फिलिप्पि 4:5 - धिमाल

⁵ नेलाइ नोइका हिसुन्‍हा दोअ्‌तेङ झाराङ द्‌याङगेलाइ ग्‍याको। प्रभु मारफाङ लोदोङखे।

Dhimal NT

⁵ नेलाइको सभ्य स्वभाव गोताङ द्‍याङगेलाइहेङ थाहा ज्याको, प्रभु धेमाङ लोदोङखे।

फिलिप्पि 4:5 Cross References

मत्‍ति 6:25

“इदोङभाअ्‌सिङ का नेलाइहेङ दोअ्‌खा, ‘हाइ चाङका, हाइ आमाङका’ रो हाइ लागायाङका दोअ्‌तेङ ताइको ज्‍यानको भाअ्‌सिङ पिर मापासु। हाइ ज्‍यान चाकाआनेमानेखान्‍तेङ रो जिउ धाबाखेन्‍ताराखान्‍तेङ मोलहिका माको कुनु?

मत्‍ति 6:34

इदोइभाअ्‌सिङ जुम्‍निको पिर मापासु, हाइपानु जुम्‍निको पिर जुम्‍निहेङ दोङ लाअ्‌पिसु। नानिको पिर नानिकोङ भाअ्‌सिङ थेम्‍का हि।”

लुका 21:34

“नेलाइ चालाक जेङतेङ हिसु। हेन्‍जा भोज भात्‍यारता मालागेसु। म्‍हातेङ माहिगिल्‍सु रो इदोइ ज्‍यानको भाअ्‌सिङ सुर्ता मापासु। माकोनुते नेलाइको मन बोधाला तावा। इङको दिना नेलाइ माचिताइका पहरता ल्‍वावा।

1 कोरिन्थि 16:22

जाइ प्रभुहेङ माया मापाखे इङकोहेङ परमेस्‍वर साराप प्‍यावा। केलाइको प्रभु, लोउ!

1 कोरिन्थि 6:7

नेलाइ एमि भेनेङको खिलापता मुदा पालि दोङ हारेका काथा एइ। नियालएता हानेका खान्‍तेङ ते भुरुङ आनिया सहेलि दोङ रेम्‍का रो बोमि नेलाइहेङ ठगेलि दोङ रेम्‍का एइ।

1 कोरिन्थि 8:13

इदोइखातिर दिरहेङ भोकपिका बिहा चालाउ काङको हिदिङ बुङ खान्‍धुरि दादा ओनेगेलाइहेङ बाधा पिखे पानु का हेअ्‌लाउ बुङ बिहा दोङ माचाङका।

1 कोरिन्थि 9:25

घाकाता आसि र्‍हुकालाइ जिउहेङ सादाइलि दिनाङ रफत पाखे। एम्‍बालाइ ते मुअ्‍तेङ हानेका ताज निङलि एसा पाखे। कालाउ केलाइचाहिँ मामुअ्‌का मुकुट निङलि एसा पान्‍हाखे।

2 थेस्लोनिकि 2:2

एदि हासुङ हिदिङ बुङ आगाधुइ, धुइका काथा माकोनु लेखेन्‍हाका काथासो प्रभु लाम्‍फा दोङ लोलि दोका हि दोअ्‌तेङ दोअ्‌खे पानु इङको काथा केलाइसो लोका फोमपातेङ नेलाइ सुरता मापासु रो माथिसु।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

1पतरुस 1:11

आगाधुइकालाइ इङको हेसापा रो हेअ्‌लाउ ज्‍याङ दोअ्‌तेङ गेलि भोहि। कालाउ ख्रिस्‍टको पुनित हाङसा एम्‍बालाइहेङ वा तु: भोगेलि गोयाङ रो इङकोन्‍हुअ्‌सो बाराका मान निनावा दोअ्‌तेङ लाम्‍फा दोङ दोअ्‌पिका हिघाहि।

1पतरुस 4:7

गोताङ काथागेलाइको आखिर जेङलिङ तोम्‍का हि। इदोइखातिर नेलाइ ताइको मनहेङ आधिता ताअ्‌सु रो हुसपातेङ पुकार पासु।