फिलिप्पि 1:1 - Dhimal NT

¹ ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

धिमाल

¹ ख्रिस्‍ट इसुको बान्‍धाइगेलाइ पावल रो तिमोथिसो, फिलिप्‍पि पुरता हिका मन्‍डलिको आगुवागेलाइ, डिकनगेलाइ रो ख्रिस्‍ट इसुता हिका परमेस्‍वरको झाराङ पुनित जनगेलाइहेङ इदोइ चिथि लेखेदोङ न्‍हाखे।

फिलिप्पि 1:1 Cross References

मर्कुस 13:34

का द्‍याङको चान आरोङ ल्वाङका, एनोङ दुरेको दामा तेअ्का द्‍याङको काहानिसो बाताइलि दोअ्खे: एमि द्‍याङ ह्रिङका दामा हानिलिको भाअ्सिङ ताइको साअ् लाअ्पिधिखे। हानिलि खान्तेङ लाम्फा वा चाकारियागेलाइहेङ पालि गोइका काम पिखे। कालाउ वा पालेहेङ दोअ्खे कि वाको घुरिका दिनाता तियार जेङतेङ हिसु।

युहन्‍ना 12:26

हासु बुङ काङको सेवा पाखे पानु, का दोफा लोसु कालाउ काङको चात्या जेङसु। कालाउ का जेता ह्याङका, इन्ताङ काङको सेवक ह्यावा। हासु बुङ काङको सेवा पाहे पानु काङको आबा वाको आदार पावा।

साल्न्हाका चात्या 1:20

हाइपालिपानु, “राजा दाउदको भजन सङग्रहता यहुदाको बिसोइता इसिका लेखेका हि: वाको साअ् उदादाङका जेनाको, कालाउ इन्ता बासा हिका हासु बुङ माजेनाको, ‘कालाउ राजा भेनेङ थामेता एसा बुङ दोअ्का हि!’ वाको पाका कामको जिम्मा भेनेङ द्‍याङ ह्रुकाको!

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

साल्न्हाका चात्या 9:13

कालाउ हननिया जोबाफ पिहि, “हे प्रभु, इङको द्‍याङ यरुसेलेम सहरता जेङका नाङको पबित्तरो द्‍याङगेलाइहेङ हेन्जा साताइका काथा का हेन्जा द्‍याङगेलाइसो हिङका हिघा।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

1 कोरिन्थि 16:10

जेसापा तिमोथि नेलाइकोता कोरिन्थ सहरता लोलाउ, वासेहेङ रेम्फासो ब्यभार पासु। हाइपालिपानु वा बुङ का भाइपाङ प्रभुको काम पातेङ हि।

2 कोरिन्थि 1:1

का, पावल केलाइको खान्धुराइ ओने तिमोथि दोफाङ इदोइ पात्तारा लेखेदोङखा, का परमेस्वरको इच्छा पाहासो येसु ख्रिस्टको छाल्न्हाका चात्या हिघा, का इदोइ पात्तारा कोरिन्थि सहरता हिका परमेस्वरको मन्डलिहेङ, कालाउ गोताङ आखैया प्रदेसता हिका झाराङ पबित्तरो जनगेलाइहेङ लेखेदोङखा।

गलाति 1:10

आबस्य बुङ का द्‍याङगेलाइहेङ खुसि पालि माभोखा, भरु का परमेस्वरहेङ खिनिङ खुसि पालि भोखा। जेसापा आझाइ बुङ द्‍याङगेलाइहेङ खुसि पालि कोसिस पाकानु का येसु ख्रिस्टको सेवक माजेङधाङघा।

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

एफिसि 1:1

परमेस्वरको छाल्न्हाका चात्या जेङलि चुनिका का पावल, येसु ख्रिस्टता खाङधुरि पाका एफिसस सहरता हिका परमेस्वरको पबित्तरो जनगेलाइहेङ इदोइ पात्तारा लेखेदोङखा।

एफिसि 1:15

इदोइ गोताङको कारन जेलाउ का नेलाइको प्रभु येसुता खाङधुरि कालाउ गोताङ परमेस्वरको जनगेलाइको भाअ्सिङ नेलाइको प्रेमको बिसोइता हिङखा,

एफिसि 6:24

केलाइको प्रभु येसु ख्रिस्टहेङ माओताका प्रेम पाका झाराङ दोफा परमेस्वरको आनुग्रह ह्याको।

फिलिप्पि 2:19

तिमोथिहेङ नेलाइकोता धेमाङ दिङगिल्लाङका दोअ्तेङ का प्रभु येसुता आस पाखा। कालाउकि नेलाइको बारेता हिङतेङ का हाउसाइ याङका।

फिलिप्पि 2:5

नेलाइता इसिका मन ह्याको जेदोङ ख्रिस्ट येसुता बुङ हिघाहि।

फिलिप्पि 3:12

का इदोइ गोताङ लाम्फासोङ निङलि दोहोइका माकुनु लाम्फासो सिद्द जेङलि दोहोइका दोअ्तेङ ते माको, कालाउ इङको काथागेलाइहेङ निङलिको भाअ्सिङ का कोसिस दोफा आगा बाढेतेङ हिघा जेदोङ काथाको भाअ्सिङ येसु ख्रिस्ट कासेहेङ साल्का हि।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

1 थेस्लोनिकि 1:1

इदोइ पात्तारा का पावल थेसलोनिकि सहरता हिका खान्धुराइगेलाइहेङ लेखेदोङखा, जेदोङ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि, का प्रार्थाना पाखा, कि परमेस्वर दोङ नेलाइहेङ आनुग्रह कालाउ सान्ति प्याको।

1 थेस्लोनिकि 2:2

केलाइ नेलाइकोता लोका खान्तेङ लाम्फा फिलिप्पि सहरता हेन्जाङ दुख निङचाका, कालाउ इन्ताको द्‍याङगेलाइ केलाइको आपामान पाका इदोइ गोताङ काथागेलाइ नेलाइ झाराङहेङ थाहा दोङ हि। कालाउ थिस्लोनिकि सहरको द्‍याङगेलाइ हेन्जा बिरोध पालाउ बुङ केलाइको परमेस्वर केलाइहेङ माअ्थिसिङ नेलाइहेङ इदोइ सुसमाचार प्राचार पालि साघाइका हिघाहि।

2 थेस्लोनिकि 1:1

इदोइ पात्तारा का पावल, थेसलोनिकि सहरता हिका खान्धुराइगेलाइहेङ लेखेदोङखा, जाइ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि।

2 थेस्लोनिकि 1:10

इदोइ एन्सालाउ जेनावा जेलाउ प्रभु येसु ताइको द्‍याङगेलाइसो आदार निङलि ल्वाङ। नेलाइ बुङ इम्बालाइ दोफाङ हिस्वाना हाइपालिपानु नेलाइ केलाइको सन्‍देस साअ्सुना जेदोङ नेलाइहेङ वाको बिसोइता दोअ्का हिघान्हाहि

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

1तिमोथि 3:8

एन्सा पातेङ मन्डिलिहेङ साघाइकालाइ बुङ भलादमि हिलि गोइखे, इमान्दार, हेन्जा गोरा चि-माआम्का कालाउ ताकाको लोभ मापाका ह्याको।

तितस 1:1

का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्‍याङगेलाइहेङ खाङधुरिको सन्‍देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

फिलेमोन 1:1

का पावल इदोइ पात्तारा लेखेदोङखा, का झ्याल्खानाता हिघा हाइपालिपानु का येसु ख्रिस्टको बारेता प्राचार पाघा। का कालाउ का दोफाङ काम पाका खान्धुराइ सानाइति तिमोथिसो नाअ् फिलेमोन केलाइको आनाउ सानाइति कालाउ साघाइकाहेङ सेउपाखा।

हिब्रु 13:23

नेलाइहेङ इदोइ थाहा पिलि भोखा, कि केलाइको खान्धुराइ ओने तिमोथि झ्यालखानासो छुतिका हि, जेसापा वा मारफाङ लोहि पानु का वाको दोफा नेलाइहेङ भेतिलि ल्वाङका।

याकुब 1:1

का याकुब परमेस्वर कालाउ प्रभु येसु ख्रिस्टको बान्धाइति इदोइ पात्तारा इस्राएल सारभिको तेन्हे कुलहेङ लेखेदोङखा, जाइ सारभिगेलाइ भरि चार-बिराइतेङ हिका उङको झाराङहेङ का सेउपाखा।

1पतरुस 2:25

लाम्फा, नेलाइ दामा आवाइतेङ भेडा मेसा कोनिङ हिघासुखेना कालाउ एला नेलाइ ताइको आत्माको लाखुरिया कालाउ रक्स्या पाकाता ख्रिस्टकोता घुरितेङ लोका हिसुना।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

यहुदा 1:1

इदोइ पात्तारा का यहुदासो हि, का येसु ख्रिस्टको बान्धाइति कालाउ याकुबको ओने हिघा। का इदोइ पात्तारा परमेस्वरता खाङधुरि पाका वाको पाहासो काइका द्‍याङगेलाइहेङ लेखेदोङखा। नेलाइहेङ परमेस्वर केलाइको आबा प्रेम पाखे कालाउ येसु ख्रिस्टता रेम्फा ताअ्का हि।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”

प्रकास 2:12

येसु कासेहेङ एसा बुङ दोअ्हि, पर्गाममको सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ दोफा धार हिका न्हेधारे कात्ति हि, जेदोङ का नेलाइहेङ दोअ्खा वासेहेङ हिङसु।

प्रकास 2:8

येसु कासेहेङ एसा बुङ दोअ्हि, स्मुरना सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ गोताङ आमेने सुरु पाहि, कालाउ का आवाङ हिघा जाइ गोताङ आमेने आन्त्य बुङ पाहि। का सिका हिघाखा, कालाउ एला सिन्हुका हिघा कालाउ जेलाउलाउको बुङ भाअ्सिङ सिन्हुतेङ ह्याङका। जेदोङ का नेलाइहेङ दोअ्खा वासेहेङ हिङसु।

प्रकास 22:9

कालाउ वा कासेहेङ दोअ्हि, “कासेहेङ आराधाना मापासु, खिनिङ परमेस्वरको आराधाना पासु! का बुङ नाअ् भाइकाङ कालाउ नाङको सानाइति खान्धुराइ ओनेगेलाइ भाइपाङ परमेस्वरको एमि सेवक हिघा, जाइ आगामबानि पाखे। कालाउ का इम्बालाइ झाराङ भाइपा हिघा जाइ इदोइ कितापता लेखेका आगमबानिको काथागेलाइ किखे।”