फिलिप्पि 1:10 - Dhimal NT

¹⁰ कालाउकि जाइ काम पालि उत्तम हि इङको नेलाइ साल्लि दोअ्स्वाना, जेलाउ ख्रिस्ट आरोङ ल्वाङ इङको दिनाको भाअ्सिङ सुद्द कालाउ दुसुलि मादोका जेङतेङ हिसु।

धिमाल

¹⁰ एन्‍सा जेङनु खिनिङ नेलाइ झाराङखान्‍तेङ रेम्‍का काथाहेङ खेङलि दोस्‍वाना। कालाउ ख्रिस्‍ट लोलाउ नेलाइ पुनित रो दुसमान्‍थुका जेङस्‍वाना।

फिलिप्पि 1:10 Cross References

मत्‍ति 16:23

कालाउ येसु ताइको ह्राइ घुरिपाहि कालाउ चात्याभारि खाङतेङ पतरुसहेङ दोअ्हि, “ओइ साइतान नाअ् काङकोसो दुरे हाने! हाइपालिपानु नाअ् काङको भाअ्सिङ बाधा हिना, हाइपालिपानु नाअ् परमेस्वरको काथाता माको कालाउ द्‍याङगेलाइको काथाता मन पिखेना।”

मत्‍ति 26:33

पतरुस येसुहेङ दोअ्हि, “झाराङ लाअ्तेङ खाअ्लाउबुङ का नासेहेङ चाहि हेलाउ बुङ मालाअ्ताङका।”

युहन्‍ना 1:47

येसु नाथानेलहेङ ताइकोता लोकाताङ पाका तिङतेङ वाको बिसोइता दोअ्हि, “खाङसु एमि खाङधुरि योग्य इस्राएल सारभिको हारागुटिया, जाइ चाहि पुर्न रुपता इमान्दार हि।”

युहन्‍ना 3:20

हाइपालिपानु दुस्ट काम पाकालाइ झाराङ थास्साइका मन्दा माताखे। कालाउ थास्साइकाता इम्बालाइको पाका कामगेलाइ तिनाङ दोअ्तेङ थितेङ इम्बालाइ थास्साइकाता मालोखे।

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

रोमि 12:2

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

रोमि 12:9

नेलाइको प्रेम तिङपाका खिनिङ माको भरु जातिङको ह्याको। जेदोङ काथा खाराब हि इङकोहेङ बाथालाइगिल, कालाउ जेदोङ काथा एल्का हि इङको काम लागातार पातेङ हि।

रोमि 16:17

खान्धुराइ ओनेगेलाइ, का नेलाइहेङ सेउपाखा, कि नेलाइहेङ धिर्पाका सत्ये सिक्स्याको बिरोध पाका द्‍याङगेलाइसो जाइ खेङपाखे चङख हिसु कालाउ इम्बालाइसो दुरे हिसु।

रोमि 2:18

कालाउ नासेहेङ थाहा हि कि, परमेस्वर नाअ् हाइ पाका चाहिखेना कालाउ हाइ सहि हि नासेहेङ थाहा हि, हाइपालिपानु नाअ् मोसाको व्यवस्थासो सिक्स्या निङका हिना।

रोमि 7:16

जेसापा का मारेम्का काम पाखा जेदोङ का पालि माभोखा पानु, का व्यवस्था रेम्का हि दोअ्तेङ मानियाङका।

रोमि 7:22

हाइपालिपानु का काङको गोताङ ह्रदयहोइ परमेस्वरको व्यवस्थाता लेङचाका हिघा।

रोमि 8:7

हाइपालिपानु पापमय स्भाबको आधिनता हिका द्‍याङ चाहि परमेस्वरको सतुरु दोङ हि। हाइपालिपानु वा परमेस्वरको व्यवस्थाहेङ आग्या केम्का मान्थुखे, कालाउ ना ते वा आग्या केम्लि दोङ द्वावा।

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

1 कोरिन्थि 10:32

एसापा दोङ हासुहेङ बुङ पाप पालि लागाइका काम मापासु, चाहे यहुदिगेलाइहेङ माकुनु गैर-यहुदिगेलाइहेङ, चाहे परमेस्वरको मन्डलिगेलाइ ह्याको।

1 कोरिन्थि 8:13

ओदोङ भाअ्सिङ जेसापा मुर्तिहेङ चाढाइका चाका आमेनेहोइ आरु खान्धुराइगेलाइहेङ खाङधुरि लाअ्लि लागाइखे पानु, का इन्सिका चाका आमेने माचाङका, कालाउकि आरु खान्धुराइगेलाइ ताइको खाङधुरि मालाअ्ताङ।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

2 कोरिन्थि 2:17

हाइपालिपानु हेन्जाङ द्‍याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्‍याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।

2 कोरिन्थि 6:3

परमेस्वरहेङ साघाइका द्‍याङ जेङतेङ केलाइको सेवाता हासु बुङ दुसिका मानिनाको दोअ्तेङ केलाइ हासुको बुङ दामाता बाधाको कारन माजेनाङ।

2 कोरिन्थि 8:8

का इदोइ आग्याको रुपता दोअ्का माको, भरु आरुगेलाइको जोस दोफा तुलाना पातेङ नेलाइको प्रेम बुङ जातिङको हि दोअ्का प्रमानित पालि का इदोइ दोअ्का हिघा।

गलाति 5:11

खान्धुराइ ओनेगेलाइ, जेसापा का द्‍याङगेलाइको खाताना हिलि गोयाङ दोअ्तेङ प्राचार पाकानु, का समस्याता मापरिधाङका। कालाउ जेसापा का ख्रिस्टको क्रुसको बिसोइहेङ लाअ्तेङ द्‍याङगेलाइको खाताना हिलि गोयाङ दोअ्का बिसोइता प्राचार पाकानु, का यहुदिगेलाइहेङ चेर माताम्पापिधाङका।

एफिसि 4:15

भरु प्रेमहोइ सत्ये नुइ धुइकाताङ, कालाउ केलाइ ख्रिस्ट भाइपा गोताङ काथाता परिपक्क जेनाइने, जाइ चाहि ताइको जिउ मन्डलिको पुरिङ हि।

एफिसि 5:10

प्रभु हिदोइ काथाता खुसि ज्याङ इङको काथा धिरलि कोसिस पासु।

एफिसि 5:27

ख्रिस्ट ताइको मन्डलिको भाअ्सिङ सिहि, कालाउकि वा ताइको गोताङ द्‍याङगेलाइहेङ सिद्द बानाइयाको कालाउ इम्बालाइहेङ ताइमिको लोकाता चुमालि द्वाको। जेदोङता हिदोइ बुङ गल्ति माकुनु पाप माकुनु आरु मारेम्का कामगेलाइ माजेनाङ भरु इम्बालाइ पबित्तरो कालाउ सिद्द जेनावा।

एफिसि 6:24

केलाइको प्रभु येसु ख्रिस्टहेङ माओताका प्रेम पाका झाराङ दोफा परमेस्वरको आनुग्रह ह्याको।

फिलिप्पि 1:16

उङको द्‍याङगेलाइ रेम्का बिचारसो कालाउ प्रेम दोफा सुसमाचारको प्राचार पाखे, हाइपालिपानु इम्बालाइहेङ थाहा हि, कि ख्रिस्टको सुसमाचारको सुरिक्स्याको भाअ्सिङ कासेहेङ इता झ्याल्खानाता ताअ्का हि।

फिलिप्पि 1:6

का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

फिलिप्पि 2:16

कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

1 थेस्लोनिकि 3:13

केलाइ प्रार्थाना पानाखे कि प्रभु येसु नेलाइको ह्रदयहेङ इस्थिर बानाइयाको, कालाउकि जेलाउ येसु आरोङ गोताङ परमेस्वरको जनगेलाइ दोफा लोलाउ नेलाइ केलाइको आबा परमेस्वरको आगाता पबित्तरो कालाउ दाग मालागिका जेङलि दोसु।

1 थेस्लोनिकि 5:21

गोताङ सन्‍देस जाचे कि इङको परमेस्वरसो लोका हि कि माको, कालाउ रेम्का सन्देसगेलाइहेङ सुइकार पातेङ केम्सु।

1 थेस्लोनिकि 5:23

परमेस्वर जाइ सान्ति पिखे ताइमिङ दोङ नेलाइहेङ गोताङ खाल्होइ पबित्तरो बानाइयाको, कालाउ नेलाइको गोताङ आत्मा, प्रान कालाउ जिउ केलाइको प्रभु येसु ख्रिस्ट आरोङ मालोपा धाउ पुरा रुपसो दुसिका माह्यावा।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।