाअ्सिङ हाइ दोअ्लि गोयाङ इङको बिसोइता चिन्ता पालि मागोइयाङ।

साल्न्हाका चात्या 22:1

“काङको खान्धुराइ ओनेगेलाइ कालाउ आबागेलाइ, का ताइको पक्स्यता दोअ्लि गोइका काथा एला हिङसु।”

साल्न्हाका चात्या 26:1

कालाउ राजा आग्रिप्पा पावलहेङ दोअ्हि, “नासेहेङ ताइको बिसोइता नुइ धुइलि आनुमति हि।” कालाउ पावल ताइको खुरको इसाराहोइ ताइमिहेङ बान्चिपालिको भाअ्सिङ एसापा दोअ्तेङ नुइ धुइलि तेङहि:

साल्न्हाका चात्या 26:24

पावल ताइमिङहेङ बान्चिपालिको भाअ्सिङ इङको काथागेलाइ दोअ्काताङ पालाउ फेस्तस हाकिम ह्रिकाइतेङ दोअ्हि, “नाअ् पागाला जेङका हिना। नाङको हेन्जा पढाइहोइ नासेहेङ पागाला बानाइहि।”

रोमि 2:8

कालाउ स्वार्थि कालाउ सत्येको पालन माकेम्का कालाउ दुस्ट काम पाका ह्रुता चाहि परमेस्वरको क्रोड कालाउ चेरचुङता परियाङ।

फिलिप्पि 1:18

हाइ दोङ ज्याको, मुल काथा चाहि इदोइ दोङ हि, कि गोताङ प्रकारसो चाहे मारेम्का कारनहोइ, चाहे सत्येता, ख्रिस्टको बारेता सुसमाचारको प्राचार जेनाको, का इदोइताङ लेङचाङका।

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

फिलिप्पि 2:3

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

1तिमोथि 2:7

याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

2 तिमोथि 2:9

कालाउ ओदोङ सुसमाचार हिङपाकानाङ का आपाराधि कोनिङ कस्ट भोगितेङ हिघा। इङको झोको खिनिङ माको आपाराधि कोनिङ झिन्झिरिहोइ धेउनातेङ झ्यालखानाता परिका हिघा। कालाउ द्‍याङगेलाइहेङ परमेस्वरको बचन प्राचार पालि हिदोइ बुङ काथाहोइ रोकिलि माद्वावा।

2 तिमोथि 4:16

लाङ पोल्ति आदालतता काङको मुद्दा चलिलाउ हासु बुङ काङको पक्स्यता माधुइहि, कालाउ झाराङ कासेहेङ लाअ्तेङ हानिहि। परमेस्वर इङको काथाको दुसिका इम्बालाइहेङ मालाग्याको, भरु का प्रार्थाना पाङका कि इम्बालाइ कासेहेङ लाअ्काता परमेस्वर इम्बालाइहेङ स्यामा प्याको।