फिलिप्पि 1:16 - Dhimal NT

¹⁶ उङको द्‍याङगेलाइ रेम्का बिचारसो कालाउ प्रेम दोफा सुसमाचारको प्राचार पाखे, हाइपालिपानु इम्बालाइहेङ थाहा हि, कि ख्रिस्टको सुसमाचारको सुरिक्स्याको भाअ्सिङ कासेहेङ इता झ्याल्खानाता ताअ्का हि।

धिमाल

¹⁶ जाइ कासेहेङ माया पाखे, एम्‍बालाइ दोङ रेम्‍का बिचारहोइ ख्रिस्‍टको रेम्‍काबानाल पारचार पाखे। हाइदोनु एम्‍बालाइ गेखे, परमेस्‍वर दोङ कासेहेङ रेम्‍काबानालहेङ जोगाइलिको भाअ्‌सिङ खाटाइका हि।

फिलिप्पि 1:16 Cross References

1 कोरिन्थि 9:17

हाइपालिपानु जेसापा का इदोइ काम ताइकोङ इच्छाहोइ पाकानु इदोइसो का हाइ दोङ इनाम निङका आस पाधाङका। कालाउ इदोइ कामहेङ काङको इच्छा माजेङतेङ भरु कर्तब्य सम्झितेङ पादोङखा, कालाउ परमेस्वर दोङ कासेहेङ इदोइ कामको जिम्मा पिकानु का हिदोइ बुङ इनामको आस मापाङका।

2 कोरिन्थि 2:17

हाइपालिपानु हेन्जाङ द्‍याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्‍याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।

फिलिप्पि 1:10

कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

फिलिप्पि 1:12

खान्धुराइ ओनेगेलाइ इदोइ काथा नेलाइहेङ थाहा जेनाको दोअ्तेङ का भोखा, कि का ह्रुता जाइ लागिका काथागेलाइहोइ झन बास्ताबता सुसमाचार फाइलाइपालि साघाइ जेङका हि।

फिलिप्पि 1:5

हाइपालिपानु नेलाइ सुसमाचारता खाङधुरि पाका दिनासोङ एला थेकापा येसु ख्रिस्टको बारेता सुसमाचार प्राचार पालि कासेहेङ साघाइकानाङ का धन्यबाद पिखा।

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

फिलिप्पि 2:22

कालाउ नेलाइहेङ थाहा हि, कि हेसा वा ताइमिहेङ खाङधुरि योग्य तिङपाहि, जेसाङ चान आबा दोफा सेवा पाखे, एन्साङ दोङ तिमोथि का दोफा सुसमाचारको कामता सेवा पाहि।

फिलिप्पि 4:15

नाअ् फिलिप्पिको द्‍याङगेलाइ ताइमिङ गिसुखेना, कि नेलाइहेङ सुसमाचार प्राचार पाका दिनासो जेलाउ का नेलाइको थामेसो म्यासिडोनिया प्रदेसता हानिघा, कासेहेङ नेलाइ बाहेक आरु हिदोइ बुङ मन्डलि ताका पितेङ मासाघाइहि।

फिलिप्पि 4:3

काङको खाङधुरि योग्य दोफाङको सानाइति, का नासेहेङ बिन्ति पाखा, कि इदोइ न्हेमि बेबाललाइहेङ मिलि पालि साघाइसु, हाइपालिपानु इम्बालाइ का दोफाङ सुसमाचार पालि क्लेमेस दोफा कालाउ काङको आरु दोफाङको सानाइतिगेकाइ दोफा परिस्रोम पाका हि, जाइको मिङ जिबनको कितापता हि।