फिलिप्पि 4:9 - धिमाल

⁹ जेदोङ काथागेलाइ नेलाइ धिरसुन्‍हा रो र्‍हुसुन्‍हा, जेदोङ काथागेलाइ नेलाइ हिङसुन्‍हा रो काङको पाका तिङसुन्‍हा, इङकोङ कामगेलाइ नेलाइ पासु। कालाउ बेराजा पिका परमेस्‍वर नेलाइदोफा हितेङह्‍यावा।

Dhimal NT

⁹ नेलाइ जेदोङ काथागेलाइ कासो कालाउ काङको व्यवभारसो धिरसुन्हा कालाउ ग्रहन पासुन्हा, इङकोहेङ व्यवभारता चुमासु कालाउ सान्तिको परमेस्वर नेलाइ दोफा ह्यावा।

फिलिप्पि 4:9 Cross References

मत्‍ति 1:23

“खाङ, बिहुमाजेङका बेजान न्‍हेजिउ जेनावा, वा एलोङ चान जोलोमजेनावा, वाको मिङ इम्‍मानुएल ताअ्‌तावा” जाइको माने “परमेस्‍वर केलाइदोफा” जेङखे।

मत्‍ति 28:20

का नेलाइहेङ हुकुम पिका गोताङ काथा मानेलि एम्‍बालाइहेङ धिरपासु। खाङसु, का सुमिङको न्‍हुअ्‌थिकापा दिनाङ नेलाइ दोसाङ ह्‍याङका।”

मत्‍ति 7:21

“कासेहेङ ‘प्रभु’, ‘प्रभु’ दोअ्‌का झाराङ सादेलको सारभिता दुल्‍लि मानिनावा। सादेलता हिका काङको आबाको लाल्‍सा मानिका द्‍याङ खिनिङ सादेलको सारभिता दुल्‍लि निनावा।

लुका 6:46

“काङको दोअ्‌का काथा मासाअ्‌सुन्‍हा पानु हाइपालि नेलाइ कासेहेङ प्रभु, दोअ्‍सुखेना?

लुका 8:21

इसु एम्‍बालाइहेङ दोअ्‌हि, “परमेस्‍वरको काथा हिङका रो मानेकालाइ दोङ काङको आमाइ रो काङको ओनेगेलाइ।”

युहन्‍ना 13:17

एदि नेलाइ इदोइ काथा गेसुन्‍हा रो इङको पासुन्‍हा पानु, नेलाइ सहसाम्‍पा जेङस्‍वाना।

युहन्‍ना 15:14

नेलाइहेङ का जेदोङ हुकुम पाखा इङको नेलाइ मानिसुन्‍हा पानु नेलाइ काङको सानाइति एइ।

युहन्‍ना 2:5

वाको आमाइ कामत्‍यागेलाइहेङ दोअ्‌हि, “इसु जेदोङ दोअ्‌खे, इङकोङ पासु।”

साल्न्हाका चात्या 9:6

कुलाउ ल्‍होतेङ पुरता हाने, ना जे पालिगोइका इङको नासेहेङ दोअ्‌प्‍यावा।”

1 कोरिन्थि 10:31

इदोइखातिर का नेलाइहेङ दोअ्‌खा, नेलाइ चालाउ बुङ, आम्‍लाउ बुङ रो हाइदोङ पालाउ बुङ, गोताङ परमेस्‍वरको बाखिन्‍काको भाअ्‌सिङ पासु।

1 कोरिन्थि 14:33

हाइदोनु परमेस्‍वर आवाइपाका परमेस्‍वर माको, सुबिस्‍ताको परमेस्‍वर हि। परमेस्‍वरको द्‌याङगेलाइको गोताङ मन्‍डलिता हिका चलनआन्‍सार,

1 कोरिन्थि 4:16

इदोइभाअ्‌सिङ नेलाइ ख्रिस्‍ट इसुको मिङता काङको पाका भाइपाङ पासु दोअ्‌तेङ का नेलाइहेङ पुकार पाखा।

फिलिप्पि 3:17

दादाओने बाइओनेगेलाइ, नेलाइ बुङ केलाइ भाइपाङ जेङसु। केलाइ नेलाइको भाअ्‌सिङ रेम्‍का नामुना जेङका हिन्‍हाहि। कालाइ नेलाइ बुङ इदोङ नामुनाआन्‍सार चलेकालाइहेङ पिताइसु।

फिलिप्पि 4:7

एसा पासुन्‍हा पानु परमेस्‍वरको बेराजा नेलाइको कोन्‍धाङ रो मनहेङ ख्रिस्‍ट इसुता जोगाइतेङ ताअ्‌तावा। नेलाइहेङ परमेस्‍वरको पिका इदोङ बेराजा हासुङ बुझिलि माद्‌वावा।

1 थेस्लोनिकि 1:6

नेलाइ केलाइभाइपाङ कालाउ प्रभु भाइपाङ चलितेङ तु:ता बुङ पुनित हाङसासो लेङचातेङ रेम्‍का बानालहेङ पिताइसुन्‍हा।

1 थेस्लोनिकि 2:14

दादाओने बाइओनेगेलाइ, नेलाइ बुङ ख्रिस्‍ट इसुता खान्‍धुर पाका यहुदियाता हिका परमेस्‍वरको मन्‍डलिगेलाइभाइपाङ जेङका हिसुन्‍हा। हाइपानु यहुदियाको मन्‍डलिगेलाइ जेसापा यहुदिसो तु: भोगेहि, एन्‍साङ पातेङ नेलाइ बुङ ताइकोङ जात्‍याको द्‍याङगेलाइसो तु: भोगेसुन्‍हा।

1 थेस्लोनिकि 5:23

सान्‍तिको परमेस्‍वर ताइमिङ नेलाइहेङ पुनित ताअ्‌ताको। नेलाइको गोताङ ज्‍यान, सास रो जिउ केलाइको प्रभु इसु ख्रिस्‍ट लोलाउ खोटमान्‍थुका ह्‍याको।

2 थेस्लोनिकि 3:4

केलाइको दोअ्‌का भाइपाङ नेलाइ पादोङसुखेना रो पातेङ बुङ हिस्‍वाना दोअ्‌तेङ केलाइ नेलाइको भाअ्‌सिङ प्रभुता दोङ भर पाका हिन्‍हाहि।

2 तिमोथि 4:22

प्रभु नाङको हाङसादोफा ह्‍याको। नेलाइता परमेस्‍वरको निगाहा ह्‍याको।

याकुब 1:22

परमेस्‍वरको कथन साअ्‌का जेङसु रो हिङका खिनिङ जेङतेङ ताइमिङहेङ छल मापासु।

२ पत्‍रुस 1:10

इदोइखातिर दादाओने बाइओनेगेलाइ, नेलाइको काइन्‍हाका रो साल्‍का निधो पालि आरोङ बोल्‍याका जेङसु। हाइपानु इदोइ काथा पासुन्‍हा पानु नेलाइ हेअ्‌लाउ बुङ परमेस्‍वरसो दुरे माजेङस्‍वाना।

१ युहन्‍ना 3:22

कालाउ केलाइ जेदोङ र्‍हेन्‍हाखे इङको वासो निङन्‍हाखे। हाइदोनु केलाइ वाको हुकुम साअ्‌न्‍हाखे रो वासेहेङ मोन्‍दा ताका कामगेलाइ पान्‍हाखे।